1 Juan 3:22 - Dižaʼ güen c̱he ancho Jesucristo

²² Na' bite'tez dan' chṉabechone' choṉczen', ḻe choncho da' nžie' bia' goncho na' can' chaclažen'.

1 Juan 3:22 Iomraidhean Croise

San Mateo 17:5

Ṉe' choe'te Pedron' dižan' ca' cate' to bejw da' chactiten gwyec̱hjen ḻegaque' na' ladjo bejon' gosende' gwna Diosen': ―Benga Xi'iṉa' ben' chacda'. Chbe chezaquelaže'chgüeda' c̱he'. Ḻe gwzenag c̱he'.

San Mateo 21:22

Na' še chejnilaže'le Diosen', bite'teze dan' ṉabelene' cate' yoḻ güižlene', goṉczen' le'e.

San Marcos 11:24

Da'nan' žia' le'e, yogo'te da' ṉable cate' choḻ güižle Dios, ḻe šejḻe' guaqueczen, na' ḻe gacczen.

San Juan 14:13

Na' bite'teze da' ṉabele X̱an' lagüe da' chejnilaže'le neda' naca' Xi'iṉe', gonan', cont gwlo'a nac X̱an' beṉe' zaca' juisyw.

San Juan 15:10

Še gonḻe can' nona' mandadw, nachen' gacbe'ele chacda' le'e, ḻe neda' chona' dan' non X̱an' mandadw na' chacbe'eda' chacde' neda'.

San Juan 15:7

’Na' le'e še zoac̱hac̱hle len neda' na' zoac̱hac̱hle chzenagle xtižan', bite'tez da' chaclaže'le ṉabele Diosen', goṉczen'.

San Juan 6:29

Na' gož Jesúsen' ḻegaque': ―Da' nga gonḻe cont yebe Diosen' le'e, šejnilaže'le neda' naca' ben' gwseḻen'.

San Juan 8:29

X̱an' ben' gwseḻe' neda' zoacze' len neda'. Na' bi chbejyic̱hje'nda', ḻe bate'teze chona' da' chazlaže'.

San Juan 9:31

Ṉezecho Diosen' bi chzenague' c̱he beṉe' cheson da' xiṉj, san chzenague' c̱he note'tez beṉe' chejnilaže' ḻe', beṉe' cheson can' chnalažen'.

Hechos 17:30

Cani' Diosen' be'e latje goson beṉac̱hen' con ca gwna xbab c̱hegaque' yeḻa' cbi chejni'i c̱hegaque', perw ṉa'a Diosen' chone' mandadw yogo'ḻoḻ beṉe' že' doxen yežlion' yesebejyic̱hje' da' malen' chesonen'.

Hechos 20:21

Bzejni'ida' beṉe' zjanac beṉe' Israel gualaž c̱hia' lente beṉe' cbi zjanac beṉe' Israel can' chaclaže' Diosen' yesyetiṉje xtoḻa'gaquen' na' yesejnilaže' X̱ancho Jesucriston'.

Filipenses 4:18

Ba beṉle doxen da' cheyaḻa' goṉle na' da' zc̱ha'och ca'te' da' cheyaḻa' goṉle. Ba decze da' zc̱ha'o c̱hia' ṉa'a. Bibi chyažjda', ḻe ba beṉ Epafrodito da' gwseḻa'le c̱hia'. Na' da' gwseḻa'le zaca'leben ca to yal da' chḻa' zix̱ da' chzey bx̱ozen' lao Diosen', ḻe Diosen' chebede' can' benḻen'.

Colosenses 1:10

Chṉabto' soale gonḻe can' cheyaḻa' gon chio' nombia'cho X̱anchon', cont yebede' yogo' dan' chonḻe. Na' chṉabto' gaclene' gonḻe zan cuen da' güen na' gaclene' šejch gombia'lne'.

Hebreos 13:21

Na' chṉabda' Diosen' gaclene' le'e bite'tez da' chyažjele cont soale gonḻe yogo'te da' güen can' chazlažen', na' gone' cont gac yic̱hjlažda'ochon' cayaṉen' chaclaže' lagüe da' nombia'cho Jesucriston'. Ḻe gonxen Jesucriston' toḻi tocaṉe. Na' ca' gonšcaczcho.

Santiago 1:5

Note'tezcho cate' bi ṉezecho naquen' chaclaže' Diosen' goncho, cheyaḻa' ṉabechone' gwzejni'iden' chio', na' gwzejni'iczeden'. Ḻe chebede' chaclene' chio', na' bitw chdiḻe' chio' cate' chṉabechone' gaclene' chio'.

Santiago 4:3

Na' cate' chṉabele Diosen' gone' cont gata' bi dan' gata' c̱hele, bitw choṉen', ḻe con che'nele gata' dan' chzelaže'le ḻo' lažda'olen' cont gonḻe con nacteze žan c̱hele.

Santiago 5:16

Da'nan' cheyaḻa' x̱oadoḻa'cho lao beṉe' ḻježcho na' yoḻ güižcho Dios tocho yetocho cont ca' yezoacho güen še bin' chac c̱hecho. Na' še naccho beṉe' güen len Diosen', Diosen' chzenagcze' c̱hecho cate' choḻ güižchone' na' chone' da' zan da' güen dan' chṉabechone' gone'.

1 Juan 2:3

Na' še choncho can' ža Diosen' nachen' guac ṉacho ba nombia'chwne'.

1 Juan 5:14

Na' bitw chžebcho choḻ güižcho Diosen', ḻe ṉezecho chzenague' c̱hecho cate' chṉabcho lagüen' da' chazlaže'.