JUAN 8:12 - Zapotec Mixtepec: Diidz ne rdeed guielmban

¹² Bded ga, tib dze nonee Jesús lo grë zha ne noquiaadiag zhiwseed me, rëb me lo zho: ―Nac naa zig nac tib biini ne rziini lo miech. Grëse zha ne gbig lo naa, led yed zho sorieḻ ni lo ncow, sac naa gziini lo zho zeeṉa ygaa zho tib guieḻmban ndzon.

JUAN 8:12 Iomraidhean Croise

MATEO 5:14

’Nac to zig tib biini ne noziini lo guidzliu. Grieelod tsongueets to, sac tib guiedz ne ndxie glaa tib guic gui, grieelod tsongueetsa.

LUCAS 2:32

¡Grëse miech ne ndxie lo guidzliu, me nac biini ne gziini lo zho! ¡Me csaṉnziuu zha Israel, ne nac zho zha ne ngab lo luu!

JUAN 12:35

Dzigo pquiab me rëb me lo zho: ―Naa nac zig tib biini ne noziini lo miech; ni ngabse dze ne cuëz naa lo to. Laga noziini naa lo to, goḻsëni zaatne riab biini zeeṉa ygaade to guieḻcow; sac zha ne rzë lo ncow rieṉd zho palo zie zho.

JUAN 12:36

Niina ne rdeeda diidz goḻliladz cho nac naa, zeeṉa gac to zha ne nlipaa no lo biini. Blozhse sca rëb me laa me biche ga, blulodraa me lo zho.

JUAN 12:46

Naa nac zig tib biini ne rziini lo miech, ni grëse zha ne dib zdoo gliladz cho nac naa, zriee zho lo guieḻcow ne no zho.

JUAN 14:6

Dzigo rëbchaa Jesús: ―Naa nac nëz co, naa rseed miech miṉe nac diidzli, ni naa rded tib guieḻmban ndzon ne ib gdziṉd dze lozh. Lo grëse miech, zha ne gliladz cho nac naa, zha co gdziṉ lo Pxoz naa; guieṉdraa stib mod ne gdziṉ zho lo me.

JUAN 3:19

Laa zho bnitlole, sac goṉ biaadpaa biini lo guidzliu ni laa ne nleynie zho biini, leḻ guieḻcow bleynie zho, sac guieḻntseeb nac miṉe zienaḻ zho.

JUAN 7:17

Teḻne yquiabladz to guṉ to miṉe rnabey me, ga guieṉ to dieṉ pe nli xtiidz Dios rseed naa miech, te miṉe riab guic naaw ye.

JUAN 9:5

Laga bii no naa lo guidzliu rii, naa nac zig tib biini ne rziini lo grë miech rii.

HECHOS 13:47

Ni scalegaa rnabey Dios gaca, sac znu rnee me: Laa naa bzole luu tsienee luu Xtiidz naa lo grë meṉzit, luu gac zig ti biini ne gziini lo grë miech ne ndxie lo guidzliu; zeeṉa guieṉ zho zha laa zho lo doḻ.

HECHOS 26:23

Teḻ zha, bzeetle zho ib sacsi miech meṉ ne cxeeḻ Dios ga, ni me gac meṉ ne glopaa grieeban, me gac zig ti biini ne gziini lo grëse miech, zigtaa zha Israela zigtagaa grë meṉzita.

2 PEDRO 2:17

Masaque nac zho zig nac grë bzie ne bidzle nis, zig nacgaa xcow bidz ne nëzrii nëzrec zienie me; ni lalnu paat rquiind zho. ¡Laa zho nole guey zho lo guieḻcowdoo ne rieguiaḻ zho, zaatne gdziṉdraa dze griee zho!

2 PEDRO 2:4

sac Diossi goṉ, miṉe ruṉ grë zha ntseeb, csaṉd mew scase. Goḻgaṉ gaṉle, niicxe grë anjl ne sca beeṉ falt lo me, goṉdzed me zho, bleegazh me zho gbaa, bnabey me bioogyu zho tib lo ncowdoo, ga nioogyu zho nieeda gaḻ dze ne laa me guṉquizh zho miṉe beeṉ zho.

1 JUAN 1:6

Gacxe waa, teḻne rnee ne nacniele ne me, ni rlozh ga tibaque lo guieḻcow co no ne, rquidie ne ga dzigo.

JUDAS 1:13

Zigne nëzrii nëzrec rchooṉ nisdoo grë mtsiiṉ beed ne ndziib low, scadaa nëzrii nëzrec nolu grë ncuaaṉe mbeeguieḻto ne quiayuṉ zho. Laa zho ziele nëz lo guieḻcowdoo ne rieguiaḻ zho, zaatne gdziṉdraa dze griee zho; zig tib mel gbaa ne bnitnëzle, laa ma nonziaabse lo guieḻcow.

JUDAS 1:6

Scaque grë anjl ne biche lo me, psaan zho dziin ne pso me zho; bdziguiend me zho, laa me nsioogyu zho tib lo guieḻcowdoo, ga quiadoo zho haxta gdziṉ dze ne laa me guṉ guieḻwxtis.

APOCALIPSIS 21:24

Grëse miech ne ngab lo me, iṉe gziini biini co lo zho së zho lad guiedz co; zha ne bnabey grë guiedz ne bre lo guidzliu, bio dze zha goc zha non, per zeeṉe gdziṉ zho ga ye zho zuṉnon zho me.