1 Juan 5:10 - Dižaʼ güen c̱he ancho Jesucristo

¹⁰ Na' še chejḻe'cho Jesucriston' naque' dogualje Xi'iṉ Dios, ṉezecho ḻo' lažda'ochon' xtiža' X̱acho Diosen' dan' bi'e c̱he' naquen da' ḻi. Na' še bi chejḻe'cho c̱he Diosen', chonchone' ca to beṉe' güenḻaže' da' bi chzenagcho diža' dan' cho'e c̱he Xi'iṉe'na'.

1 Juan 5:10 Iomraidhean Croise

San Juan 3:16

’Ḻeca chaque Diosen' chio' beṉac̱h, na' gwseḻa' Xi'iṉe' beṉe' tliša' cont note'tez beṉe' chejnilaže'ne' bi cuiaye'e, san gata' yeḻa' mban c̱he' toḻi tocaṉe.

San Juan 3:18

’Note'tez beṉe' chesejnilaže' Xi'iṉ Diosen' beṉe' tlišan', bi yesezi'e castigw c̱he xtoḻa'gaquen', perw beṉe' bi chesejnilaže'ne' ba nchoglaon c̱hegaque' yesezaca'zi'e toḻi tocaṉe da' bi chesejnilaže' Xi'iṉ Dios beṉe' tlišan'.

San Juan 3:33

Na' note'tez beṉe' chosozenag xtiža' ben' za' gan' zoa Diosen', nacbia' bena' ṉezde' Diosen' cho'e diža' ḻi.

San Juan 5:38

Xtižen' biṉa' šon' ḻo' yic̱hjlažda'olen', ḻe bi chejnilaže'le neda' naca' ben' gwseḻen'.

Hechos 8:37

Nach Felipen' gože'ne': ―Še chejnilažo' Jesucriston' do yic̱hj do lažo', guac so' nisen'. Nach gwne': ―Chejḻi'a Jesucriston' naque' xi'iṉ Diosen'.

Romanos 8:16

Na' ḻecze Spiritw c̱hen' chṉen ḻo' lažda'ochon' cont ṉezecho naccho xi'iṉ Dios.

Gálatas 4:1

To beṉe' gwṉi'a še zoa xi'iṉe', bi'nan' gac ḻo na'be' da' de c̱he'. Perw na' šlac ṉe' nacbe' bidao' bitw ṉacho mbalazech chac c̱hebe' clel ca c̱he to beṉe' güen žin ḻa'czḻa' žin ža gac ḻo na'be' yogo' dan' de c̱he x̱aben'.

Gálatas 4:6

Na' cont ṉezecho ba non Diosen' chio' ca xi'iṉe', ba gwseḻe' Spiritw c̱hen' dan' ḻecze naquen Spiritw c̱he Xi'iṉe' Criston', zoan lo' lažda'ochon'. Na' Spiriton' chaclenen to tocho cont choḻ güižcho Diosen' che'chone': “X̱a'”.

Colosenses 3:3

Ḻe guac ṉacho Criston' ba none' chio' ca to beṉe' guat len da' malen' cont da' malen' bich ṉabian' chio', na' mbancho len Criston' ṉa'a cont naccho txen len Diosen'.

Hebreos 3:12

Beṉe' migw, bi güe'le latje ṉabia' da' malen' yic̱hjlažda'ole na' gonen cont cuejyic̱hjle bich šejnilaže'le Diosen' ben' zoa toḻi tocaṉe.

2 Pedro 1:19

Napcho Xtiža' Diosen' dan' bosozoj beṉe' ca' goso'e xtižen' cani' na' ṉezecho naquen da' ḻi. Na' güen gonḻe še gwzenagle c̱he dan' bosozojen', ḻe gwseṉin' ḻo' yic̱hjlažda'olen' ca to yi' da' chseṉi' ga nac c̱hoḻ. Bi cheyaḻa' yeche'echo gwzenagcho c̱hen tža tža šlac žin ža yid Criston' da' yoble na' co'oche' be'ni' c̱hen' ḻo' yic̱hjlažda'ochon'. Na' dan' yide'na' zaca'leben ca dan' chla' beljw xsilen' cate' cheni'.

1 Juan 1:10

Še žacho bibi da' mal ṉa' goncho, choncho Diosen' ca to beṉe' güenḻaže' na' biṉa' šejḻe'cho diža' ḻi c̱hen'.

1 Juan 5:1

Note'tez chio' naccho xi'iṉ Dios še chejḻe'cho Diosen' gwseḻe' Jesucriston' cont nabi'e. Na' še chaquecho X̱acho Diosen', ḻecz can' gaque ḻježcho, ḻe ḻecz xi'iṉ Dios beṉe' ḻježchon'.

Apocalipsis 12:17

Nach beḻen' blocchguaba' no'olen' na' gwyejba' jatiḻlemba' yezica'chle xi'iṉe' da' chosozenague' c̱he Diosen', chesone' con da' že' na' zjanita'c̱hac̱he' chesejnilaže' xtiža' Jesucriston'.

Apocalipsis 2:17

Le'e žia nagle da' chene, ḻe gwzenag c̱he da' nga ža Spiritw c̱he Diosen' chen' le'e chdop chžagle chonxenḻe neda' gate'teze: Note'tezle še soele bi cuejyic̱hjle xtižan', goṉa' le'e to yeḻa' guagw da' zaca' da' nono ṉa' le'e ḻo yežlion', to da' zaca'leben ca maná, na' goṉa' to yej šiš c̱he to tole gan' yoj lale da' naquen to lale da' cobe da' nono nombia', lete le'e gaquen ḻo na'le gombia'len.”

Apocalipsis 2:28

Na' gwnežjua' ḻegaque' beljw xsilen'.