JUAN 16:1 - Zapotec Mixtepec: Diidz ne rdeed guielmban

¹ ’Laa naa rne grë miṉ rii lo to zeeṉa peet tsienied guic to, tibaque dib zdoo to gnalo to naa.

JUAN 16:1 Iomraidhean Croise

MATEO 11:6

Ni goḻguiab lo me, dichos zha ne racchopd guic, sinque tiblique rac zho rliladz zho cho nac naa.

MATEO 13:21

per led dib zdood zho rcaania zhow, gane zeeṉe laa miech rsilo rlëë lo zho, laa miech rtsidiḻ zho porne rliladz zhow, rsaanga zhow.

MATEO 13:57

Ib beeṉcasd zho me, haxta rlëë zho lo me. Zeeṉe goṉ me sca rac zho, rëbchaa me lo zho: ―Zha ne rteed xtiidz Dios, mazd wen rnee miech lo zho stib dan, stib guiedz, lëdle ladz zho ni meṉlidz zho ni meṉladz zho nëd guṉbey zho.

MATEO 24:10

Nzian zha ne nole xnëz naa, leṉ dze co laa zho gbiche, laa zho csilo lëëque zha glëënie zha ne nacgrë zho, haxta zielo zho zho ladznia zha ne gut zho.

JUAN 15:11

Laa naa rzet miṉ rii lo to, zeeṉa guiaad tib guieḻbley zdoo to. Ne nligaa, zeeṉa guiaad tib guieḻbley nroob zdoo to; ni naa gnedz guieḻbley co lo to.

JUAN 16:4

’Laa naa rzodiidz grë miṉ rii niina, zeeṉa zeeṉe gaḻ dze ne laaw noyac, csoladz to gaṉle grësew bzodiidzle naaw lo to. Bzodiidzd naaw lo to glo, sacne hor co laa naa bii zo lo to.

ROMANOS 14:21

Miṉcocxe waa, mazd gowde to pe scuaan bëël, guiede to nziu, teḻne miṉ co yquiaaqui guṉctal to xtoḻ zho; ni teḻ pe grëraa ncuaaṉe naṉ to tsod zdoo zho, guṉde tow.

FILIPENSES 1:10

zeeṉa guieṉ to cue to niapse grë ncuaaṉe ndzinli guṉ to. Sca iṉe ndzinli nac lo xquieḻmban to, ni tib xtoḻ to guieṉd gaḻ dze ne guiaad Jesús;

1 PEDRO 2:8

Ni ziaad stib zaatne znu rnee: Quie co grieḻ ni miech, quie co groṉ zho. Grëse zha ne nëd gliladz Xtiidz me zaatne rnee cho nac me, scapaa sac zho me, ni ib zhobneele ne miṉ co ygaa zho.