Apocalipsis 11:1 - Dižaʼ güen c̱he ancho Jesucristo

¹ Nach anglen' beṉe' neda' to ya ca nac da' chosoc̱hine' cate' chosochix̱e' yo'o, na' gože'nda': ―Gwyej jachix̱e yodao' blao na' mes gan' chosozeye' bi da' chosozeye' cate' chesonxene' Diosen', na' gwlabo' baḻ beṉe' že' chesonxene' ḻe'.

Apocalipsis 11:1 Iomraidhean Croise

2 Corintios 6:16

Ṉezecho bi gac še' ḻ gua'a ḻsaca' da' chesejnilaže' beṉe' ḻo' yodao' gan' chejnilaže'cho Diosen', na' ca'cze bi chac soa Diosen' len chio' chejnilaže'chone' še zoa bichle da' chejnilaže'cho. Chac can' gwna Diosen': Soa' len ḻegaque' na' talena' ḻegaque'. Neda' Dios naca' ben' yesejnilaže' na' ḻegaque' yesaque' yež c̱hia'.

1 Pedro 2:5

Na' chio' napcho yeḻa' mban da' chejnilaže'cho Jesucriston'. Da'nan' yogo'cho txen zaca'lebcho ca yej ca' da' zjancua' zjangoden' gan' chac yo'o de yejen'. Na' zaca'lebcho ca' liž Diosen' dan' zoe' len chio'. Ḻecze zaca'lebcho ca bx̱oz beṉe' zjanac ḻo na' Diosen', ḻe naccho ḻo na' Diosen' na' chaclen Jesucriston' chio' cont zoaczcho chonxencho Diosen' con can' chazlaže'.

1 Pedro 2:9

Na' chio', Diosen' ba gwleje' chio' cont chejnilaže'chone'. Na' len Diosen' naccho ca rey na' ca bx̱oz. Gwleje' chio' cont naccho nación c̱he', na' nactecho diaža' c̱he', ḻe chaclaže' c̱hix̱jue'echo catec da' güen juisyw chone'. Ḻe'na' bebeje' chio' ḻo da' malen' bencho na' gwlo'e be'ni' xen c̱hen' ḻo' yic̱hjlažda'ochon' cont soacho goncho da' güen.

Apocalipsis 10:11

Nach anglen' gože' neda': ―Da' yoble cheyaḻa' go'o xtiža' Diosen' na' ṉao' can' gac c̱he zan yež, c̱he zan nación, c̱he beṉe' chesac gwde gwdele diža' da' de yežlion', na' c̱he zan beṉe' gwnabia'.

Apocalipsis 21:15

Na' angl ben' be'len neda' diža' nox̱e' to ya da' nac de oro da' bc̱hine' gwxi'e medidw ciudan', c̱he ze'e c̱hen na' c̱he puert ca'.