1 Juan 2:16 - Dižaʼ güen c̱he ancho Jesucristo

¹⁶ Beṉe' bi chosozenag c̱he Diosen' chesone' da' mal dan' chzelaže' lažda'ogaquen', na' chesezelaže' bi dan' chesele'ede', na' ḻecz ca' chesa'laže'. Na' yogo' da' ca' chesone' bi naquen c̱he X̱acho Diosen', naquen c̱he da' mal dan' de yežlio nga.

1 Juan 2:16 Iomraidhean Croise

San Mateo 4:8

Da' yoble gwxiye'na' gozc̱he'en ḻe' to ḻo ya'a da' nacchgua sibe, na' blo'en ḻe' yogo' nación dan' zjachi' doxen yežlion' len yeḻa' zaca' yeḻa' xdan c̱hegaquen.

San Mateo 5:28

Na' neda' žia' le'e, note'tezle še chṉa'le to no'ole na' chzelaže'lene', ba naple doḻa'. Ḻe tozecze ca malen' ba chonḻe ḻo' lažda'olen' len dan' chon beṉe' chzoa xtoe'.

San Lucas 4:5

Na' gwc̱he' Satanásen' ḻe' to ḻo ya'a sibe na' bedao'nez blo'en ḻe' yogo'ḻoḻ nación da' zjachi' yežlio.

Romanos 13:14

Cheyaḻa' gon cuincho ḻo na' X̱ancho Jesucriston' na' cue' yic̱hjcho goncho da' chazlaže' cont da' malen' da' yo'o ḻo' yic̱hjlažda'ochon' bi ṉabian' chio'.

1 Corintios 10:6

Na' yogo' da' goc c̱hegaque' chzejni'in chio' bi cheyaḻa' selaže'cho goncho bi da' mal can' goson ḻegaque'.

Gálatas 5:17

Cate' chzenagcho c̱he da' mal dan' yo'o ḻo' lažda'ochon', bitw choen' latje gwzenagcho c̱he Spiritw c̱he Diosen'. Na' cate' chzenagcho c̱he Spiritw c̱he Diosen', bi choncho con can' žan c̱hecho. Na' dan' zoa Spiriton' len chio', da'nan' bitw choncho da' mal dan' ža lažda'ochon' goncho.

Gálatas 5:24

Na' chio' ba naccho txen len Cristo, bich choe'cho latje ṉabia' da' malen' chio' cont goncho can' žanṉa'.

Efesios 2:3

Na' ca'cze gwzoa yogo'cho, gwzoatezcho bencho bi da' mal can' gwnan c̱hecho na' bi da' mal da' gwzelaže' yic̱hjlažda'ochon'. Na' da' bebecho da' malen' ḻo' yic̱hjlažda'ochon', da'nan' gwchoglaon c̱hecho si'cho castigw c̱he xtoḻa'chon' toḻi tocaṉe, can' gac len yezica'chle beṉe' bi chosozenag c̱he Diosen'.

Tito 2:12

Na' da' none' ca' chzejni'in chio' cheyaḻa' cuejyic̱hjcho yogo' da' choncho da' bi chazlaže' na' yogo' da' chzelaže'cho gata' c̱hecho o da' chzelaže'cho goncho da' bi naquen güen lagüen'. To tocho cheyaḻa' soa cuezcho ṉabia' cuincho cont goncho da' nac da' zaca'. Na' cheyaḻa' goncho da' zej to ḻicha; na' cheyaḻa' soacho gonxencho Diosen' yežlio nga.

Tito 3:3

Chio' ḻecze bi gwyejni'icho cana' na' bencho güedenag len Diosen'. Gwyejḻe'cho diža' güenḻažen' na' bentezcho bi da' xiṉj da' gwzelaže' lažda'ochon'. Gwdacho bencho con da' bebecho. Gwzoacho bxi'a ḻježcho. Besegue'e beṉe' chio' na' bgue'e ḻježcho.

Santiago 3:15

Na' še chgue'e ḻježle na' chzelaže'le gacle beṉe' blaoch ca beṉe' ḻježle, bitw nacle beṉe' sina', san xbab c̱helen' zan' c̱he Satanás dan' chnabia' da' x̱igüe' ca', na' con chonḻe da' xiṉjen' can' ža lažda'olen' na' can' cheson beṉe' ca' bi zjanombia' Diosen'.

Santiago 4:16

Perw da' xiṉjen' choncho še chonxen cuincho chžiacho bia' naquen' goncho sin cbi ṉabecho Diosen'.

1 Pedro 1:14

Na' da' nacle xi'iṉ Dios cheyaḻa' gwzenagle c̱he', na' bich gwzenagle c̱he da' malen' can' gwna lažda'olen' gonḻe cana' cate' biṉa' šejni'ile c̱he Diosen'.

1 Pedro 2:11

Chacda' le'e beṉe' migw, na' chṉeyoeda' le'e ḻe gon xbab ḻe yežlio nga bi naquen lažle. Da'nan' bitw gonḻe bite'teze da' xiṉj da' žan gonḻe len cuerp c̱helen', ḻe še gonḻen, gwžonen soa yic̱hjlažda'olen' binḻo len Diosen'.

2 Pedro 2:10

Diosen' gwnežjwchgüe' da' yesezaca'zi' beṉe' ca' chesonteze' da' yeḻa' zto' can' chesezelaže' lažda'ogaquen' yesone' len cuerp c̱hegaquen'. Beṉe' ca' bi chesape' X̱ancho Diosen' bala'aṉ cont yosozenague' c̱he'. Bitw chesežebe' chesone' con bi žan c̱hegaque', na' ṉeca chesežebe' chesezi'diže' no angl beṉe' zaca' na' no da' x̱igüe'.

2 Pedro 2:18

Ḻe chesoe'chgüe' diža' chesonxen cuingaque' na' chesego'oyeḻe' beṉe' za' besyechoj ḻo da' xiṉjen' cont da' yoble yesonteze' da' yeḻa' zto' da' chesezelaže' yesone' len cuerp c̱hegaquen' can' chesoncze beṉe' ca'.