1 Juan 3:3 - Dižaʼ güen c̱he ancho Jesucristo

³ Na' note'tezcho še zoacho lez gaccho can' naquen', soacho gwsaca'cho cont lažda'ochon' gaquen xilaže', ḻe ṉezecho laždao' Jesucriston' naquen xilaže'.

1 Juan 3:3 Iomraidhean Croise

San Mateo 5:48

Cheyaḻa' gacle beṉe' šagüe' beṉe' güen len note'teze beṉe' con can' nac X̱acho Diosen' ben' zoa yaban' beṉe' šagüe' beṉe' güen.

San Lucas 6:36

Na' ca X̱acho Diosen' ben' zoa yaba cheyaše' cheži'ilaže'de' yogo' beṉac̱hen', ca'cze cheyaḻa' yeyaše' yeži'ilaže'le ḻjež beṉac̱hlen'.

San Juan 17:19

Chzanḻaže' cuina' chona' con da' žo' le' cont yesaclaže' yesone' con can' žo' da' zjanombi'e diža' ḻi c̱hion'.

Hechos 15:9

Toz ca chon Diosen' len chio' na' len ḻegaque', note'tezcho ba beya' beyibe' lažda'ochon' dan' chejḻe'cho c̱he Jesúcriston'.

Romanos 15:12

Na' da' Isaías ben' be' xtiža' Diosen' cani' bzoje' da' nga žan: To beṉe' gualaž yide', beṉe' galje' ḻo diaža c̱he da' Isaí. Ḻe' ṉabi'e beṉe' že' to to yež na' to to nación, na' beṉe' ca' bi zjanac beṉe' Israel yesebeze' gaclene' ḻegaque'.

2 Corintios 7:1

Le'e beṉe' chacda', ba ṉezecho can' gwna Diosen' gone' güen len chio'. Da'nan' cheyaḻa' cuejyic̱hjcho bich goncho bite'teze da' xiṉj da' gwchenen cuerp c̱hechon' o yic̱hjlažda'ochon'. Na' cheyaḻa' gapcho Diosen' bala'aṉ gwzenagcho c̱he' tža tža na' šejch gaccho beṉe' güen can' chaclaže'.

Colosenses 1:5

Na' ṉezeto' chejnilaže'lene' na' chaquele ḻegaque' lagüe da' zoale lez šjayzoale len Diosen'. Caten' gwzolao bzenagle c̱he xtiža' Diosen' da' naquen da' güen na' da' ḻi, gwyejni'ile gac c̱hele ca'.

2 Tesalonicenses 2:16

X̱acho Diosen' chacde' chio'. Gague da' te c̱he dan' bene' cont beyone'xenḻaže'cho, na' zoacho lez gonche' güen len chio', ḻe nži'ilaže'de' chio'. Na' chṉabda' cuin X̱ancho Jesucriston' len X̱acho Diosen' yesone' c̱hac̱h laže'le na' yesaclenšque' le'e cont yogo' da' gonḻe na' diža' da' güe'le yesaquen güen.

Tito 3:7

Na' ca' ba beyaše' beži'ilaže'de' chio' cont beyone' chio' beṉe' güen lagüen' na' cont soa cuezcho ṉezecho žin ža šjayzoacho len ḻe' toḻi tocaṉe.

Hebreos 12:14

Ḻe yeyiljwlaže' nacle gonḻe soale binḻo len yogo'cze beṉe', na' ḻe gwzenag c̱he Diosen' cont gac lažda'olen' xilaže', ḻe nono yežin gan' zoa Diosen' še bi nac lažda'ogüen' xilaže'.

Hebreos 6:18

Diosen' bene' c̱hope da' qui: gwne' can' gone' na' ḻecze bzoa cuine' cue'e da' baḻi gac can' gwnen', na' gague da' te bi gac can' gwnen'. Chaclaže' chio' ba betiṉje xtoḻa'chon' yebecho ṉezecho šjayzoacho len ḻe'. Na' Diosen' bi chac güe'e diža' güenḻaže'.

Hebreos 7:26

Na' Jesúsen' nacyaṉe' beṉe' chyažjecho gaque' bx̱oz blao c̱hecho cont gaclene' chio', ḻe naque' beṉe' laždao' xilaže'. Bibi da' xiṉj none' na' ṉeca none' bi xbab mal, con bibi doḻa' nape'. Nža'le naque' len beṉac̱h beṉe' cheson da' xiṉj. Jesúsen' ba beyepe' zoe' gan' zoa Diosen', na' chnabi'e txen len ḻe'.

Santiago 4:8

Ḻe soa ḻe yoḻ güiž Diosen', nach soe' gaclene' le'e. Cheyaḻa' cuejyic̱hjle da' xiṉj da' chonḻe. Na' še chonḻe xbab guac gonxencho Diosen' na' gontezcho can' ža lažda'ochon', clelen' chonḻe xbaben' še ca', na' cheyaḻa' güe'le latje yeyon Diosen' yic̱hjlažda'olen' xilaže'.

1 Pedro 1:15

Dios nan' ba gwleje' chio' naccho xi'iṉe', na' ḻe' naque' beṉe' laždao' xilaže'. Na' con ca nac ḻe' beṉe' laždao' xilaže', ḻecze can' cheyaḻa' gaccho beṉe' laždao' xilaže' len yogo' da' choncho.

1 Pedro 1:3

Cheyaḻa' gonxencho Diosen'. Ḻe' naque' X̱a X̱ancho Jesucriston', na' X̱ancho Jesucriston' ḻecze chonxene' ḻe'. Ḻeca cheyaše' cheži'ilaže' Diosen' chio', na' da'nan' bocobe' yic̱hjlažda'ochon' na' bene' cont zoacho lez šjayzoacho len ḻe', ḻe Jesucriston' beyas bebane' ladjo beṉe' guat ca'.

2 Pedro 1:4

Na' da' naque' beṉe' zaca' beṉe' šagüe', da'nan' ba gwne' gaclene' chio' na' gone' da' güen juisyw len chio'. Na' zaca'chguan da' gwne' ca', ḻe da' chaclene' chio' can' gwne', da'nan' yic̱hjlažda'ochon' chesyeyaquen güen can' nac yic̱hjlažda'ogüen', na' chac chbejyic̱hjcho da' mal da' chžiayin' beṉe' bi chesejnilaže' Diosen', lagüe chesone' con ca žan c̱hegaque'.

2 Pedro 3:14

Da'nan' beṉe' migw c̱hia', šlac chbezcho gac da' ca', cheyaḻa' goncho con ga zelao saque'cho cont soacho binḻo len Diosen' cont bibi doḻa' de da' gwchenen yic̱hjlažda'ochon'.

1 Juan 2:6

Na' note'tezcho še žacho naccho Diosen' txen, cheyaḻa' soacho goncho da' güen can' ben Jesucriston'.

1 Juan 4:17

Diosen' zoacze' chaclene' chio' cont chaquechone' can' cheyaḻa' gaquechone' na' chaque ḻježcho can' cheyaḻa' gaque ḻježcho, na' Diosen' chone' ca' cont bi žebcho cate' žin ža gone' yeḻa' justis c̱he yogo' beṉac̱h. Na' bi žebcho še zoacho chaque ḻježcho yežlio nga can' chon Jesucriston'.