1 Juan 4:6 - Dižaʼ güen c̱he ancho Jesucristo

⁶ Ca nac chio', ba naccho Diosen' txen. Da'nan' yezica'chle beṉe' chosozenague' c̱he Diosen' ḻecz chosozenague' xtiža'chon'. Na' beṉe' ca' cbi zjanaque' Diosen' txen bi chosozenague' diža' c̱hechon'. Can' chac ṉezecho no beṉe' yo'o Spiritw c̱he Diosen' ḻo' lažda'ogüe' chzejni'in ḻe' diža' ḻi na' no beṉe' chzenague' diža' güenḻaže' dan' chzejni'i Satanásen' ḻe'.

1 Juan 4:6 Iomraidhean Croise

San Lucas 10:22

Nach gože' beṉe' ca' že'na': ―X̱an' ba bene' ḻo na' chona' cont chombia' beṉe' ḻe'. Ḻe' nombia'yaṉe' neda', na' neda' nombia'yaṉa' ḻe'. Na' beṉe' ca' ba gwleja' ba zjanombi'e X̱an'. Na' nono nochle zjanombia' X̱a' ṉe neda'.

San Juan 10:16

Nita' beṉe' yoble beṉe' bi zjanaque' beṉe' Israel beṉe' yesejnilaže' neda'. Na' cheyaḻa' šjatoba' ḻegaque' cont yosozenague' c̱hia', nach yesaque' toze len yezica'chle beṉe' ba chesejnilaže' neda' na' toz neda' gwgüia ṉa'a yogo'ḻoḻe'.

San Juan 10:27

Nombi'a beṉe' chesejnilaže' neda', na' žia' ḻegaque' xila' c̱hia'. Ḻegaque' chosozenague' c̱hia' na' chesone' con can' chzejni'ida'ne'.

San Juan 10:3

Na' ben' chap cho'a puert le'ej c̱he xilan' chsaljue' puertan' cont cho'o ben' chyoeban'. Na' xila' ca' chosozenagba' xtiža' ben' chyoeban', ḻe zjanombia'ba' ši'en cate' chaxe'ba' cho'e lagacba' cont chbeje'ba'.

San Juan 13:20

Chnia' le'e to da' zejen, beṉe' ca' chosolebe' note'tez beṉe' chseḻa', neda'czen' chosolebe' še ca', na' beṉe' chosolebe' neda' ḻecze chosolebe' Dios beṉe' gwseḻe' neda'.

San Juan 14:17

Na' beṉe' bi chesejnilaže' Diosen', Spiritw c̱hen' bi gac soan len ḻegaque', ḻe bi chesele'eden' na' ṉeca chesejḻe'e še zoan. San le'e nombia'len, ḻe zoan len le'e na' gwžin ža yedesoan ḻo' yic̱hjlažda'olen' ṉabian' le'e.

San Juan 15:26

’Ba gwnia' le'e seḻa' Spiritw c̱he X̱a' Diosen' gaclenen le'e. Spiriton' san' gan' zoa X̱an' na' gwzejni'in le'e diža' ḻi c̱hia' neda'.

San Juan 16:13

San cate' yedesoa Spiritw c̱he Diosen' ḻo' lažda'olen' cont gwzejni'in le'e da' nac da' ḻi, ḻen gwsed gwlo'en le'e yogo' da' cheyaḻa' ṉezele c̱hia', ḻe Spiriton' chṉen diža' ḻi. Bi güe'en diža' to gualazen, san güe'en bite'tez diža' da' chzene X̱an' ḻen, na' c̱hix̱jue'en le'e bica' da' za' za'ac.

San Juan 18:37

Nach Pilaton' gože'ne': ―¿Na' len' naco' rey še ca'? Na' gwna Jesúsen': ―Da' ḻi can' žon', naca' rey na' ba bida' yežlio nga cont gwzejni'ida' beṉac̱hen' diža' ḻi na' yogo' beṉe' chesone' txen len diža' ḻi chosozenague' c̱hia'.

San Juan 20:21

Na' gozne' da' yoble: ―Ḻe soa binḻo len xbab da' yo'o ḻo' yic̱hjlažda'olen'. Can' gwseḻa' X̱an' neda' yežlio nga bia' xtižen', ḻecze ca' neda' chseḻa' le'e güe'le xtižan'.

San Juan 8:19

Na' gose'ene': ―¿Gaxe zoa x̱aon'? Na' gwna Jesúsen': ―Ṉe neda' ṉe X̱an' bi nombia'le. Šaca' nombia'le neda' ḻecze nombia'le X̱an'.

San Juan 8:23

Nach Jesúsen' gože' ḻegaque': ―Le'e nacle beṉe' c̱he yežlio nga na' chzenagle c̱he dan' chnabia' yežlion', san neda' za'a yaba na' bi chzenaga' c̱he dan' chnabia' yežlion'.

Romanos 1:1

Neda' Pablo chzoja' le'e. Chona' bite'tez dan' ža X̱ancho Jesucriston'. Diosen' gwleje' neda' cont naca' postlw c̱he', na' gwseḻe' neda' cont chyix̱jue'eda' diža' güen c̱he'.

Romanos 11:8

Chac c̱hegaque' can' nyoj Xtiža' Diosen' žan: “Diosen' bene' cont zjanaque' ca beṉe' bicze nte. Na' ža ṉa'aža zjanaque' ca to beṉe' bi chle'e len yejlagüen', na' ca to beṉe' bi chene len naguen'.”

1 Corintios 14:37

Še nole chaquele chac chyix̱jue'ele bi da' ba gwna Diosen' o še chaquele chaclen Spiritw c̱he Diosen' le'e len bichle da' chonḻe, nachen' cheyaḻa' gacbe'ele da' quinga chzoja' le'e naquen da' non X̱ancho Criston' mandadw goncho.

2 Corintios 10:7

Ḻe gon xbab c̱he dan' chle'ele chonto'. Še nole chaquele nacle txen len Criston', ḻe yeyon xbab ḻecze neto' nacto' txen len ḻe'.

2 Tesalonicenses 1:8

Na' gwnežjue' da' yesezaca'zi' beṉe' ca' bi zjanombi'e Diosen', na' ṉeca chosozenague' c̱he diža' güen dan' chzejni'in c̱he X̱ancho Jesucriston'.

1 Timoteo 4:1

Na' Spiritw c̱he Diosen' ba ben' diža' ḻi cont šejni'icho žin ža cate' baḻ beṉe' yesebejyic̱hje' diža' ḻi c̱he Diosen' dan' chejḻe'cho na' yesejḻe'e c̱he bi da' yeson da' x̱igüe' ca' cont yesex̱oayaguen ḻegaque'.

2 Pedro 3:2

Ḻe šjayze'e diža' da' bosozoj beṉe' ca' gosac ḻo na' Diosen' ben' goso'e xtižen' cani'. Na' ḻecze ḻe šjayze'e dan' nžia bia' X̱ancho Jesucriston' goncho, Jesucristw ben' noṉe' yeḻa' mban c̱hecho toḻi tocaṉe. Ḻenṉa' diža' da' ba bzejni'i neto' postlw le'e.

1 Juan 4:1

Le'e beṉe' chacda', bi šejḻe'le c̱he yogo' beṉe' chesene' cheso'e diža' dan' gož Spiritw c̱he Diosen' ḻegaque', san ḻe gone' prueba še xtiža'gaquen' naquen da' bzejni'i Dios o še cbi naquen. Ḻe gone' prueba, ḻe ba chaš beṉe' zan beṉe' chesonḻaže' chesene' cheseyix̱jue'ede' dan' gož Diosen' ḻegaque'.

1 Juan 4:4

Xi'iṉda'ogua', ba nacle Diosen' txen na' da'nan' bi chejḻe'le c̱he beṉe' güenḻaže' ca'. Chzoele cbi chejḻe'le c̱hegaque' ṉec̱he da' yo'o Spiritw c̱he Diosen' ḻo' lažda'olen' chzejni'in le'e, na' Spiriton' chnabia'chen ca Satanásen' dan' zoa len beṉe' ca' bi chosozenag c̱he Diosen' yežlio nga.

1 Juan 4:8

Na' note'tezcho še bi chaque ḻježcho bi nombia'cho Diosen', ḻe chio' bi choncho can' chonen'. Ḻen' zoacze' chacde' beṉac̱hen', ḻe con can' nac yic̱hjlažda'ogüe'.

1 Juan 5:19

Ḻecz ṉezecho Diosen' zoe' len chio', perw beṉe' ca' bi chosozenague' c̱he', Satanásen' chnabian' yic̱hjlažda'ogaquen'.

Judas 1:17

San le'e beṉe' migw, beṉe' chacda', cheyaḻa' šjayze'ele diža' nga gosena postlw ca' beṉe' ca' gwlej X̱ancho Jesucriston'.