1 Juan 5:6 - Dižaʼ güen c̱he ancho Jesucristo

⁶ Quinga ben Jesucriston' šlac bide' yežlio nga, bnežjw cuine' gwzoe' nis na' blalj xc̱hene'. Bi ṉacho con gwzoaze' nis, san ḻecz blalj xc̱hene'. Na' Spiritw c̱he Diosen' choen' diža' bene' ca', na' Spiriton' choen' pur diža' ḻi.

1 Juan 5:6 Iomraidhean Croise

San Mateo 26:28

Da' nga xc̱hena' na' chzanḻažan' ḻaljen ṉec̱he xtoḻa' yogo'ḻoḻ beṉac̱h. Na' ḻaljen cont solao gac da' cob dan' gwna Diosen' gone' gaclene' beṉac̱hen'.

San Mateo 3:16

Na' cate' beyož gwzoa Jesúsen' nisen', bechoje' ḻo' nisen', na' ḻa' byaljwte yaban' gan' zoa Diosen'. Na' ble'ede' Spiritw c̱he Diosen' betjen ca to ngolbex na' bžinen gwzoan len ḻe'.

San Marcos 14:24

Na' gože' ḻegaque': ―Da' ngan' xc̱hena' na' chzanḻažan' ḻaljen ṉec̱he yogo'ḻoḻ beṉac̱h. Na' ḻaljen cont solao gac da' coben' da' gwna Diosen' gone' gaclene' beṉac̱h.

San Lucas 22:20

Na' ḻecze bex̱ue' vasen' cate' ba beyož gosagüe' xšen' na' gože' ḻegaque': ―Dan' yože ḻo' vas nga zejen da' cobe dan' gwna Diosen' gone' gaclene' le'e. Na' solao gone' can' gwne', ḻe yesote' neda' na' gwlalj xc̱henan' ṉec̱he le'e.

San Juan 14:17

Na' beṉe' bi chesejnilaže' Diosen', Spiritw c̱hen' bi gac soan len ḻegaque', ḻe bi chesele'eden' na' ṉeca chesejḻe'e še zoan. San le'e nombia'len, ḻe zoan len le'e na' gwžin ža yedesoan ḻo' yic̱hjlažda'olen' ṉabian' le'e.

San Juan 14:6

Jesúsen' gože'ne': ―Neda' naca' nezen' na' nsa'a yogo' diža' ḻi, na' toz neda' chac chnežjua' beṉe' yeḻa' mban toḻi tocaṉe. Ṉe toze beṉe' bi yežine' gan' zoa X̱an' še bi šejnilaže' neda'.

San Juan 15:26

’Ba gwnia' le'e seḻa' Spiritw c̱he X̱a' Diosen' gaclenen le'e. Spiriton' san' gan' zoa X̱an' na' gwzejni'in le'e diža' ḻi c̱hia' neda'.

San Juan 16:13

San cate' yedesoa Spiritw c̱he Diosen' ḻo' lažda'olen' cont gwzejni'in le'e da' nac da' ḻi, ḻen gwsed gwlo'en le'e yogo' da' cheyaḻa' ṉezele c̱hia', ḻe Spiriton' chṉen diža' ḻi. Bi güe'en diža' to gualazen, san güe'en bite'tez diža' da' chzene X̱an' ḻen, na' c̱hix̱jue'en le'e bica' da' za' za'ac.

San Juan 3:5

Na' Jesúsen' gozne': ―Chnia' le'e to da' zejen, še non' bi galje' len nis na' len Spiritw c̱he Diosen', bi gac šjayzoe' gan' zoa Diosen' chnabi'e.

San Juan 4:10

Nach Jesúsen' gože'ne': ―Neda' ba goša' le': “Beṉ late' nis ye'eja'”, na' šaca' ṉezdo' da' chaclaže' Diosen' goṉe' le' na' šaca' chacbe'edo' non' naca' neda', ba gwṉabdon' neda' na' ba beṉa' le' nis da' choṉ yeḻa' mban toḻi tocaṉe šaca'.

San Juan 4:14

Na' note'tez beṉe' ye'ej nisen' gwnežjua'ne' neda', gwbatech biḻden' da' yoble, ḻe dan' gwnežjua'nen' gaquen ḻo' lažda'ogüe' ca to latje ga chaldi nis cont gata' yeḻa' mban c̱he' toḻi tocaṉe.

San Juan 6:55

Ḻe cuerp c̱hian' naquen dogualje yeḻa' guagw, na' xc̱henan' naquen dogualje da' ye'ejle.

Hechos 8:36

Na' ca' chac, besežine' ga žia nis, nach bena' gože' Felipen': ―Nga žia nis, ¿cbi gac soa' nisen' ṉa'a?

Romanos 3:25

Diosen' gwseḻe' Jesucriston' bnežjw cuine' gosote'ne' ṉec̱he xtoḻa' beṉac̱h. Na' note'teze beṉe' yesejnilaže'ne' ṉitlao xtoḻa'gaque'. Diosen' gwseḻe'ne' cont nacbia' zeje' to ḻicha da' gwdape' yeḻa' chxenḻaže' bezi'xene' xtoḻa' beṉe' ca' gwnita' cani' beṉe' gosejnilaže'ne'.

Efesios 1:7

Caten' got Criston', blalj xc̱hene' ṉec̱he da' xiṉjen' ben chio' chejnilaže'chone'. Da'nan' Diosen' bezi'xene' xtoḻa'chon', ḻe nži'ilaže'chgüede' chio'.

Colosenses 1:4

Ḻe ba beneto' diža' can' chejnilaže'le Cristo Jesúsen' na' can' chaquele yogo' beṉe' ca' yezica'chle zjanaque' ḻo na' Diosen'.

1 Timoteo 3:16

Da' ḻicze da' zaca'chgua dan' ba bzejni'i Diosen' chio'. Cana' nono gwṉeze da' quinga dan' bzejni'ide' chio' c̱he Jesucriston', žan: Diosen' bide' golje' beṉac̱h, na' Spiritw c̱he Diosen' blo'en naque' beṉe' güen juisyw. Na' beṉe' ca' zjanac angl c̱he Diosen' bedeseṉe'e ḻe'. Na' bžin ža Diosen' bene' cont beyepe' yaba gan' yo'ochgua be'ni'. Na' beṉe' ca' cheso'e xtižen' ba goseyix̱jue'eden' len beṉe' že' nación zito', na' zan beṉe' že' ḻo yežlion' ba chesejḻe'e c̱he'.

Tito 3:5

Noṉe' chio' yeḻa' mban toḻi tocaṉe gague ṉec̱he bi da' güen benchon', san da' beyaše'de' chio'. Nachen' beya' beyibe' yic̱hjlažda'ochon' len da' malen' cate' gwzolao chejnilaže'chone', na' Spiritw c̱hen' bocoben yic̱hjlažda'ochon'.

Hebreos 10:29

Na' da' mal juisyoch gac c̱he chio' še gue'echo Xi'iṉ Diosen' na' gaquecho bibi zaca' xc̱hen Criston' da' blalje' cont beque'e xtoḻa'chon' na' še ṉecho c̱he Spiritw c̱he Dios ben' nži'ilaže'de' chio'. Ḻe da' blalj xc̱hen Criston' gwzolao chac da' cobe da' gwna Diosen' gone' gaclene' beṉe' yesejnilaže'ne'.

Hebreos 12:24

Na' naccho txen len Jesús ben' blalj xc̱hene' cont gwzolao chac da' coben' da' gwna Diosen' gone' gaclene' beṉac̱hen'. Na' blalj xc̱henen' cont ba bṉitlao Diosen' xtoḻa' chio' chejnilaže'chone'. Da'nan' xc̱hen Jesúsen' zaca'chen ca xc̱hen da' Abelen' da' gwlalj caten' betw beṉe' bišen' ḻe'.

Hebreos 13:20

Na' ṉa'a zoa Diosen' chone' cont zoa chbezcho binḻo len xbab da' yo'o ḻo' yic̱hjlažda'ochon'. Ḻen' bec̱his bosbane' X̱ancho Jesucriston' ladjo beṉe' guat, ḻe da' blalj xc̱henen' ḻe'e yag cruzen' gwzolao chac da' cobe da' gwna Diosen' gone' gaclene' beṉe' yesejnilaže'ne'; na' gague da' te c̱he dan' gwne' gonen'. Na' da' nži'ilaže' X̱ancho Jesucriston' chio', zaca'lebde' ca to beṉe' güeye' xila' beṉe' chon da' güen juisyw len be c̱he' ca'.

Hebreos 9:14

Na' xc̱hen Criston' da' bedelalje' ṉec̱he xtoḻa'chon' zaca'chen ca xc̱hen beyix̱e' ca', ḻe xc̱henen' cheyonen yic̱hjlažda'ochon' xilaže' len da' xiṉj da' ba bencho. Da'nan' bich nchoglaon c̱hecho gatcho ṉec̱he xtoḻa'chon', san soaczcho gonxencho Diosen' ben' zoa toḻi tocaṉe. Spiritw c̱he Diosen' goclenen Criston' bnežjo cuine' beque'e xtoḻa'chon', na' bibi xtoḻa' Criston' gota'.

Hebreos 9:7

Na' cuart gwchopen', toz bx̱oz blao goc gwyo'e ḻo'enṉa' tṉi'a tgüiz. Na' cate' gwyo'ena' benen byen bex̱oe' chen c̱he beyix̱e' bži'en ḻo cajen' cont Diosen' bezi'xene' xtoḻe' na' bezi'xente' xtoḻa' yezica'chle beṉe' Israel gualaž c̱hecho ṉec̱he da' xiṉj da' gosone' sin cbi gosacbe'ede'.

1 Pedro 1:2

Con can' bsi'e xṉezen' gwlalte, X̱acho Diosen' gwleje' chio' cont Spiritw c̱hen' bocoben yic̱hjlažda'ochon' na' gwlo'on chio' ḻo na' Diosen'. Bene' ca' cont chzenagcho c̱he Jesucriston' na' cont Jesucriston' zoacze' cheyone' lažda'ochon' xilaže' dan' blalj xc̱henen' ṉec̱he chio' ḻe'e yag cruzen'. Chṉaba' soacze Diosen' gaclenchgüe' le'e na' soacze' gone' cont soa cuezle binḻochgua len xbab c̱helen'.

1 Pedro 3:21

Na' dan' goc ca' cani' zaca'leben can' ba gwzoacho nisen' lagüe dan' ba de yeḻa' mban c̱hecho toḻi tocaṉe. Na' gague gwzoacho nisen' cont beyaccho xilaže' len cuerp c̱hechon', san gwṉabecho Diosen' beyone' lažda'ochon' xilaže' cont ṉezecho bibi doḻa' napcho. Na' ba nac lažda'ochon' xilaže' ṉa'a lagüe beban Jesucriston' ladjo beṉe' guaten'.

1 Juan 1:7

Diosen' naque' ḻa'zelagüe beṉe' güen beṉe' laždao' xilaže'. Na' še chio' zoacho choncho da' güenṉa' can' zoa Diosen' chone' da' güenṉa', nachen' naccho txen tocho yetocho na' yic̱hjlažda'ochon' chega'aṉen xilaže' lagüete Xi'iṉe' Jesucriston' blalj xc̱hene' cont beque'e yogo'ḻoḻ xtoḻa'chon'.

1 Juan 4:10

Bi goquecho Diosen'; ḻelen' gocde' chio' na' gwseḻe' Xi'iṉe' Jesucriston' cont bṉitlagüe' xtoḻa'chon'.

Apocalipsis 1:5

Na' Jesucriston' ḻecze soašque' gaclene' le'e na' gone' soa cuezle binḻo. Jesucriston' naque' ben' cho'e diža' ḻi c̱he Diosen'. Naque' beṉe' nechw bebane' ladjo beṉe' guaten' ben' bich ṉabia' yeḻa' goten' ḻe'. Na' ḻe' chnabi'e yogo' nochle beṉe' gwnabia' že' yežlio nga. Dan' chacde' chio' bnežjw cuine' gosote'ne' na' blalj xc̱hene' cont bṉitlagüe' xtoḻa'chon'.

Apocalipsis 5:9

Nach beṉe' ca' gosoḻe' to da' cobe dan' ža: Zaco' jax̱i'o yišen' cont gwzašon' na' gwzoxjo' seyw ca' nyišen', ḻe bnežjw cuino' gosote' le'. Blalj xc̱heno' cont bṉitlaguo' xtoḻa'to', na' gwxi'o neto' cont nacto' ḻo na' Dios, neto' nacto' beṉe' to to nación, to to yež, to to diaža na' chacto' gwde gwdele diža' da' de ḻo yežlion'.

Apocalipsis 7:14

Na' boži'an goša'ne': ―Le' ṉezdo' beṉe' gole, bi ṉezda' neda'. Nach gože' neda': ―Beṉe' quinga ba gosaḻe'de' da' ba gosac c̱hegaque' yežlion'. Na' bac̱h gwnitlao xtoḻa'gaque' na' ba zjanyaze' lache' šiš, ḻe chesejnilaže' Jesucristw ben' blalj xc̱hene' ca xila' dao' be gosot beṉe' Israel cont bezi'xen Diosen' xtoḻa'gaque'.