1 Juan 4:14 - Dižaʼ güen c̱he ancho Jesucristo

¹⁴ Na' neto' postlw ba ble'eto' na' choe'to' diža' ṉezeto' gwseḻa' X̱acho Diosen' Xi'iṉen' cont gwṉitlagüe' xtoḻa' note'tez beṉe' šejnilaže' ḻe'.

1 Juan 4:14 Iomraidhean Croise

San Juan 1:14

Jesucristo ben' nzi' Xtiža' Diosen' golje' goque' beṉac̱h na' gwzoe' len neto'. Na' ble'eto' naque' beṉe' zaca' juisyw, ḻe togue' naque' dogualje Xi'iṉ Dios. Ḻeca nži'ilaže'de' chio' beṉac̱h na' bedezejni'ide' chio' diža' ḻi c̱he Diosen'.

San Juan 1:29

Na' beteyo Juanṉa' ble'ede' zej Jesúsen' gan' zoen' na' gože' ben' chosozenag c̱he': ―Ḻe ṉa' ben' za' nga, Diosen' ba gwseḻe'ne' cont yeque'e xtoḻa' beṉac̱hen'. Bena' zaca'lebe' ca xila' dao' ben' chot chio' beṉe' Israel cont Diosen' chezi'xene' xtoḻa'chon'.

San Juan 10:36

Diosen' gwleje' neda' cont gaclena' beṉac̱hen' že' yežlio nga na' ¿nacxec̱hen' ža le'e chṉeya'a c̱he Diosen' da' žia' naca' Xi'iṉe'?

San Juan 12:47

Na' note'tez beṉe' ṉezde' can' ba gwnian' na' bi chzenague' c̱hia', gague neda' gwnežjua' castigw c̱he xtoḻen', ḻe bi za'a yežlion' cont gwnežjua' castigw c̱he xtoḻa' beṉac̱hen', san za'a cont gwnežjua' yeḻa' mban toḻi tocaṉe c̱he beṉe' yesejnilaže' neda'.

San Juan 3:11

Da' ḻi neto' chyix̱jue'eto' da' ṉezeto' na' choe'to' diža' c̱he da' ba ble'eto' na' bi chejḻe'le.

San Juan 3:32

Ḻe' cho'e diža' c̱he da' ca' ba ble'ede' na' diža' da' ba bende' gan' zoa Diosen', na' nono chzenag xtižen'.

San Juan 3:34

Na' bena' gwseḻa' Diosen', bena' za' gan' zoe'na', ḻen' cho'e xtiža' Diosen', ḻe Spiritw c̱he Diosen' zoan len ḻe', na' cate' Diosen' choṉe' Spiritw c̱hen' bi chyisen' late' güeje.

San Juan 4:42

Nach gose'e no'olen': ―Bac̱h chejḻe'to' ṉa'a, gague dan' bzenagto' xtižo' na'ze, san da' ba beneto' choe' cuine' dižan', na' ṉezeto' bengan' Cristo ben' gwlej Diosen' cont yebeje' beṉac̱hen' ḻo da' malen'.

San Juan 5:39

Chsedyaṉe'le gan' nyoj Xtiža' Diosen', ḻe chaquele gaple yeḻa' mban toḻi tocaṉe ṉec̱he chsedlen. Na' da' ca' chsedlen' zjanyojen chesoen' xtiža'.

Hechos 18:5

Nach Silasen' len Timoteon' gwde gosa'aque' distritw Macedonian' besežine' gan' zoa Pablon', na' cana'ch Pablon' bsane' xšinen' cont gota'ch latje gwdix̱jue'ede' xtiža' Jesúsen' na' bzejni'ide' beṉe' Israel ca' Jesucristwnan' naque' beṉe' chesebeze' seḻa' Diosen' yedeṉabi'e.

1 Pedro 5:12

Beṉe' migw c̱hecho Silvano, ben' chacda', zoateze' chone' can' cheyaḻa' gone', na' ba bzoje' xtiža' ḻe'e cart dao' nga. Na' ḻe'e cart nga chṉeyoeda' le'e soaczle gonḻe da' güen na' chzejni'ida' le'e Diosen' ba goclene' le'e cont ṉezele da' ḻi nži'ilaže'chgüede' le'e. Da'nan' cheyaḻa' soaczle šejnilaže'lne'.

1 Juan 4:10

Bi goquecho Diosen'; ḻelen' gocde' chio' na' gwseḻe' Xi'iṉe' Jesucriston' cont bṉitlagüe' xtoḻa'chon'.

1 Juan 5:9

Chejḻe'cho xtiža' beṉac̱hen', na' nacch xtiža' Diosen' da' zaca'ch, na' Diosen' ba bi'e diža' c̱he Xi'iṉe' Jesucriston'.