JUAN 10:2 - Zapotec Mixtepec: Diidz ne rdeed guielmban

² sac teḻ meṉ ne noyaṉ maw, nëz ro puert nëz co rzëëb me.

JUAN 10:2 Iomraidhean Croise

MATEO 15:11

Goḻgacnaṉ gaṉle, grë ncuaaṉe rdziṉ zdoo miech, led miṉcod ruṉctal xtoḻ zho; sinque grë ncuaaṉ ntseeb ne rza guic zho, diidz ntseeb ne rriee ro zho, miṉ co ruṉctal xtoḻ zho.

JUAN 10:14

Naa nac Baxtor ne nquialadz xpëcwxiil. Zigne ruṉbey Pxoz naa naa ni ruṉbey naa me, sca ruṉbey naa grëse xpëcwxiil naa, niicle magaaw ruṉbey ma naa. Grëse ma, rleynie naa ma, laa naa rbeeladz xquieḻmban naa totsaque cuee naa ma lo guieḻxtseeb ne no ma.

JUAN 10:7

dzigo wbiire me bnee me lo zho, rëb me: ―Goḻquiaadiaga gaṉle: Naa goṉ nac zig ro Puert, zaatne rded mëcwxiil ga.

JUAN 10:9

Saṉgue naa, laa naa nile lo to gaṉle: Naa nac zig ro Puert, zaatne rded mëcwxiil ga. Grëse zha ne gbig lo naa, zlaa zho, peet lo tsoxtseebdraa zho; pale grë mëcwxiil ne zozëëb zoriee ro lidz, ni rdziel ma guizh nguia, guizh ndzon row ma.

HECHOS 20:28

Goḻguieṉ sca, ¡goḻquianap to, ni scagaa goḻquianap grë zha ne zo to lo! ¡Goḻwi gaṉle xnëz Dios no zho, haxta lo cruz gut Xpëëd me bdiizh me xtoḻ zho! Ni stiba, ¡ib Espíritu Sant bzo to yquianap to zho zigne rquianap baxtor xpëcwxiil zho!

1 TIMOTEO 4:14

Ib csaand luu grë guieḻbiini ne bneedz Dios lo luu i (guieḻbiini ne bgaa luu zeeṉe psiaab me guic grë zha ne rnabey lo grë zha ne no xnëz me, pxobnia zho guic luu).

TITO 1:5

Rsoladzaxe luu gaṉle, zeeṉe psaṉ naa luu lo guidzliu win ne lë Cret i, laa naa psaṉ luu zeeṉa lozh guṉ luu grëraa dziin ne no gac i, ni psaṉ naa diidz lo luu zha gzo luu zha ne so gnabey lo grë zha ne rliladz Jesús, tib tib guiedz qui.

HEBREOS 13:20

Jesús nac meṉ ne quianappaa ne, zig rquianap baxtor xpëcwxiil zho; me gut bzhiee xchen me zeeṉe psaṉ Dios diidz stib zha gdziṉ miech lo me; ni diidz cosi gdziṉdraa dze ne gdzëëw. Dios meṉ ne bleeban Jesús, meṉ ne racnieṉ miech peet zhgab rtsebd zho,

1 PEDRO 2:25

Glo lega nac to zig nac grë mëcwxiil ne zonziaab, saṉgue niina mele quianap to. Me nac tib baxtor ne rleyniepaa to.

1 PEDRO 5:4

Scagaa, zeeṉe laa meṉ nroob ne quianap ne guiaad, zgaa to lo guieḻndzon ne gneedz me, lugar co gac tib premio ne gdziṉd dze lozh lo to.

APOCALIPSIS 1:20

Znu goṉ nac miṉe blozh goṉ luu ga: gadz mel gbaa ne goṉ luu nzheeṉ naa ga con nia derech naa, tib tib mel co nac tib tib zha ne quianap yadoo ne no gza guiedz co; laa gza gadz candeler co, nac tib tib yadoo co.