1 Juan 3:5 - Dižaʼ güen c̱he ancho Jesucristo

⁵ Ṉezczecho Jesucriston' bide' yežlio nga cont beque'e xtoḻa' chio' beṉac̱h, na' ca nac Jesucriston', ḻe bibi da' xiṉj none'.

1 Juan 3:5 Iomraidhean Croise

San Mateo 1:21

Na' sane' to bi' byo dao' na' gwsi'o labe' Jesús, ḻe ḻen' yeque'e xtoḻa' beṉe' gualaž c̱he' ca' beṉe' yesejnilaže'ne'.

San Lucas 23:41

na' dan' gat chio' naquen ḻicha cont si'cho castigw c̱he xtoḻa'chon'. Perw benga, bitw bi doḻa' nape'.

San Lucas 23:47

Na' cate' ble'e x̱an soldadon' can' goquen', benxene' Diosen' na' gwne': ―Da' ḻicze benga goque' beṉe' gwyej to ḻicha.

San Juan 1:29

Na' beteyo Juanṉa' ble'ede' zej Jesúsen' gan' zoen' na' gože' ben' chosozenag c̱he': ―Ḻe ṉa' ben' za' nga, Diosen' ba gwseḻe'ne' cont yeque'e xtoḻa' beṉac̱hen'. Bena' zaca'lebe' ca xila' dao' ben' chot chio' beṉe' Israel cont Diosen' chezi'xene' xtoḻa'chon'.

San Juan 1:31

Neda' bi gocbe'eda' non' naque' perw Diosen' bzejni'ide' neda', na' da'nan' zedezoa' beṉe' nis cont yogo' chio' beṉe' Israel gacbe'echo non' naque'.

San Juan 14:30

’Bich gua'a diža' zan len le'e, ḻe ba za' Satanás dan' chnabia' da' x̱igüe' ca' na' dan' chnabia'te beṉe' ca' bi chesejnilaže' neda', na' tiḻlenen neda', perw bi gonen neda' gan.

San Juan 8:46

Bibi da' mal nona' na' da'nan' ṉe tole bi gac gwlo'ele še bi da' mal ba bena'. Neda' zoateza' cho'a diža' ḻi, ¿bixc̱hen' bi chejḻe'le c̱hia'?

2 Corintios 5:21

Criston' bibi da' mal bene'. Perw na' Diosen' bene' cont Criston' gwxaca'zi'e ṉec̱he xtoḻa'chon' cont none' chio' beṉe' güen da' chejnilaže'chone'.

1 Timoteo 1:15

Da' nga naquen to diža' ḻi da' zaca' šejḻe'cho: Jesucriston' bide' yežlio nga cont beque'e xtoḻa' chio' beṉe' güen da' xiṉj. Na' chacda' neda' naca' beṉe' ḻa'zelagüe gwyanch xtoḻa'.

1 Timoteo 3:16

Da' ḻicze da' zaca'chgua dan' ba bzejni'i Diosen' chio'. Cana' nono gwṉeze da' quinga dan' bzejni'ide' chio' c̱he Jesucriston', žan: Diosen' bide' golje' beṉac̱h, na' Spiritw c̱he Diosen' blo'en naque' beṉe' güen juisyw. Na' beṉe' ca' zjanac angl c̱he Diosen' bedeseṉe'e ḻe'. Na' bžin ža Diosen' bene' cont beyepe' yaba gan' yo'ochgua be'ni'. Na' beṉe' ca' cheso'e xtižen' ba goseyix̱jue'eden' len beṉe' že' nación zito', na' zan beṉe' že' ḻo yežlion' ba chesejḻe'e c̱he'.

Tito 2:14

Ḻen' bnežjw cuine' ṉec̱he chio' cate' gosote'ne' cont bṉitlagüe' xtoḻa'chon', na' beya' beyibe' yic̱hjlažda'ochon' len da' malen' cont none' chio' ca xi'iṉe'. Na' bene' ca' cont yebecho goncho da' güen.

Hebreos 1:3

Na' Xi'iṉ Diosen' chlo'e catec beṉe' zaca' nac Diosen', ḻe cayaṉe' nac yic̱hjlaždao' X̱e' Diosen' nac yic̱hjlažda'ogüen'. Na' Xi'iṉ Diosen' chone' cont yaban', yežlion' na' da' ca' chle'echo ḻe'e yaban' na' yežlion' chesonen žin, ḻe nape' yeḻa' guac cont chac con can' že'. Ḻen' bzanḻaže' cuine' gote' cont bexi beyach chio' len xtoḻa'chon'. Na' beyož bene' ca' beyepe' yaban' zjaychi'e cuit X̱e' Diosen' ben' nac beṉe' zaca' juisyw na' chnabi'e txen len ḻe'.

Hebreos 4:15

Jesúsen' ben' nac bx̱oz blao c̱hechon' chacbe'ede' bi da' naquen zdebe len chio', ḻe gwxiyen' goclažen' co'oyeḻan' ḻe' gone' da' mal, na' bžaglagüe' cayaṉen' chžaglao chio', perw bibi da' mal bene'.

Hebreos 7:26

Na' Jesúsen' nacyaṉe' beṉe' chyažjecho gaque' bx̱oz blao c̱hecho cont gaclene' chio', ḻe naque' beṉe' laždao' xilaže'. Bibi da' xiṉj none' na' ṉeca none' bi xbab mal, con bibi doḻa' nape'. Nža'le naque' len beṉac̱h beṉe' cheson da' xiṉj. Jesúsen' ba beyepe' zoe' gan' zoa Diosen', na' chnabi'e txen len ḻe'.

Hebreos 9:26

Šaca' byažjen blalj xc̱hene' zan ṉi'a, ba gote' zan ṉi'a gwzolaon cate' gwxete yežlion', perw bi benen byen gac c̱he' ca'. Bedelalj xc̱hene' tṉi'aze cate' gwna Diosen' ba bžin ža c̱he', cont chac cheque'e xtoḻa' beṉac̱h.

Hebreos 9:28

Na' can' yesat beṉac̱hen' tṉi'aze, ca'cze bnežjw cuin Criston' tṉi'aze gosote'ne' cont chac cheque'e xtoḻa' beṉac̱hen'. Nach žin ža yide' da' yoble perw gague cont yeque'e xtoḻa' beṉac̱hen', san cont yec̱he'e beṉe' ca' chesebeze' batcan' yide' nach ṉite' mbalaz len ḻe'.

1 Pedro 1:18

Ṉezecho Diosen' ba bebeje' chio' ḻo da' ca' bosozejni'i da' x̱ozxta'ocho ca' chio' da' bibi zaca'. Na' ṉezecho ca nac no mechw de plata o de oro na' bichle da' ca' chesede c̱hen, bi goc yesyebejen chio' ḻo da' ca' choncho da' bibi zaca'.

1 Pedro 1:20

Za' x̱e yežlion' Diosen' gwleje' Criston' cont bnežjw cuine' ṉec̱he xtoḻa'chon'. Na' Diosen' gwseḻe'ne' nga ṉa'a ba zoa te c̱he yežlion' cont chaclene' chio'.

1 Pedro 2:22

Bibi da' xiṉj ben Criston', ṉe to diža' güenḻaže' bi be'e.

1 Pedro 2:24

Criston' bnežjw cuine' ṉec̱he xtoḻa'chon' cate' gosote'ne' ḻe'e yag cruzen'. Da'nan' cheyaḻa' cuejyic̱hjcho da' xiṉjen' choncho na' soacho goncho da' güen. Gwxaca'zi'e cont bozoe' chio' binḻo.

1 Pedro 3:18

Ḻe Criston' ḻecze gwdi gwxaque'. Ḻa'czḻa' gwyejcze' to ḻicha len Diosen', bnežjw cuine' gote' ṉec̱he xtoḻa' beṉac̱h tṉi'aze, na' da' bene' ca' zaca'czen' toḻi tocaṉe. Gote' cont ba bozoe' chio' binḻo len Diosen'. Perw ḻa'czḻa' gosote'ne', beyas bebane' ladjo beṉe' guaten', dan' ṉe' zoa spiritw c̱hen'.

1 Juan 1:2

Ḻen' golje' beṉac̱h na' ble'eto'ne' na' choe'to' diža' žato' mbancze'. Chyix̱jue'eto' le'e ba zoacze' len X̱acho Diosen' caten' gwxe yežlion' na' bedesoalene' chio' beṉac̱h.

1 Juan 1:7

Diosen' naque' ḻa'zelagüe beṉe' güen beṉe' laždao' xilaže'. Na' še chio' zoacho choncho da' güenṉa' can' zoa Diosen' chone' da' güenṉa', nachen' naccho txen tocho yetocho na' yic̱hjlažda'ochon' chega'aṉen xilaže' lagüete Xi'iṉe' Jesucriston' blalj xc̱hene' cont beque'e yogo'ḻoḻ xtoḻa'chon'.

1 Juan 2:1

Xi'iṉda'ogua', chzoja' le' cart nga cont cbi gonḻe da' xiṉj. Perw na' še no chio' goncho da' xiṉjen', zoa Jesucriston' ben' chon da' zej to ḻi na' chṉabe' yezi'xen X̱acho Diosen' c̱hecho.

1 Juan 2:2

Jesucriston' blalj xc̱hene' ṉec̱he xtoḻa'chon' cont yozoe' chio' binḻo len Diosen', na' gague ṉec̱he xtoḻa' chio'zen' blalj xc̱hene' san ṉec̱he xtoḻa' yogo'loḻ beṉac̱h.

1 Juan 2:29

Na' ṉezecho Criston' zeje' chone' con can' cheyaḻa' gone', ḻecze ca' ṉezecho yogo'czecho še zejcho choncho can' cheyaḻa' goncho naccho xi'iṉ Dios.

1 Juan 3:8

Na' še zoacho choncho da' xiṉj, naccho xi'iṉ Satanásen', ḻe Satanásen' zoaczen chonen da' xiṉj cate' gwxete yežlion'. Na' bid Xi'iṉ Diosen' yežlio nga par gwcueze' dan' chon Satanásen'.

Apocalipsis 1:5

Na' Jesucriston' ḻecze soašque' gaclene' le'e na' gone' soa cuezle binḻo. Jesucriston' naque' ben' cho'e diža' ḻi c̱he Diosen'. Naque' beṉe' nechw bebane' ladjo beṉe' guaten' ben' bich ṉabia' yeḻa' goten' ḻe'. Na' ḻe' chnabi'e yogo' nochle beṉe' gwnabia' že' yežlio nga. Dan' chacde' chio' bnežjw cuine' gosote'ne' na' blalj xc̱hene' cont bṉitlagüe' xtoḻa'chon'.