Apocalipsis 15:4 - Dižaʼ güen c̱he ancho Jesucristo

⁴ Nono zoa beṉe' bi cheyaḻa' žebe' le' X̱anto', da' choṉo' castigw c̱he da' malen'. Nono zoa beṉe' bi cheyaḻa' gonxene' le'. Tozo' le' naco' beṉe' laždao' xilaže' juisyw. Na' beṉe' že' yogo' nación yeside' laguon' yesonxene' le', ḻe ba besele'ede' da' ba beno' na' zjaṉezde' zejczen to ḻicha.

Apocalipsis 15:4 Iomraidhean Croise

Romanos 15:9

Na' ḻecze bid Criston' cont le'e bi nacle beṉe' Israel ḻecze gonxenḻe Diosen' da' ba beyaše'laže'de' le'e. Chac ca nyoj Xtiža' Diosen' dan' žan: Da'nan' gua' yeḻa' chox̱clen c̱hio' gan' že beṉe' bi zjanac beṉe' Israel, goḻa' gonxena' le'.

1 Pedro 1:16

Ḻe Xtiža' Diosen' nyojen žan: “Cheyaḻa' gacle beṉe' laždao' xilaže', ḻe neda' Dios naca' beṉe' laždao' xilaže'.”

Apocalipsis 11:15

Nach angl beṉe' gažen' bcuež trompeta c̱hen' na' benda' baḻ beṉe' ca' že' yaban' goseṉe' zižje, gosene': Doxen yeḻa' chnabia' c̱he yežlion' bac̱h naquen ḻo na' X̱ancho Diosen' na' ḻo na' Cristo ben' gwleje' cont chnabi'e. Na' Diosen' zoacze' chnabi'e toḻi tocaṉe.

Apocalipsis 14:7

Gwṉe' zižje gože' ḻegaque': ―Ḻe žeb Diosen' na' ḻe gonxene', ḻe ba bžin hor gone' yeḻa' justis c̱he beṉac̱h. Ḻe gonxen Dios ben' ben yaban', yežlion', nisdao' na' ga chal nis.

Apocalipsis 16:5

Nach benda' gwṉe angl ben' chape' nisen' da' de ḻo yežlion', gože' Diosen': ―X̱anto' Dios, len' naco' beṉe' laždao' xilaže' juisyw. Ba zoaczo' le' cate' za' x̱e yežlion'. Zejczo' ḻicha can' ba gwc̱hoglaguo' chac da' quinga,

Apocalipsis 16:7

Nach benda' gwṉe to beṉe' do cho'a mes gan' beṉe' ca' že' yaban' chosozeye' bi da' chosozeye' cate' chesonxene' Diosen', gwne': ―X̱anto' Dios, len' napo' ḻa'zelagüe yeḻa' guac xen, chono' con can' žo' gono', na' chono' da' zej to ḻicha cate' chc̱hogbi'o c̱he beṉe'.

Apocalipsis 19:2

Zejcze' to ḻicha na' chone' can' cheyaḻa'cze gac dan' chc̱hoglagüe' yesezaca'zi' beṉe' bi chosozenag c̱he'. Ba gwc̱hoglagüe' cuiayi' ciuda xen da' zaca'lebe ca to no'ole zḻe', ḻe beṉe' ḻo ciudan' gosego'oyeḻe' beṉe' že' doxen ḻo yežlion' cont bosozoe' Diosen' ca'ale bi gosonxene' ḻe'. Diosen' ba gwc̱hoglagüe' cuiayi' laž beṉe' Babilonia ca', ḻe cheyaḻa'cze yesezaca'zi'e da' gosote' beṉe' ca' gosonxen ḻe'.

Apocalipsis 19:8

Ba bnežjue'ne' lache' šagüe' da' nyaze', lache' šiš xila' juisyw. Na' lache' šagüe' da' šiš xila' nyaze' zejen da' güen da' chon chio' ba gwlej Diosen' cont naccho ḻo ne'e.

Apocalipsis 3:7

’Na' ḻecze bzoj ben' choe' xtiža' len beṉe' ca' chesedop chesežag chesonxen neda' ḻo ciuda Filadelfia, yo'one' naca' beṉe' laždao' xilaže' juisyw, na' zoateza' chona' can' gwnia' gona'. Napa' xinya c̱he da' rey David. Cate' chsaljua' cont yeso'o beṉe' gan' zoa Diosen' chnabi'e, nono gac yoseyjw, na' cate' chseyjua' cont bi yeso'e, nono gac saljw. Yo'one' neda' chapa'ne' diža' quinga:

Apocalipsis 4:8

Na' dapte beṉe' ca' to toe' žia x̱op güeje x̱ilgaque', na' zjažia zan yejlaogaque' ḻo x̱ilen' lente cože' x̱ilen'. Na' do ža do yel bi chososane' chesene': Ḻeca beṉe' laždao' xilaže' juisyw nac X̱ancho Diosen' ben' nape ḻa'zelagüe yeḻa' guac xen. Ba zoacze' cate' za' x̱e yežlion', na' soacze' toḻi tocaṉe.

Apocalipsis 6:10

Na' beṉe' guat ca' goseṉe' zižje gosene': ―X̱anto' Dios, le' naco' beṉe' laždao' xilaže' juisyw na' zoaczo' chono' con ca žo'. ¿Batcan' gono' yeḻa' justis c̱he beṉe' ca' že' yežlion' ben' gosot neto'? ¿Batcan' gono' cont yesezaca'zi'e da' bosolalje' xc̱henton'?