LUCAS 2:10 - Zapotec Mixtepec: Diidz ne rdeed guielmban

¹⁰ Dzigo bnee anjl co, rëb me lo zho: ―¡Gdziebde to! ¡Goḻgon diidz cub ne gaṉle ziaḻnie naa lo to nu! ¡Tib guieḻbley nroob gac diidz rii lo grëse miech!

LUCAS 2:10 Iomraidhean Croise

MATEO 14:27

Dzigo bnee me lo zho rëb me: ―¡Gdziebde to, naa ziaḻ nu!

MATEO 28:18

Dzigo wbig me lo zho, rëb me: ―Laa to goṉle nasca naa rnabey. Grëse ncuaaṉe no gbaaw, nogaa guidzliuw, ladznia naa psaṉ Pxoz naaw.

MATEO 28:5

Zeeṉe laa grop wnaa co bdziṉ, rëbchaa anjl co lo zho: ―Gdziebde to. Naṉle naa Jesús meṉ ne pquiaa zho lo cruz ga, meṉ co ziaadguib to.

MARCOS 1:15

rnee me lo zho: ―Laa dze ne gnabey Dios ziaadgaxle, laaw bdziṉ dzele. ¡Goḻsaan grë xquieḻntseeb to, goḻnab perdon lo Dios; dib zdoo to goḻliladz Xtiidz me!

MARCOS 16:15

Ni rëb me lo zho: ―Goḻtsie dipse lo guidzliu, goḻtsieseed miech Xtiidz Ndzon Dios.

LUCAS 1:13

Dzigo rëb anjl co lo me: ―¡Gdzieebd luu! Diidzse ziaḻnie naa lo luu, gacnaṉ luu gaṉle miṉe bnab luu lo Dios ga, pquiaadiag mew; gane niina laa tsieel luu gap tib mëëdbgui. Zeeṉe gal win, Juan cueelë to win.

LUCAS 1:19

Rëbchaa anjl co: ―Bieṉ gaṉle anjl Gabriel nu quianee lo luu, anjl ne tibaque zo lo Dios. Me pxeeḻ naa ziaḻnie naa diidz rii.

LUCAS 1:30

Dzigo rëbchaa me lo Marí: ―¡Gdzieebd luu! Laa Dios goṉ bzooblo luu ygaa luu tib guieḻnzaac nroob.

LUCAS 2:11

Meṉ ne goṉ quiambëz to ga guiaad csilaa to, laa me blansole lo guidzliu. Me nac Meṉ ne zëëble diidz ga cxeeḻ Dios, me nac meṉ ndzon ne rnabey. Belén, zaatne goc ladz rey David, ga gol me naguieel.

LUCAS 24:47

Rneew, Jerusalén nu, nu csilo gacnaṉ miech ible none csaan zho xquieḻntseeb zho, gnalo zho naa, parne guṉ Dios zho perdon.

LUCAS 8:1

Bded ga, briee Jesús grë xpëëdscuel me güey me grëraa guiedz ne ndxie nëz Galilé ga, zigtaa guiedz nrooba, zigtaa guiedz wina, güey me güeynee me lo miech zha racladz Dios gban zho.

HECHOS 13:32

’Scaquegaa no grop no Bernabé, laa no ziaadnie diidz lo to gacnaṉ to gaṉle niina ne laa Dios bleeban Jesús, laa me beeṉ miṉe bnee me lo pxozgol ne padzeela.

EFESIOS 3:8

¡Ncuaaṉe gzee zdoo new! Goḻwi gaṉle, naa nac tib zha ne mazdraa peet nond lo grë zha ne ngab lo Dios; per laa me bzooblo naa, naa bgaa dze ndzon rii gne naa Xtiidz Ndzon me nu lo grë zha zit, zeeṉa gacnaṉ zho gaṉle pe zhistaa grë guieḻnzaac ne gdeed Jesús lo zho.

COLOSENSES 1:23

Per parne grieelo gdziṉ to ga, none tiblique goḻguṉ guic to, goḻtsienaḻ Xtiidz Ndzon me miṉe rliladz to, ib guiaaṉladzde to guieḻnzaac ne no ygaa to, zigne raquiet lo Diidz Ndzon ne pquiaadiag to ga. Lëë Diidz Ndzon co quiagaaz dipse lo guidzliu niina, ni ye naa nac tib zha ne quia quianeew lo miech.