Apocalipsis 1:5 - Dižaʼ güen c̱he ancho Jesucristo

⁵ Na' Jesucriston' ḻecze soašque' gaclene' le'e na' gone' soa cuezle binḻo. Jesucriston' naque' ben' cho'e diža' ḻi c̱he Diosen'. Naque' beṉe' nechw bebane' ladjo beṉe' guaten' ben' bich ṉabia' yeḻa' goten' ḻe'. Na' ḻe' chnabi'e yogo' nochle beṉe' gwnabia' že' yežlio nga. Dan' chacde' chio' bnežjw cuine' gosote'ne' na' blalj xc̱hene' cont bṉitlagüe' xtoḻa'chon'.

Apocalipsis 1:5 Iomraidhean Croise

San Mateo 20:28

Ca'cze naquen len neda' naca' ben' gwseḻa' Diosen' golja' beṉac̱h. Gague za'a cont yesaclen beṉe' neda' san za'a cont gaclena' beṉe', na' chzanḻaže' cuina' yesote' neda' ṉec̱he xtoḻa' beṉac̱hen'.

San Mateo 28:18

Nach gwbiga' Jesúsen' gan' nite'na' na' gože' ḻegaque': ―Ba ben Diosen' ḻo na' doxen yeḻa' chnabian' dan' de yaban' na' yežlion'.

San Juan 13:1

Na' Jesúsen' ba ṉezde' ba bžin ža yeze'e yežlion' na' yeyeje' gan' zoa X̱e' Diosen', na' gocde' yogo' beṉe' ba chejnilaže' ḻe' ḻo yežlio nga. Da'nan' za' gaḻa' ḻṉi pascon' bzejni'ide' beṉe' ca' zjanaque' ḻe' txen, ḻe chacyaṉe'czede' ḻegaque'.

San Juan 13:34

Na' to da' cobe chžia' bia' gonḻe, gaque ḻježle tole yetole. Can' chacda' le'e, ḻecz can' cheyaḻa' gaque ḻježle tole yetole.

San Juan 15:9

Ca X̱an' chacde' neda', ḻecz ca' neda' ba chacda' le'e. Ḻe soa ḻe gon can' žia' cont gacbe'ele chacda' le'e.

San Juan 18:37

Nach Pilaton' gože'ne': ―¿Na' len' naco' rey še ca'? Na' gwna Jesúsen': ―Da' ḻi can' žon', naca' rey na' ba bida' yežlio nga cont gwzejni'ida' beṉac̱hen' diža' ḻi na' yogo' beṉe' chesone' txen len diža' ḻi chosozenague' c̱hia'.

San Juan 3:11

Da' ḻi neto' chyix̱jue'eto' da' ṉezeto' na' choe'to' diža' c̱he da' ba ble'eto' na' bi chejḻe'le.

San Juan 3:16

’Ḻeca chaque Diosen' chio' beṉac̱h, na' gwseḻa' Xi'iṉe' beṉe' tliša' cont note'tez beṉe' chejnilaže'ne' bi cuiaye'e, san gata' yeḻa' mban c̱he' toḻi tocaṉe.

San Juan 3:32

Ḻe' cho'e diža' c̱he da' ca' ba ble'ede' na' diža' da' ba bende' gan' zoa Diosen', na' nono chzenag xtižen'.

Hechos 20:28

Da'nan' cheyaḻa' cuec yic̱hjle c̱he yogo'ḻoḻ dan' ba bzejni'ida' le'e na' ḻecze ca' ḻe gwsed ḻe gwlo'e yezica'chle beṉe' chesedop chesežag chesonxene' X̱ancho Jesucriston' cont yosozenague' c̱he dan' ba bzejṉi'ida'. Ḻe gon ca' ḻe Spiritw c̱he Diosen' ba gwlejen le'e cont gwzejni'ile yezica'chle beṉe' chesonxene'ne'. Jesucriston' bnežjw cuine' bedelaḻj xc̱hene' beque'e xtoḻa'chon' cont bozoe' chio' binḻo len Diosen' da' yoble.

Hechos 26:23

Gosene' Criston' ben' za' seḻa' Diosen' saca'zi'e na' gate' na' gaque' beṉe' nechw yebane' ladjo beṉe' guat ca'. Na' ḻecz gosene' ḻe'na' gwzende' beṉe' Israel len beṉe' bi zjanac beṉe' Israel can' cheyaḻa' yesone' cont šo' be'ni' c̱he' ḻo' yic̱hjlažda'ogaque'.

Romanos 3:25

Diosen' gwseḻe' Jesucriston' bnežjw cuine' gosote'ne' ṉec̱he xtoḻa' beṉac̱h. Na' note'teze beṉe' yesejnilaže'ne' ṉitlao xtoḻa'gaque'. Diosen' gwseḻe'ne' cont nacbia' zeje' to ḻicha da' gwdape' yeḻa' chxenḻaže' bezi'xene' xtoḻa' beṉe' ca' gwnita' cani' beṉe' gosejnilaže'ne'.

Romanos 8:37

Na' ḻa'czḻa' yogo' da' mal ca' za'ac len chio', bi chac c̱hop laže'cho, san chebechgüecho ḻe ṉezecho zoacze Criston' chacde' chio'.

1 Corintios 6:11

Baḻle benḻe da' mal dan' zjanac ca', perw ṉa'a da' chejnilaže'le X̱ancho Jesúsen', Spiritw c̱he Diosen' ba benen cont beyac lažda'olen' xilaže', na' benen cont nacle ḻo na' Diosen' na' cont nacle beṉe' güen len ḻe'.

Gálatas 2:20

Criston' bnežjw cuine' gote' ṉec̱he xtoḻan', na' dan' chejnilaža'ne' da'nan' ba none' neda' ca to beṉe' guat len da' xiṉjen' cont bich gonan'. Na' bich zoa' to gualaza', san Criston' zoalene' neda'. Na' dan' chona' ṉa'a chonan' con can' ža' Xi'iṉ Diosen' ben' chejnilaža'. Ḻen' chacde' chio' na' bnežjw cuine' gote' ṉec̱he chio'.

Efesios 2:4

Goccho ca beṉe' guat len yic̱hjlažda'ochon' da' gwzoacho bentezcho da' malen'. Na' šlac ṉe' naccho ca', Diosen' ḻeca beyaše' beži'ilaže'de' chio' na' gocchgüede' chio'. Na' lagüe da' nži'ilaže' Diosen' chio', da'nan' bocobe' yic̱hjlažda'ochon' cate' gwyejnilaže'cho Criston', na' beṉe' yeḻa' mban c̱hecho toḻi tocaṉe.

Efesios 5:2

Cheyaḻa' soacho gaque ḻježcho ca Criston' chacde' chio' na' bnežjw cuine' gote' ṉec̱he chio'. Na' chebe Diosen' da' bene' ca', can' chebe beṉe' to da' chḻa' zix̱.

Colosenses 1:18

Na' Criston' chnabi'e chio' chdop chžagcho chonxenchone'. Ḻen' bx̱ie' yeḻa' mban toḻi tocaṉe c̱he beṉe' chesejnilaže'ne', na' naque' beṉe' nechw bebane' ladjo beṉe' guaten' ben' bich ṉabia' yeḻa' goten' ḻe'. Da'nan' naque' ḻa'zelaogüe beṉe' blao na' chnabi'e yogo'ḻoḻ beṉe' na' bica'chle da' zjade.

1 Timoteo 6:13

Dios ben' chnežjo yeḻa' mban c̱he yogo' beṉac̱hen', c̱he beyix̱e' ca' na' c̱he bica'chle da' zjamban, na' Jesucristw ben' be' diža' ḻi lao Poncio Pilato, gwne' Diosen' gwseḻe'ne', ḻegaque' zjaṉezde' chona' mandadw

1 Timoteo 6:15

Ḻe cate' žin ža gwžia bia' Diosen', nach yide' da' yoble. Toz Dios nan' chnabi'e doxen na' zoachgüe' mba. Ḻen' naque' Rey ben' chnabi'e yezica'chle rey ca', na' naque' X̱ancho ben' chnabi'e yezica'chle beṉe' gwnabia'.

Hebreos 10:29

Na' da' mal juisyoch gac c̱he chio' še gue'echo Xi'iṉ Diosen' na' gaquecho bibi zaca' xc̱hen Criston' da' blalje' cont beque'e xtoḻa'chon' na' še ṉecho c̱he Spiritw c̱he Dios ben' nži'ilaže'de' chio'. Ḻe da' blalj xc̱hen Criston' gwzolao chac da' cobe da' gwna Diosen' gone' gaclene' beṉe' yesejnilaže'ne'.

Hebreos 9:14

Na' xc̱hen Criston' da' bedelalje' ṉec̱he xtoḻa'chon' zaca'chen ca xc̱hen beyix̱e' ca', ḻe xc̱henen' cheyonen yic̱hjlažda'ochon' xilaže' len da' xiṉj da' ba bencho. Da'nan' bich nchoglaon c̱hecho gatcho ṉec̱he xtoḻa'chon', san soaczcho gonxencho Diosen' ben' zoa toḻi tocaṉe. Spiritw c̱he Diosen' goclenen Criston' bnežjo cuine' beque'e xtoḻa'chon', na' bibi xtoḻa' Criston' gota'.

1 Pedro 1:19

San byažjen gwseḻa' Diosen' Criston' blalj xc̱hene' da' zaca'chgua. Na' ḻe' bnežjw cuine' gote' cont bebeje' chio' ḻo da' ca' bibi zaca'. Na' Criston' zaca'lebe' ca to xila' dao' be bibi yižgüe' da', be bibi naqueba'. Ben' nac ca' gosot beṉe' Israel gualaž c̱heton' cont bezi'xen Diosen' xtoḻa'gaque'.

1 Juan 1:7

Diosen' naque' ḻa'zelagüe beṉe' güen beṉe' laždao' xilaže'. Na' še chio' zoacho choncho da' güenṉa' can' zoa Diosen' chone' da' güenṉa', nachen' naccho txen tocho yetocho na' yic̱hjlažda'ochon' chega'aṉen xilaže' lagüete Xi'iṉe' Jesucriston' blalj xc̱hene' cont beque'e yogo'ḻoḻ xtoḻa'chon'.

1 Juan 4:10

Bi goquecho Diosen'; ḻelen' gocde' chio' na' gwseḻe' Xi'iṉe' Jesucriston' cont bṉitlagüe' xtoḻa'chon'.

Apocalipsis 11:15

Nach angl beṉe' gažen' bcuež trompeta c̱hen' na' benda' baḻ beṉe' ca' že' yaban' goseṉe' zižje, gosene': Doxen yeḻa' chnabia' c̱he yežlion' bac̱h naquen ḻo na' X̱ancho Diosen' na' ḻo na' Cristo ben' gwleje' cont chnabi'e. Na' Diosen' zoacze' chnabi'e toḻi tocaṉe.

Apocalipsis 11:3

Na' seḻa' c̱hope beṉe' yeso'e xtiža', na' yesaze' lache' gasj ca to beṉe' chegüine' na' yeseyix̱jue'ede' xtižan' lao to mil c̱hop gayoa gayon ža.

Apocalipsis 17:14

Na' yesediḻlene' Jesucristw ben' zaca'lebde' ca xila' dao' ben' gosot beṉe' gualaž c̱heto' ṉec̱he xtoḻa'gaque', na' Jesucriston' gone' gan ḻo gwdiḻen', ḻe ḻen' naque' Rey ben' chnabi'e yezica'chle rey, na' naque' X̱ancho ben' chnabi'e yezica'chle beṉe' gwnabia'. Na' beṉe' ca' yeson txen len Jesucriston' zjanaque' beṉe' ca' ba gwlej Diosen' cont zjanaque' xi'iṉe', beṉe' ca' ṉezde' yesenita'c̱hac̱he' yesejnilaže'ne' bite'teze da' gac.

Apocalipsis 19:11

Nach ble'eda' yaban' ca to da' nyaljo, na' ble'eda' to cabayw šiš na' žia to beṉe' cože'ba'. Na' ben' žia cože'ban' zjansi'ene' Ben' Chon Con Can' Že' na' Cho'e Diža' Ḻi. Zejcze' to ḻicha can' chc̱hoglagüe' saca'zi' beṉe' bi chosozenag c̱he' na' can' chdiḻlene' da' malen'.

Apocalipsis 19:16

Na' ḻe'e xcamise' na' ḻe'e xic̱hje' nyoj diža' quinga žan: “Naca' Rey ben' chnabia' yezica'chle rey na' naca' X̱an yezica'chle beṉe' gwnabia'.”

Apocalipsis 2:13

“Ṉeze nḻe'eda' ca güenṉa' chonḻe. Na' ṉezda' zoale ḻo ciuda gan' chnabia'chgua Satanásen', perw zoale chzenagle c̱hia'. Ṉezda' bi chbejyic̱hjle xtižan' dan' chejḻe'le na' ṉeca gwlejyic̱hjlen cate' gosote' Antipas ben' be'e xtižan' ḻo ciuda c̱helen' gan' že' beṉe' zan beṉe' chosozenag c̱he Satanásen'.

Apocalipsis 3:14

’Na' bzoj ben' choe' xtiža' len beṉe' ca' chesedop chesežag chesonxen neda' ḻo ciuda Laodicea, yo'one' chona' cont chac can' chnalaže' Diosen'. Cho'a diža' ḻi da' nac cayaṉen' che' Diosen' neda'. Txen len neda' ben Diosen' beṉac̱h na' yogo'ḻoḻ bichle da' de ḻe'e yaban' na' ḻo yežlion'. Yo'one' neda' chapa'ne' diža' quinga:

Apocalipsis 7:14

Na' boži'an goša'ne': ―Le' ṉezdo' beṉe' gole, bi ṉezda' neda'. Nach gože' neda': ―Beṉe' quinga ba gosaḻe'de' da' ba gosac c̱hegaque' yežlion'. Na' bac̱h gwnitlao xtoḻa'gaque' na' ba zjanyaze' lache' šiš, ḻe chesejnilaže' Jesucristw ben' blalj xc̱hene' ca xila' dao' be gosot beṉe' Israel cont bezi'xen Diosen' xtoḻa'gaque'.