JUAN 21:5 - Zapotec Mixtepec: Diidz ne rdeed guielmban

⁵ Dzigo bnee meṉ co lo no, në me: ―Yo to dieṉ xin, ¿pe bgaa ma? Pquiab no rdzieets no lo me: ―Choot ma bgaad.

JUAN 21:5 Iomraidhean Croise

MATEO 14:15

Laa dze ziedzelew, wbig xpëëdscuel me rëb zho lo me: ―Mazd gudz lo grë miech qui guey zho na, zeeṉa guiob tsie zho grë guiedz win ne ndxie gax i tsiesi zho ncuaaṉe gow zho; sac goṉ laa dze bdzele.

MARCOS 8:7

Zienie zho zla meḻ las; bzheṉ me gza meḻ co bdeed me xquizh lo Dios, blozh ga bnabeyaque me zho bdiiz zho ma.

FILIPENSES 4:19

Scagaa niina nagoṉ, grëse ncuaaṉe yquiintaa to, Dios meṉ ndzon ne rliladz ne, me gneedza lo to, porne nligaa dib zdoo to rliladz to Jesús; sac goṉ, nroobdoo grë guieḻndzon, grë guieḻnzaac ne rap Dios.

HEBREOS 13:5

Tsienaḻde to loxaque dieṉ zha guṉlo to dimi; sinque goḻley totsaque no miṉe yquiin to. Goḻsoladz gaṉle, led znu rnee Dios lo ne: “Tibaque gacnie naa to, ib csaand naa to.”

1 JUAN 2:13

To ne nac to dad, laa naa rxeḻ diidz rii lo to, porne nac to zha ne rliladzle Jesús, naṉle to gaṉle notaque me, nole me zeeṉe bre guidzliu. Togaa ne nac to zha nguieg, laaw rxeḻ naa lo to, sacne nligaa dziits zo to, rrieelodraa meṉdox yquiil ma to. To ne nac to mëëdlas, xin yeeṉa laa naa rxeḻ diidz rii lo to, porne nac to zha ne nole xnëz Dios meṉ ne nac Pxoz ne.

1 JUAN 2:18

Xin yeeṉa, zhile gdziṉ dze ne laa guidzliu nitlo. Led binle to gaṉle ib zrieequia tib zha ne glëënie zhiwseed Jesús, ni nligaa niina leṉ dze rii ndal-le zaatne norieequia grë zha ne rsilo quiatsidiḻ Xtiidz me; gane ndioṉ no ne laa dze co ziaadgaxle.