2 Juan 1:7 - Dižaʼ güen c̱he ancho Jesucristo

⁷ Beṉe' zan chesaše' ḻo yežlion' chosozejni'ide' clele, ḻe cheso'e diža' c̱he Jesucriston' chesene' bi naque' Dios ben' bide' golje' beṉac̱h. Note'tez beṉe' chon ca' naque' beṉe' gwxiye' na' chone' contr Criston'.

2 Juan 1:7 Iomraidhean Croise

San Juan 1:14

Jesucristo ben' nzi' Xtiža' Diosen' golje' goque' beṉac̱h na' gwzoe' len neto'. Na' ble'eto' naque' beṉe' zaca' juisyw, ḻe togue' naque' dogualje Xi'iṉ Dios. Ḻeca nži'ilaže'de' chio' beṉac̱h na' bedezejni'ide' chio' diža' ḻi c̱he Diosen'.

1 Timoteo 3:16

Da' ḻicze da' zaca'chgua dan' ba bzejni'i Diosen' chio'. Cana' nono gwṉeze da' quinga dan' bzejni'ide' chio' c̱he Jesucriston', žan: Diosen' bide' golje' beṉac̱h, na' Spiritw c̱he Diosen' blo'en naque' beṉe' güen juisyw. Na' beṉe' ca' zjanac angl c̱he Diosen' bedeseṉe'e ḻe'. Na' bžin ža Diosen' bene' cont beyepe' yaba gan' yo'ochgua be'ni'. Na' beṉe' ca' cheso'e xtižen' ba goseyix̱jue'eden' len beṉe' že' nación zito', na' zan beṉe' že' ḻo yežlion' ba chesejḻe'e c̱he'.

1 Juan 2:26

Ba bzoja' le'e da' nga bia' diža' c̱he beṉe' ca' chesaclaže' yesonḻede' le'e.

Apocalipsis 12:9

Angl c̱he Diosen' bosozaḻe'ba' ḻo yežlion'. Na' ḻecze bosozaḻe' da' x̱igüe' ca' ḻo yežlion'. Beḻnan' ben' zoa ža gwlaste nacba' gwxiye' na' leba' Satanás, na' ṉe' zoaczba' ṉa'a chziye'ba' yogo' beṉac̱h.

Apocalipsis 13:14

Na' da' bemba' da' ca' gan' zoa bež nechon', gwziye'ba' beṉe' že' yežlion' cont bosozenague' c̱heba'. Nach bemba' mandadw gosone' to ḻ gua'a ḻsaca' da' nac ca bež nechon' da' gosonxene', bež ben' goc yic̱hjban' güe' len spada, güe' da' naquen ze da' got ḻeba' perw beyacba'.