JUAN 3:21 - Zapotec Mixtepec: Diidz ne rdeed guielmban

²¹ Saṉgue zha ne ruṉ miṉe rnabey Dios, haxta rley zho rbig zho lo biini, zeeṉa glu gaṉle zienaḻ zho miṉe rnabey me.

JUAN 3:21 Iomraidhean Croise

JUAN 1:47

Squi ziaad Natanael, zeeṉe goṉ Jesús Natanael rëbchaa me: ―¡Goḻwi gaṉle, lëë zha qui goṉ nac merpaa zha Israel, sac mesi ib rquidied me!

JUAN 3:20

Grëse zha ne ruṉ guieḻntseeb, rlëë zho raṉ zho biini. Ib rbigd zho lo biini, sac racladzd zho xoobneṉ grë guieḻntseeb ne quiayuṉ zho.

JUAN 5:39

’Nli rioxco to rseed to grë guits ne ziaad Xtiidz me, sac rieṉ to ga ziaad dieṉ zha ygaa to guieḻmban ne gdziṉd dze lozh. Ni niicle ne lo co zhobnee gaṉle cho nac naa,

JUAN 7:17

Teḻne yquiabladz to guṉ to miṉe rnabey me, ga guieṉ to dieṉ pe nli xtiidz Dios rseed naa miech, te miṉe riab guic naaw ye.

1 CORINTIOS 15:10

Per xquizh Dios tibaque noxco me naa, bzooblo me naa gane laa naa nac miṉe nac naa niina. Ni led zhlëdgaa bzooblo me naa, sac goṉ nroobraa xtsiiṉ me noyuṉ naa lo miṉe noyuṉ grëraa poxtl; per rned naa togo naase quiayuṉa, sinque me noyacnie naa rrieelo noyuṉ naaw.

2 CORINTIOS 1:12

Rley no sacne rieṉ no choot noquidied miech, ndzinli mban no, zigtaa zeeṉe zo no lo tow, zigtaa zeeṉe zogaa no lo grëraa miecha. Per guiabd ne togo por niini now, sinque ne nquialadz Dios no gane quiayacnieṉ me no znu mban no.

GALATAS 6:8

Zha ne ruṉ grë ncuaaṉe ndzinlid, lëë miṉe cueequia zho ga laa zho nitlo. Laa zha ne guṉ grë miṉe rnabey Espíritu Sant, lëë miṉe ygaa zho ga nac tib guieḻmban ndzon ne gdziṉd dze lozh.

EFESIOS 5:9

sac niina ne laa to nole lo biini, none gac to: tib miech wen, tib miech ne zienaḻ gac miṉe nac diidzli, tib miech ne rnee diidzli.

FILIPENSES 1:11

zaacse gban to. Ga glu to gaṉle lëë miṉ co blu Jesús lo to, zeeṉa sca csaṉglaa to Dios.

FILIPENSES 2:13

Beṉque Dioszhal rsiaab guic to rquiabladz to guṉ to miṉe racladz me, ni scagaa me racnieṉ to rrieelo ruṉ tow.

COLOSENSES 1:29

Miṉ co nac dziin ne noxco naa, per led dziin ligada, gane dib nacse guieḻndaan, dib nacse fuerz ne rneedz me lo naa, noxco naa noyuṉ naaw.

HEBREOS 13:21

me gneedz guieḻbiini lo to grieelo to guṉ to miṉe rnabey me. Jesús sca goḻnalo, zeeṉa grieelo gban to zigne rdziladz Dios. Dios nac meṉ ne rieguiaḻ dziuuṉnon ne, zigtaa niinaw, zigtagaa grëraa leṉ izdoo ne guiaada. Scaw nagoṉ.

1 PEDRO 1:22

Ni niina ne laa to mban zigne nac XTiidz Dios, miṉe nac diidzli, laa zdoo to biaaṉmbele lo doḻ; nasi zrieelo gleynie to zha ne nacgrë to. Dib zdoo to sca goḻleynie zho,

1 JUAN 1:6

Gacxe waa, teḻne rnee ne nacniele ne me, ni rlozh ga tibaque lo guieḻcow co no ne, rquidie ne ga dzigo.

3 JUAN 1:11

Bets, saṉgue luu goṉ ib tsienaḻd luu miṉe ruṉ grë zha ne sca ruṉ guieḻntseeb, sinque bioxco güeynaḻ ncuaaṉe ndzinli. Sac goṉ, zha ne ruṉ niapse ncuaaṉe ndzinli, xnëz Dios no zho; laa grë zha ne ruṉ ncuaaṉe ntseeb, gard sëëb zho xnëz Dios.

APOCALIPSIS 3:15

’Naṉ naa grëse zha mban to. Raṉ naa noxcode to grë miṉe rnabey naa to, ni niicle rsaandgaa tow; nac to zig nac tib ncuaaṉe loxaque ndzëëyopse, niicle niagda ni niicle nlëëdgaaw. ¡Tebaa nac to zig tib nis yag, zig tib nis lëëgaa!