1 Juan 5:19 - Dižaʼ güen c̱he ancho Jesucristo

¹⁹ Ḻecz ṉezecho Diosen' zoe' len chio', perw beṉe' ca' bi chosozenague' c̱he', Satanásen' chnabian' yic̱hjlažda'ogaquen'.

1 Juan 5:19 Iomraidhean Croise

San Lucas 4:6

Nach gožen ḻe': ―Doxen yeḻa' gwnabia' da' de yežlio nga naquen ḻo na' cont gwnežjuan' con no che'nda'. Še le' gwzoa xibo' gonxeno' neda', nach goṉa' le' yeḻa' gwnabia' c̱he nación ca' zjachi' yežlio nga na' len yeḻa' zaca' yeḻa' xdan c̱he nación ca'.

San Juan 12:31

Ba bžin ža Diosen' c̱hogbi'en' c̱he beṉe' ca' bi chesejḻe'e c̱hia'. Na' ba bžin ža Satanás dan' chnabia' da' x̱igüe' ca' na' dan' chnabia'te beṉe' ca' bi chosozenag c̱he Diosen' solao ṉit yeḻa' chnabia' c̱hen.

San Juan 14:30

’Bich gua'a diža' zan len le'e, ḻe ba za' Satanás dan' chnabia' da' x̱igüe' ca' na' dan' chnabia'te beṉe' ca' bi chesejnilaže' neda', na' tiḻlenen neda', perw bi gonen neda' gan.

San Juan 16:11

Na' gwzejni'in ḻegaque' gata' castigw c̱he xtoḻa'gaquen' toḻi tocaṉe, ḻe Satanás dan' chnabia' da' x̱igüe' ca' na' dan' chnabia'te beṉe' ca' bi chesejnilaže' Diosen' ba nchoglaon c̱hen gwnežjw Diosen' castigw c̱hen toḻi tocaṉe.

San Juan 17:15

Na' ca nac beṉe' ca' chesejnilaže' neda', bi chṉaba' yeca'o ḻegaque' ḻo' yežlio nga, san chṉaba' gacleno'ne' cont Satanás dan' chnabia' da' x̱igüe' ca' bi siye'en ḻegaque'.

Romanos 8:16

Na' ḻecze Spiritw c̱hen' chṉen ḻo' lažda'ochon' cont ṉezecho naccho xi'iṉ Dios.

2 Corintios 1:12

Chbeda' choa' diža' can' chonto', ḻe ṉezeto' ḻo' lažda'oto' chonto' güen len le'e do yic̱hj do laže'to' na' ḻecze len note'tezechle beṉe'. Bi ṉacho chonto' güen ṉec̱he da' nacto' beṉe' sina', san da' nži'ilaže' Diosen' neto', da'nan' chaclene' neto' chonto' güen len yogo'ḻoḻ beṉe'.

2 Corintios 4:4

Ḻe beṉe' bi chesejḻe' xtiža' Diosen' chosozenague' c̱he Satanás dan' chnabia' da' x̱igüe' ca' latje da' yosozenague' c̱he Diosen', na' Satanásen' chonen cont nc̱hoḻ yic̱hjlažda'ogaquen'. Da'nan' diža' güen c̱he Criston' bi chseṉin' ḻo' yic̱hjlažda'ogaquen' ca to be'ni' cont yeseṉezde' Criston' naque' beṉe' zaca' juisyw. Cayaṉe' nac yic̱hjlaždao' Diosen' nac yic̱hjlaždao' Criston', na' toz can' chesone'.

2 Corintios 5:1

Cuerp c̱hechon' zaca'leben ca to yo'o da' bi chzibia'. Na' ṉezecho še ba byiṉjen, Diosen' ba none' to yo'o güen c̱hecho yaban' da' soa toḻi tocaṉe; na' ḻenṉa' gague naquen to da' ben beṉac̱h.

Gálatas 1:4

Jesucristnan' bnežjw cuine' ṉec̱he xtoḻa'chon' cont bich goncho txen len da' malen' chac ḻo yežlio nga. Bene' ca' ḻe can' gwyazlaže' X̱acho Diosen'

Efesios 2:2

Con gwdaczle benḻe da' mal can' cheson yezica'chle beṉe' bi chesejnilaže' Diosen', na' bzenagle c̱he Satanás dan' chnabia' da' x̱igüe' ca' dan' zjanyec̱hjen beṉac̱hen'. Na' ža ṉa'aža Satanásen' ṉe' chnabian' yic̱hjlaždao' beṉe' bi chosozenag c̱he Diosen'.

2 Timoteo 1:12

Na' dan' chona' ca', chžaglagua' da' quinga chac c̱hia', perw bi cheto'eda' c̱hen, ḻe nombi'a Diosen' ben' chejnilaža'. Ba ben cuina' ḻo ne'e, na' ṉezda' nape' yeḻa' guac gone' cont ṉe' soac̱hac̱ha' šejnilaža'ne' caten' žin ža yid Jesucriston' da' yoble.

Tito 3:3

Chio' ḻecze bi gwyejni'icho cana' na' bencho güedenag len Diosen'. Gwyejḻe'cho diža' güenḻažen' na' bentezcho bi da' xiṉj da' gwzelaže' lažda'ochon'. Gwdacho bencho con da' bebecho. Gwzoacho bxi'a ḻježcho. Besegue'e beṉe' chio' na' bgue'e ḻježcho.

Santiago 4:4

Na' da' chzenagle c̱he dan' ža xbab c̱helen' na' chonḻe can' chzelažen'ṉa', chonḻe txen len beṉe' ca' bi zjanombia' Diosen', na' chonḻe contr Diosen'. Na' note'tezcho še chaclaže'cho goncho txen len beṉe' mal ca', choncho contr Diosen' na' bich chaquechone' ca cheyaḻa'. Zaca'lebcho ca to no'ole nzoa xto, no'ole ben' bich chacde' beṉe' c̱he'.

1 Juan 3:14

Ṉezecho bich mbiayi' yic̱hjlažda'ochon', san ba de yeḻa' mban c̱hecho toḻi tocaṉe ḻe ba chaque ḻježcho. Na' še bi chaque ḻježcho, ṉe' mbiayi' yic̱hjlažda'ochon'.

1 Juan 3:24

Na' še choncho can' nžie' bian', nach zoacho len Diosen' na' Diosen' zoe' len chio'. Na' quinga ṉezecho Diosen' zoe' len chio': ba beṉe' chio' Spiritw c̱hen' zoan ḻo' lažda'ochon.

1 Juan 5:10

Na' še chejḻe'cho Jesucriston' naque' dogualje Xi'iṉ Dios, ṉezecho ḻo' lažda'ochon' xtiža' X̱acho Diosen' dan' bi'e c̱he' naquen da' ḻi. Na' še bi chejḻe'cho c̱he Diosen', chonchone' ca to beṉe' güenḻaže' da' bi chzenagcho diža' dan' cho'e c̱he Xi'iṉe'na'.

1 Juan 5:13

Ba bzoja' le'e cart nga, le'e chejnilaže'le Xi'iṉ Diosen', cont ṉezele de yeḻa' mban c̱hele toḻi tocaṉe.

1 Juan 5:15

Na' cate' ṉezecho chzenague' c̱hecho bite'tez dan' chṉabechone', ḻecz ṉezecho goṉe' da' ca' ba gwṉabechone'.

1 Juan 5:18

Ṉezecho še ba bocob X̱acho Diosen' yic̱hjlažda'ochon' bi zoacho choncho da' xiṉjen' ḻe zoa Jesucriston' ben' nac Xi'iṉ Diosen' chcuase' chio' len dan' chon Satanásen', na' da'nan' bi soen gwžiayin' chio'.

1 Juan 5:20

Na' ṉezecho ba bid Xi'iṉ Diosen', na' ba bzejni'ide' chio' cont nombia'cho X̱e' ben' nac dogualje Dios. Nach zoacho toz len ben' nac dogualje Dios dan' zoacho toz len Xi'iṉe' Jesucriston'. Ḻen' naque' dogualje Dios na' chnežjue' yeḻa' mban toḻi tocaṉe c̱he beṉe' chejnilaže' ḻe'.

Apocalipsis 12:9

Angl c̱he Diosen' bosozaḻe'ba' ḻo yežlion'. Na' ḻecze bosozaḻe' da' x̱igüe' ca' ḻo yežlion'. Beḻnan' ben' zoa ža gwlaste nacba' gwxiye' na' leba' Satanás, na' ṉe' zoaczba' ṉa'a chziye'ba' yogo' beṉac̱h.

Apocalipsis 20:3

Nach beyož bc̱heje'ba', na' bzaḻe'ba' ḻo' yechw gabiḻen' na' ḻa' bseyjwtie' cho'a yechon' na' bc̱hišen' to seyw. Bene' ca' cont bich siye'ba' beṉac̱h šlac biṉa' te to mil iz. Na' cate' ba gwde to mil izen', cana'ch yeseže'ba' gdenṉa' cont yechojba' yešlož dao'.