2 Juan 1:1 - Dižaʼ güen c̱he ancho Jesucristo

¹ Neda' naca' beṉe' gole blao, na' chzoja' le' no'ole, len' ba gwlej Diosen' chzenago' xtižen', na' len xi'iṉo' ca'. Da' ḻi chacda' le'e, na' gague nedaze' san lencze' yogo' beṉe' yezica'chle beṉe' zjanombia' diža' ḻi c̱he Diosen' chesacde' le'e.

2 Juan 1:1 Iomraidhean Croise

San Juan 8:32

Na' še soaczle gonḻe can' ba gwnian', nachen' šejni'ile diža' ḻi c̱hian' na' gaclenen le'e cont yechojle ḻo na' da' chnabia' le'e.

Hechos 11:30

Na' gosone' can' bosoxi'ena' nach goseseḻe' Saulon' len Bernabén' distritw Judean' jasenežjue' mechon' beṉe' ca' chosogüia cheseṉe'e beṉe' chesejnilaže' Jesucriston' ciuda Jerusalénṉa'.

Romanos 16:13

Na' ḻe gwguap tiox Rufo. Naque' beṉe' blao len chio' chejnilaže'cho X̱ancho Jesucriston'. Na' ḻecze ḻe gwguap tiox xṉe'ena', ḻe ba none' neda' ca xi'iṉe'.

Gálatas 2:14

Gocbe'eda' bi chesone' can' cheyaḻa' gon chio' nombia'cho diža' ḻi c̱he Criston'. Na' da'nan' gwdiḻa' Pedron' lao yogo' beṉe' ca' chesedop chesežag chesonxene' Criston', goša'ne': “Le' naco' beṉe' Israel, perw ba gwlejyic̱hjo' costumbr c̱he chio' beṉe' Israel cont chono' txen len beṉe' ca' bi zjanaque' beṉe' Israel. Da'nan' bitw cheyaḻa' gono' byen yeson beṉe' ca' bi zjanaque' beṉe' Israel can' nac costumbr c̱he chio' beṉe' Israel.”

Gálatas 2:5

Perw neto' ṉe late'ze bi bzenagto' c̱he ḻegaque', ḻe goclaže'to' bi gata' da' gwžon gwzenaguechle diža' güen c̱he Criston' da' naquen da' ḻi.

Gálatas 3:1

Le'e beṉe' Galacia, nc̱hoḻ yic̱hjlažda'olen'. ¿No gwziye' le'e cont chaquele cheyaḻa' gonxenḻe costumbr c̱he da' x̱ozxta'oto' ca'? Ba bzejni'iyaṉe'da' le'e c̱he dan' got Criston' ḻe'e yag cruzen' ṉec̱he chio'.

Gálatas 5:7

Cana' gwzoale chonḻe can' chebe Diosen', perw ṉa'a ¿non' ba ben cont bich chzenagle c̱he diža' ḻi c̱he Diosen'?

Colosenses 1:5

Na' ṉezeto' chejnilaže'lene' na' chaquele ḻegaque' lagüe da' zoale lez šjayzoale len Diosen'. Caten' gwzolao bzenagle c̱he xtiža' Diosen' da' naquen da' güen na' da' ḻi, gwyejni'ile gac c̱hele ca'.

1 Timoteo 2:4

Ḻe chaclaže' gwnežjue' yeḻa' mban toḻi tocaṉe c̱he yogo'ḻoḻ beṉe' na' chaclaže' yesejni'ide' diža' ḻi c̱he'.

Hebreos 10:26

Še ṉe' chontezechcho da' xiṉj ḻa'czḻa' ba nombia'cho diža' ḻi c̱he Criston', bibi de bichle da' gon žin cont ṉitlao xtoḻa'chon'.

1 Pedro 1:2

Con can' bsi'e xṉezen' gwlalte, X̱acho Diosen' gwleje' chio' cont Spiritw c̱hen' bocoben yic̱hjlažda'ochon' na' gwlo'on chio' ḻo na' Diosen'. Bene' ca' cont chzenagcho c̱he Jesucriston' na' cont Jesucriston' zoacze' cheyone' lažda'ochon' xilaže' dan' blalj xc̱henen' ṉec̱he chio' ḻe'e yag cruzen'. Chṉaba' soacze Diosen' gaclenchgüe' le'e na' soacze' gone' cont soa cuezle binḻochgua len xbab c̱helen'.

1 Pedro 5:1

Ṉa'achen' de da' ṉia' le'e nchojle cont chgüia chṉa' ḻjež le'e chejnilaže'le Criston'. Neda' ḻecze nchoja' chona' ca'. Ble'eda' gwxaca'zi' Criston' na' choe'lena' beṉe' diža' can' goquen', na' ḻecze ṉezda' žin ža šjayzoa' len ḻe' gan' yo'ochgua be'ni' ca le'e šjayzoalenḻne'.

1 Pedro 5:13

Beṉe' ca' ba gwlej Diosen' cont chesedop chesežague' chesonxene' Jesucriston' ḻo ciuda Roma nga chosoguape' le'e tiox, ciudan' da' nsi'a Babilonia. Na' ḻecze Marcos ben' nona' ca xi'iṉa' chguape' le'e tiox.

1 Juan 2:21

Chzoja' le'e da' nga ḻe bac̱h nombia'le diža' ḻi c̱he Diosen', gague ṉacho bi nombia'lenṉa', na' ḻecz ca' ṉezele ṉe toz diža' güenḻaže' ca nc̱hix̱e diža' ḻi c̱he'na'.

1 Juan 3:18

Xi'iṉda'ogua', bi cheyaḻa' gaque ḻježcho de diža'ze. Cheyaḻa' gaque ḻježcho do yic̱hj do laže'cho na' soacho gaclen ḻježcho.

2 Juan 1:13

Xi'iṉ no'ole bilon', no'ole ben' ḻecze gwlej Diosen' cont chzenague' c̱he', chosoguape' le'e tiox. Da' na'zen' chzoja' ṉa'a.

2 Juan 1:5

Dan' cheyaḻa' goncho, no'ole, cheyaḻa' soacho gaque ḻježcho tocho yetocho. Na' dan' žia' goncho ca', bi naquen to da' cobe; naquen dan' ba bzeneto' le'e caten' gwzolaole chejnilaže'le Jesucriston'.

3 Juan 1:1

Neda' naca' beṉe' gole blao, na' chzoja' cart nga par le', xmigua' Gayo. Da' ḻi chacda' le'.