Apocalipsis 14:11 - Dižaʼ güen c̱he ancho Jesucristo

¹¹ Toḻi tocaṉe c̱has žen c̱he yi' gan' yesezaca'zi'en. Na' beṉe' ca' chesonxen bežen' len ḻ gua'a ḻsaca' c̱heban', na' beṉe' zjazoa señw c̱he bežen' ḻoxgagaque' o taca'gaque', bi gac yesyezi'laže' len da' yesezaca'zi'en ṉe chel ṉe lagüe ža.

Apocalipsis 14:11 Iomraidhean Croise

San Mateo 11:28

Le'e chjax̱aque'laže'le na' chacyaše'laže'le da' chaquele nac gonḻe cont soale binḻo len Diosen', chata'yoeda' le'e, ḻe šejnilaže' neda'. Neda' gona' ga soale mbalaz.

San Mateo 25:41

’Nach beṉe' ca' nita' šḻa'a robesle, beṉe' mal ca', yape'gaca'ne': “Ḻe cuas ca'ale. Ba žia bia' c̱hele cuiayi'le yeḻa' güen da' mal c̱helen'. Ḻe šja'ac ḻo yi' gabiḻ dan' bi cheyol, yi' dan' bxen Diosen' cont saca'zi' Satanás toḻi tocaṉe len da' x̱igüe' ca' cheson xšinen.

San Mateo 25:46

Nach beṉe' mal ca' yesezaca'zi'e toḻi tocaṉe. Perw beṉe' ca' chesone' güen lao Diosen' yesezoe' mbalaz toḻi tocaṉe.

Hebreos 1:8

Perw c̱he Xi'iṉen' be'e diža', gwne': Len' naco' Dios na' ṉabi'o toḻi tocaṉe. Na' ḻeca güen chnabi'o, chono' con da' zej to ḻicha.

Apocalipsis 11:15

Nach angl beṉe' gažen' bcuež trompeta c̱hen' na' benda' baḻ beṉe' ca' že' yaban' goseṉe' zižje, gosene': Doxen yeḻa' chnabia' c̱he yežlion' bac̱h naquen ḻo na' X̱ancho Diosen' na' ḻo na' Cristo ben' gwleje' cont chnabi'e. Na' Diosen' zoacze' chnabi'e toḻi tocaṉe.

Apocalipsis 13:12

Na' bež nechon' bemba' cont bež gwchopen' gwnabia'ba' par ḻeba' na' bež gwchopen' bemba' cont yogo' beṉe' že' yežlion' gosonxene' bež nechon' ben' beyaque len güe' dan' naquen ze da' got ḻeba'.

Apocalipsis 13:15

Na' goc ḻo na' bež gwchopen' bemba' cont ḻ gua'a ḻsacan' gwyo'on biš grasyw. Na' goc gwṉen, benen mandadw gosote' yogo' beṉe' bi gosonxenen'.

Apocalipsis 13:17

Na' note'teze beṉe' še bi zoe' señw c̱he bežen' o laba' o número da' zejen laba', bi goc bi si'e ṉeca goc bi gote'.

Apocalipsis 14:9

Nach yeto angl zej cože' beṉe' gwchopa' be'e diža' zižje gwne': ―Note'teze beṉe' chesonxen bež x̱igüen' len ḻ gua'a ḻsaca' c̱heba' na' cheso'e latje chesezoa señw c̱he beža' ḻoxgagaque' o taca'gaque',

Apocalipsis 18:18

Na' yesele'ede' c̱has žen cate' šey ciudan' na' yesene': ―Biṉa' gata' yeto ciuda yoble doxen ḻo yežlion' da' žinḻaže' ca ciuda nga len yeḻa' gwṉi'a yeḻa' šagüe' c̱hen.

Apocalipsis 18:9

Beṉe' gwnabia' ca' že' ḻo yežlion' beṉe' bosozenag c̱he beṉe' Babilonia ca' cont bosozoe' Diosen' ca'ale na' gosone' bichle da' chgue'e Diosen', ḻegaque' yesebeže' na' yesegüine'de' cate' yesele'ede' žen da' c̱has cate' šey ciudan'.

Apocalipsis 19:3

Nach da' yoble gosene': ―Beṉe' güen juisyw nac Diosen'. Toḻi tocaṉe c̱has žen gan' šey ciudan'.

Apocalipsis 20:10

Na' ca nac Satanás dan' gwziye' beṉe' ca' že' yežlion', angl c̱he Diosen' bosozaḻen' ḻo yi' gabiḻ gan' chaḻa' azufre, yi' xen da' nac ca to nisdao' gan' ba bosozaḻe' bež x̱igüe' nechon' na' bež x̱igüe' gwchopen' ben' be' diža' güenḻaže' cont gosonxen beṉac̱hen' bež nechon'. Na' yesežaglaon do ža do yel toḻi tocaṉe.

Apocalipsis 22:5

Gwbatech gac šeže'le ḻo ciudan'. Na' beṉe' že' ḻo ciudan' bi yeseyažjde' be'ni' c̱he no lámpara o c̱he gwbiž, ḻe be'ni' da' nyec̱hj X̱ancho Diosen' gwseṉin' len ḻegaque'. Na' yesenabi'e len ḻe' toḻi tocaṉe.

Apocalipsis 7:12

gosene': Chac can' cheyaḻa' gac, Dios c̱heto'. Zaca'czo' gonxento' le' toḻi tocaṉe, ḻe naco' beṉe' zaca' juisyw, naco' ḻa'zelagüe beṉe' sina', zaco' güe'to' yeḻa' chox̱clen c̱hio' na' güe'to' yeḻa' bala'aṉ c̱hio' toḻi tocaṉe, chnabi'o doxen, na' napo' ḻa'zelagüe yeḻa' guac xen. Can' nacczen.