Apocalipsis 14:8 - Dižaʼ güen c̱he ancho Jesucristo

⁸ Yeto angl za' cožen' gwne': ―Bac̱h bžin ža cuiayi' ciuda Babilonia da' nac da' blao. Bac̱h bžin ža cuiayi' ciuda c̱he beṉe' ca' bosozoe' Diosen' ca'ale na' gosebede' da' nac yeḻa' zto', ḻe ba gosego'oyeḻe' beṉe' že' yogo' nación cont chesone' güedenag len Diosen'.

Apocalipsis 14:8 Iomraidhean Croise

Apocalipsis 11:8

Na' beṉe' ca' že'na' yosyocua'aṉe' cuerp c̱hegaquen' gan' chesetoḻen ḻa cay c̱he ciuda blaon' gan' gosote' X̱ancho Jesucriston'. Ciudan' zaca'leben ca ciuda Sodoma na' ca nación Egipto.

Apocalipsis 16:19

Na' ciuda da' nac ḻa'zelagüe blao ḻo yežlion' gwžiayin' bchojen šoṉle, na' ḻecze gosebiayi' yezica'chle ciuda da' zjachi' ḻo yežlion'. Diosen' bich gwleze' bene' cont goseyi gosezaca'chgua beṉe' že' ciuda Babilonia c̱he da' mal da' ba gosonteque', ḻe blocchgüe' yeḻa' mal c̱hegaquen'.

Apocalipsis 17:18

Na' no'olen' bac̱h ble'edo', naque' ciuda blaochgua da' chnabian' beṉe' gwnabia' ca' že' doxen ḻo yežlion'.

Apocalipsis 19:2

Zejcze' to ḻicha na' chone' can' cheyaḻa'cze gac dan' chc̱hoglagüe' yesezaca'zi' beṉe' bi chosozenag c̱he'. Ba gwc̱hoglagüe' cuiayi' ciuda xen da' zaca'lebe ca to no'ole zḻe', ḻe beṉe' ḻo ciudan' gosego'oyeḻe' beṉe' že' doxen ḻo yežlion' cont bosozoe' Diosen' ca'ale bi gosonxene' ḻe'. Diosen' ba gwc̱hoglagüe' cuiayi' laž beṉe' Babilonia ca', ḻe cheyaḻa'cze yesezaca'zi'e da' gosote' beṉe' ca' gosonxen ḻe'.