Apocalipsis 15:1 - Dižaʼ güen c̱he ancho Jesucristo

¹ Na' ble'eda' yeto da' ḻeca zaca' yebanecho ḻe'e yaban'. Ble'eda' gaže angl beṉe' zjanac ḻo na'gaque' yesone' yegaže yeḻa' zi' cont yeyož gwlo'e Diosen' can' chone' da' chloque' beṉe' ca' cheson da' xiṉj.

Apocalipsis 15:1 Iomraidhean Croise

Apocalipsis 10:3

Na' bosye'e zižje ca zižje chosya'a be nzi' león. Na' cate' bosye'e gwṉe gwzio' gaž ṉi'a na' to to gwzion' zoa da' gosenan.

Apocalipsis 11:14

Ba gwde yeḻa' zi' gwchopen' na' za' gac da' gwyoṉe.

Apocalipsis 14:10

Diosen' ba nžie' bia' yesesaca'zi'chgua beṉe' ca'. Yesezaca'zi'e gan' chaḻa' yi' len azufre lao angl c̱he Diosen' na' lao ben' zaca'lebde' ca xila' dao' ben' gosot beṉe' Israel ṉec̱he xtoḻa'gaque'.

Apocalipsis 14:19

Nach anglen' bec̱hogue' uvas da' žia yežlion' len hoz dan' nox̱en' na' botoben' bzaḻen' to ḻo' ša' xen ga yesesien' cont choj x̱isen'. Zeje diža', Diosen' botobe' beṉe' ca' bi bosozenag c̱he' na' gwlo'e ḻegaque' ga yesezaca'zi'e.

Apocalipsis 16:1

Na' benda' gwṉe Diosen' zižjechgua, zoe' gan' chacxene', gože' angl ca' gaže: ―Ḻe šja'ac ḻe šjalalj dan' yože ḻo' tas c̱helen' ḻo yežlion', da' zejen ḻeca chloca' da' xiṉj cheson beṉe' ca' bi chosozenag c̱hia', na' gona' ga yesezaca'zi'chgüe'.

Apocalipsis 17:1

Na' ca nac angl gaž ca' gosox̱e' tas de oron', toe' bedeṉie' neda', gože'nda': ―Da, gwlo'eda' le' can' gon Diosen' saca'zi' no'ole blaon' chi' ḻo nisdao' ca', no'olen' nac no'ol zḻe'.

Apocalipsis 19:15

Cho'a ben' le' Xtiža' Dios chchoj to spada da' nḻachgua da' gwc̱hine' c̱hine' nación ca' bi chosozenag c̱he'. Ḻe ṉabi'e nación ca' na' žan ca žan yosozenague' c̱he'. Na' gone' yesezaca'zi'chgua beṉe' ba goson da' malen', ḻe Dios ben' nap ḻa'zelagüe yeḻa' guac xen chlocchgüe' can' ba gosonen'.

Apocalipsis 21:9

Na' bezle'eda' to angl gažen' ben' gosox̱e' tas ca' gaže dan' zjanža'te da' zjayožen da' bosolalje' cont gosac yeḻa' zi' ca' ḻa'zelagüe ḻo yežlion'. Gwbigue' gan' zoan' na' gože' neda': ―Da len neda' cont gwlo'eda' le' beṉe' ca' zjazaca'lebde' ca to no'ole za' gwšagna'. Na' Jesucristw ben' zaca'lebde' ca xila' dao' ben' gosot beṉe' Israel ṉec̱he xtoḻa'gaque', guac ṉacho ḻe' si'e no'olen'.

Apocalipsis 8:13

Nach gwṉa'a na' ble'eda' chda ḻo be' to angl do gachoḻ ḻe'e yaban' na' benda' gwṉe' zižje, gwne': ―¡Nyaše'chgua yesac c̱he beṉe' ca' že' yežlion' yeyož yosocuež angl ca' yešoṉe trompeta c̱hegaquen'!

Apocalipsis 8:2

Na' ble'eda' gaže angl ca' zjazeche' lao Diosen', na' bnežjue' ḻegaque' tgüeje trompeta.

Apocalipsis 8:6

Nach angl ca' gaže ben' zjanox̱e' trompeta ca' bosozoan' cho'agaque' cont yosocuežen'.

Apocalipsis 9:20

Na' beṉe' ca' besyega'aṉ bi gosat cate' gwyaš cabayw ca' ḻo yežlion', ḻegaque' bi besyetiṉjde' c̱he da' mal ca' chesone', ṉeca bososane' da' chesonxene' da' x̱igüe' ca' na' ḻ gua'a ḻsaca' c̱hegaque' ca' da' zjanac de oro, de plata, de bronce, de yej o de yag, ḻa'czḻa' ḻ gua'a ḻsaca' ca' bi chesele'en, ṉeca chesenen, na' ṉeca chac yesa'aquen.