1 Juan 1:3 - Dižaʼ güen c̱he ancho Jesucristo

³ Chyix̱jue'eto' le'e c̱he bena' ble'eto' na' c̱he bena' bzenagto' xtižen' cont gonḻe neto' txen. Na' ca nac neto', da' ḻi ba nacto' txen len X̱acho Diosen' na' len Xi'iṉe' Jesucriston'.

1 Juan 1:3 Iomraidhean Croise

San Juan 17:11

’Na' ṉa'a bich soa' yežlio nga, perw beṉe' quinga chesejnilaže' neda' ṉita'cze' yežlio nga, na' neda' ba zeza' gan' zo'na'. X̱a', naco' ḻa'zelagüe beṉe' laždao' xilaže', na' chṉaba' gwc̱hino' yeḻa' chnabia' c̱hio' cont gwcuas gwcuižo' da' malen' len ḻegaque' cont ṉita'cze' yesaque' toze len ḻježgaque', ca chio' naccho toze.

San Juan 17:21

X̱a', ben cont yogo'ḻoḻe' yesaque' toze len ḻježgaque' na' yesaque' txen len chio', ca le' naco' toze len neda' na' neda' naca' toze len le'. Ben cont yeyož yesaque' toze len chio' na' len ḻježgaque' cont beṉe' ca' bi chesejnilaže' le' yesacbe'ede' len' gwseḻo' neda'.

San Juan 17:25

X̱a', naco' ḻa'zelagüe beṉe' chon da' zej to ḻicha. Na' ca nac beṉe' ca' bi chesejnilaže'nda', ḻecze bi zjanombi'e le', perw neda' nombi'a le', na' beṉe' ca' ba gwlejo' cont chesejnilaže' neda' zjaṉezde' len' gwseḻo' neda'.

San Juan 17:3

Na' beṉe' ca' zjanape' yeḻa' mban toḻi tocaṉe zjanombi'e le', ḻe tozon' zaco' gonxento', na' ḻecze zjanombi'e neda' Jesucristw beṉe' gwseḻo'.

San Juan 19:35

Neda' ble'eda' can' goquen' na' ṉezda' cho'a diža' ḻi. Na' cho'a diža' ḻi can' goquen' cont lencze le'e šejḻe'le.

Hechos 13:32

’Na' lencze neto' chyix̱jue'eto' le'e diža' güen cont ṉezele ba chac da' güen dan' gož Diosen' da' x̱ozxta'ocho ca' cani'.

Hechos 13:41

Cheyaḻa' gonḻe xbab, le'e chṉelaole c̱hia', na' cheyaḻa' yebanele, ḻe gwžin ža cuiayi'le. Neda' Dios gona' to da' yebanele šlac mbanḻe, to da' bi šejḻe'le ḻa'czḻa' še no c̱hix̱jue'e le'e can' gaca'.

Hechos 2:42

Yogüe' gosenita'teze' bosozenague' dan' bososed bosolo'e postlw ca' ḻegaque'. Na' gosaque' toze len yezica'chle beṉe' gosejnilaže' Jesúsen' na' gose'ej gosagüe' txen na' gosenite' bosoḻ güiže' Diosen' txen.

Hechos 20:27

Bac̱h bzejni'ida' le'e yogo' dan' chaclaže' Diosen' ṉezele, bibi bcuaša'.

Hechos 4:20

Bi gac cuezto' bich güe'to' diža' c̱he da' ba ble'eto' na' ba beneto'.

Romanos 15:27

Beṉe' ca' bosotoben' besyebede' bosonežjue' mechon', na' naquen to goclen da' cheyaḻa' yesone' len beṉe' Israel gualaž c̱heto' ca', ḻe ḻa'czḻa' ḻegaque' bi zjanaque' beṉe' Israel, ba zjanone' c̱hegaque' yogo' da' güen da' ba bzejni'i Diosen' neto' beṉe' Israel, na' da'nan' cheyaḻa'cze yesaclene' beṉe' gualaž c̱heto' ca' len da' cheseyažjde'.

1 Corintios 1:30

Diosen' ba none' chio' txen len Cristo Jesúsen', na' Criston' nse'e yeḻa' sina' c̱he Diosen' na' naque' ḻa'zelagüe beṉe' güen beṉe' laždao' xilaže'. Na' dan' naccho txen len Criston', choṉe' chio' yeḻa' sina' c̱hen', na' yeḻa' beṉe' güen chen', na' yeḻa' beṉe' laždao' xilaže' c̱hen', na' ba beque'e xtoḻa'chon'.

1 Corintios 1:9

Diosen' zoacze' chone' can' ba gwne' gone', na' ḻe'na' gwleje' le'e cont nacle txen len Xi'iṉe' Jesucriston' ben' nac X̱ancho.

1 Corintios 15:1

Beṉe' migw, chaclaža' gonḻe xbab c̱he diža' güen c̱he Criston' da' ba be'lena' le'e. Ba bzenagle c̱hen na' zoac̱hac̱hle chejḻe'len.

2 Corintios 13:14

Na' chṉaba' X̱ancho Jesucriston' gaclenšcacze' le'e. Na' Diosen' gonšque' gacbe'echle chacde' le'e, na' gonšca Spiritw c̱he Diosen' cont xbab c̱hele gaquen toze len xbab c̱hen. Da' na'zen' chzoja'.

Efesios 3:6

Da' nga bzejni'in neto', le'e bi nacle beṉe' Israel txen len neto' nacto' beṉe' Israel si'cho da' gwna Diosen' goṉe' c̱he chio' naccho xi'iṉe' ṉec̱he da' chejnilaže'cho Cristo Jesúsen', na' txen naccho ca toze beṉe', na' txenṉa' chaclen Diosen' chio' can' gwne' gone'.

Filipenses 1:7

Da' cheyaḻa'cze gona' xbab c̱hele ca', ḻe chacchgüeda' le'e. Na' ṉezda' Diosen' ba goclene' le'e can' ba goclene' neda' šlac dia' ḻižya nga, na' šlac ba gwdix̱jue'eda' diža' güen c̱he Criston' len beṉe' bi gosejḻe'e c̱hen, bzejni'ida' ḻegaque' naquen diža' ḻi.

Filipenses 2:1

Ṉezda' zoale mbalaz da' chejnilaže'le Criston', ṉezda' chaclaže'le gonḻe da' güen lagüe dan' chaque Criston' le'e, ṉezda' zoa Spiritw c̱hen' len le'e, na' ṉezda' chaque ḻježle na' cheyaše'laže'lene' cate' bi da' chesac c̱he'.

Filipenses 3:10

Chaclaža' gombia'cha' Criston' na' gombi'a yeḻa' guac c̱he' dan' nape' lagüe bebane' ladjo beṉe' guaten', na' chzanḻaže' cuina' saca'zi'a can' gwdi gwxaca' ḻe'. Na' ca Criston' gote' ṉec̱he xtoḻan', chaclaža' gaca' ca to beṉe' guat len da' malen', bich gonan'.

Colosenses 1:13

Bebeje' chio' ḻo na' gwxiyen' cate' da' c̱hoḻen' ṉe' chnabian' yic̱hjlažda'ochon', na' gwlo'e chio' ḻo na' Xi'iṉe' Jesucriston' ben' chacde', cont ṉa'a gwzenagcho c̱he ḻe'.

1 Tesalonicenses 1:10

Na' cheso'e diža' can' chbezle yetj Xi'iṉe' Jesúsen' yaban' yide' yežlio nga yeto, ben' bosban Diosen' ladjo beṉe' guaten'. Na' dan' chejnilaže'cho Jesúsen' ba bosle' chio' cont bi saca'zi'cho cate' žin ža beṉe' bi chosozenague' c̱he Diosen' yesaḻe'chgüede' toḻi tocaṉe.

1 Timoteo 6:2

Beṉe' ca' zjanac esclavos, še x̱angaque' ḻecze chesejnilaže' Criston', bi cheyaḻa' yesone' xbab bi yosozenague' c̱hegaque' ṉec̱he zjanaque' txen chesonxene' Criston', san nachle cheyaḻa' yesone' žinṉa' do laže'che' na' cheyaḻa' yesacde' x̱an žin ca' ca beṉe' biše', lagüe zjanaque' txen chesejnilaže' Criston'. Bzejni'i da' ca' ba gwnia' cheyaḻa' yesone' na' gwṉeyoe beṉe' yosozenague' c̱hen.

Hebreos 2:12

Quinga gwna Jesúsen' gože' Diosen': Gwzejni'ida' beṉe' biše' ḻježa' ca' can' nac yic̱hjlažda'oguon', na' txen len beṉe' ca' zjandop zjanžag chesonxene' le' goḻa' gonxena' le'.

Hebreos 3:1

Beṉe' migw, Diosen' ba gwleje' chio' naccho ḻo ne'e, na' cheyaḻa' goncho xbab c̱he Cristo Jesús ben' gwseḻe'. Naque' bx̱oz blao c̱hecho na' ben' chejnilaže'cho.

Hebreos 3:14

Da' ḻi naccho Criston' txen še ṉe' zoacho chejnilaže'chone' cate' žin ža gatcho, con can' gwzolaocho chejnilaže'chone'.

1 Pedro 5:1

Ṉa'achen' de da' ṉia' le'e nchojle cont chgüia chṉa' ḻjež le'e chejnilaže'le Criston'. Neda' ḻecze nchoja' chona' ca'. Ble'eda' gwxaca'zi' Criston' na' choe'lena' beṉe' diža' can' goquen', na' ḻecze ṉezda' žin ža šjayzoa' len ḻe' gan' yo'ochgua be'ni' ca le'e šjayzoalenḻne'.

2 Pedro 1:16

Ca nac da' bzejni'ito' le'e c̱he yeḻa' guac c̱he X̱ancho Jesucriston' na' c̱he dan' yide' da' yoble, bi ṉacho naquen diža' da' goljlaže' neto' postlw, ḻe ble'eto' len yejlaoto' cate' Diosen' blo'e yeḻa' zaca' c̱he Jesucriston'.

1 Juan 1:1

Chyix̱jue'eda' le'e c̱he ben' nzi' Xtiža' Dios, ben' chnežjue' yeḻa' mban toḻi tocaṉe c̱he beṉe' chesejnilaže'ne'. Ba zoacze' caten' gwxe yežlion'. Neto' postlw bzenagto' xtižen', ble'eto'ne' na' gwdanto'ne'.

1 Juan 1:5

Neto' bzenagto' be' Jesucriston' diža' c̱he X̱e' Diosen' na' chyix̱jue'eton' le'e, bzejni'ide' gwne' Diosen' naque' ca to be'ni' da' naque' ḻa'zelagüe beṉe' güen beṉe' laždao' xilaže'. Bibi da' xiṉj none'.

1 Juan 1:7

Diosen' naque' ḻa'zelagüe beṉe' güen beṉe' laždao' xilaže'. Na' še chio' zoacho choncho da' güenṉa' can' zoa Diosen' chone' da' güenṉa', nachen' naccho txen tocho yetocho na' yic̱hjlažda'ochon' chega'aṉen xilaže' lagüete Xi'iṉe' Jesucriston' blalj xc̱hene' cont beque'e yogo'ḻoḻ xtoḻa'chon'.