3 Juan 1:11 - Dižaʼ güen c̱he ancho Jesucristo

¹¹ Beṉe' migw, bi gono' txen len beṉe' ca' cheson da' xiṉjen', san ben txen len beṉe' ca' cheson da' güen. Note'tez beṉe' zoateze' chone' da' güen, nacbia' nombi'e Diosen', na' note'tez beṉe' zoateze' chone' da' xiṉjen', nacbia' biṉa' gombi'e Diosen'.

3 Juan 1:11 Iomraidhean Croise

San Juan 10:27

Nombi'a beṉe' chesejnilaže' neda', na' žia' ḻegaque' xila' c̱hia'. Ḻegaque' chosozenague' c̱hia' na' chesone' con can' chzejni'ida'ne'.

San Juan 12:26

Na' note'tez beṉe' chesaclaže' yesone' xšinan', cheyaḻa' yesejnilaže' neda' na' yosozenague' c̱hia'. Na' gan' soa' neda' ḻecze na' yesezoa beṉe' ca' yeson xšinan'. Note'tez beṉe' yeson xšinan', X̱an' gone' cont yesacxene'.

San Juan 3:20

Yogo' beṉe' cheson da' mal chesegue'ede' be'ni' c̱hen' na' bi chesazlaže' yosozenague' c̱he' cont bi gwlo'elaon še chesone' da' mal.

1 Corintios 11:1

Neda' chona' con can' ben Criston', na' chṉeyoeda' le'e gonḻe can' chonan'.

1 Corintios 4:16

Na' da'nan' chṉeyoeda' le'e gonḻe can' chonan'.

Efesios 5:1

Nachen' cheyaḻa' soacho goncho can' chon Diosen', ḻe naccho xi'iṉe' na' chacde' chio'.

Filipenses 3:17

Beṉe' migw, ḻe gon can' chona' neda', na' ḻe ṉa' can' cheson yezica'chle beṉe' cheson can' ba bzejni'ida' le'e, cont gonḻe can' chesonen'.

1 Tesalonicenses 1:6

Na' le'e zoale chonḻe da' güen can' ba ben neto' na' can' ben X̱ancho Jesucriston'. Bzenagle dan' gwdix̱jue'eto' le'e c̱he Jesucriston', na' Spiritw c̱he Diosen' chonen cont chbele chzenaglen, ḻa'czḻa' da' zan da' ba gwdi gwzaca'le dan' ba bzenagle c̱hen'.

1 Tesalonicenses 2:14

Na' bene' migw, ba goc c̱hele can' goc c̱he beṉe' chesedop chesežag chesonxene' Jesucriston' zan part Judean'. Beṉe' Israel gualaž c̱hegaque' bosoc̱hi bososaque' ḻegaque', na' ḻecze can' bosoc̱hi bososaca' beṉe' gualaž c̱helen' le'e.

2 Timoteo 3:10

Na' le' Timoteo, ṉezeczedo' can' ba bzejni'ida' le' na' can' zoa' chona' da' güen. Ṉezdo' chi' yic̱hja' gona' yogo'ḻoḻ da' ža Diosen'. Ṉezdo' zoac̱hac̱ha' chejnilaža' Diosen' bite'tez da' chac c̱hia'. Na' ṉezdo' napa' yeḻa' chxenḻaže' len ḻjež beṉac̱ha' na' zoacza' chacda' ḻegaque'. Ṉezdo' bi chbejyic̱hja' xšin Diosen' da' chona', ḻa'czḻa' da' zan da' ba bosoc̱hi bososaca' beṉe' neda'. Na' ṉezdo' da' ca' gosonde' neda' cate' gwzoa' ciuda Antioquía na' cate' gwya'a yež Iconio len yež Listra, na' can' gwdi gwxaca'. Na' ṉezdo' X̱ancho Jesucriston' bosle' neda' ḻo yogo' da' ca' da' goc c̱hia'.

Hebreos 6:12

Chaclaža' bi gacle beṉe' xagüed len da' ža Diosen'. Na' chaclaža' gonḻe can' ba goson beṉe' zan beṉe' gosenite' gosejnilaže' Diosen' cani', gosejḻe'e gon Diosen' can' gože' ḻegaque' gone', na' gosape' yeḻa' chxenḻaže' cate'ch bžin ža benen'.

1 Pedro 3:11

Cheyaḻa' cuejyic̱hje' yogo' da' mal na' gone' da' güen. Cheyaḻa' cuec yic̱hje' gone' con ga zelao saque'de' cont soe' binḻo len beṉe' ḻježe'.

1 Pedro 3:13

Na' nono zoa no gone chio' mal še zoatezcho choncho da' güen do yic̱hj do laže'cho.

1 Juan 2:29

Na' ṉezecho Criston' zeje' chone' con can' cheyaḻa' gone', ḻecze ca' ṉezecho yogo'czecho še zejcho choncho can' cheyaḻa' goncho naccho xi'iṉ Dios.

1 Juan 3:10

Na' da' nga chlo'en non' nac xi'iṉ Diosen' na' non' nac xi'iṉ Satanásen': note'tezcho še bi zoacho choncho da' güen, bi naccho xi'iṉ Dios, na' ḻecz ca' note'tezcho še bi chaque ḻježcho, bi naccho xi'iṉ Dios.

1 Juan 4:1

Le'e beṉe' chacda', bi šejḻe'le c̱he yogo' beṉe' chesene' cheso'e diža' dan' gož Spiritw c̱he Diosen' ḻegaque', san ḻe gone' prueba še xtiža'gaquen' naquen da' bzejni'i Dios o še cbi naquen. Ḻe gone' prueba, ḻe ba chaš beṉe' zan beṉe' chesonḻaže' chesene' cheseyix̱jue'ede' dan' gož Diosen' ḻegaque'.