1 Juan 5:8 - Dižaʼ güen c̱he ancho Jesucristo

⁸ Ḻecz de šoṉe da' chesego'on da' baḻi chesoen' diža' c̱he Jesucriston' yežlio nga: Spiritw c̱he Diosen', na' dan' gwzoe' nis na' dan' blalj xc̱henen'. Na' toz ca chesoen' xtižen'.

1 Juan 5:8 Iomraidhean Croise

San Mateo 28:19

Da'nan' ḻe šja'ac ḻe šjased ḻe šjalo'e beṉe' ca' že' yogo'ḻoḻ nación cont yesejnilaže' neda'. Na' ḻe gwzoe' nis cont yosolo'e ḻe chesejnilaže' X̱acho Diosen', na' chesejnilaže' neda' naca' dogualje Xi'iṉe', na' lencze Spiritw c̱he'na'.

San Marcos 14:56

Na' zan beṉe' gosone' diža' güenḻaže' c̱he Jesúsen', perw bi gosene' toz ca yesene'.

San Juan 15:26

’Ba gwnia' le'e seḻa' Spiritw c̱he X̱a' Diosen' gaclenen le'e. Spiriton' san' gan' zoa X̱an' na' gwzejni'in le'e diža' ḻi c̱hia' neda'.

San Juan 19:34

Perw to soldadon' godoe' lanza cuit ḻe'e Jesúsen', na' ḻa' bchojten chen len nis.

Hechos 15:15

Na' dan' goc ca' chotiḻen da' ca' bosozoj beṉe' goso'e xtiža' Diosen' cani', ḻe nyojen žan:

Romanos 8:16

Na' ḻecze Spiritw c̱hen' chṉen ḻo' lažda'ochon' cont ṉezecho naccho xi'iṉ Dios.

2 Corintios 1:22

Na' ḻecze zoa Spiriton' ḻo' yic̱hjlažda'ochon' cont ṉezecho Diosen' ba gwque'e chio' ca xi'iṉe' na' cont ṉezecho yogo' da' güen da' gwne' gone', žin ža cate' gonen'.

Hebreos 13:12

Na' ca ca'le goc c̱he Jesúsen' dan' gosote'ne' cho'a ciuda Jerusalénṉa' cate' bnezjw cuine' cont beque'e xtoḻa'chon' len xc̱hene' dan' blaljen'.

Hebreos 6:4

Nita' beṉe' ba gwyo'o be'ni' c̱he Criston' ḻo' yic̱hjlažda'ogaque', na' ba chesacbe'ede' can' nac yeḻa' mban da' choṉ Criston', na' ba zoa Spiritw c̱he Diosen' ḻo' yic̱hjlažda'ogaque'.

1 Pedro 3:21

Na' dan' goc ca' cani' zaca'leben can' ba gwzoacho nisen' lagüe dan' ba de yeḻa' mban c̱hecho toḻi tocaṉe. Na' gague gwzoacho nisen' cont beyaccho xilaže' len cuerp c̱hechon', san gwṉabecho Diosen' beyone' lažda'ochon' xilaže' cont ṉezecho bibi doḻa' napcho. Na' ba nac lažda'ochon' xilaže' ṉa'a lagüe beban Jesucriston' ladjo beṉe' guaten'.

1 Juan 5:9

Chejḻe'cho xtiža' beṉac̱hen', na' nacch xtiža' Diosen' da' zaca'ch, na' Diosen' ba bi'e diža' c̱he Xi'iṉe' Jesucriston'.