JUAN 1:21 - Zapotec Mixtepec: Diidz ne rdeed guielmban

²¹ ―¿Chox nac luu waa? ―rëb zho―. ¿Te luu ye nac Lí, meṉ ne biadteed xtiidz Dios padzeela? Pquiab Juan rëb Juan: ―Lëda, led Líd naa. Biire zho bnabdiidz zho, rëb zho: ―¿Te luu ye nac meṉ ne bzeet Dios padzeela cxeeḻ me guiadteed xtiidz me? Pquiab Juan rëb Juan: ―Zhaa meṉ co, led naad nac meṉ co.

JUAN 1:21 Iomraidhean Croise

MATEO 11:14

Juan goṉ biaad niina zig no diidz guiaad Lí; goḻgacnaṉ sca gaṉle cho nac me.

MATEO 16:14

Pquiab zho rëb zho: ―No zho rnee Juan Bautista, no zho rnee Líw, no zho rnee Jeremíw, meṉ ne biadteed xtiidz Dios padzeela; nogaa zho rnee no cho stib meṉ ne ziadteed xtiidz Diosa zig biaad zha ne biaad padzeela.

MATEO 21:11

Rquiab grë zha ne naḻ zhits me ga, rnee zho: ―¡Lëë Jesús i! ¡Lëë meṉ Galilé qui, noteed xtiidz Dios lo miech!

LUCAS 1:17

Zigne goc Lí, meṉ ne biaad pteed xtiidz me padzeela, sca gac win tedner win lo me, nroob poder ne gap win. Win gnee lo grë miech rii, gbiire gleynie zho me zigne goc xmeṉgol zho zha ne bleynie me; csaan zho grë xquieḻntseeb zho, gban zho zigne racladz me; zeeṉa niowse gac zho ycaania zho me.

JUAN 1:22

―¿Cho dzigo nac luu? ―rëb zho―. Bnë dieṉ cho nac luu; sac goṉ ib none gdziṉnie no tib xtiidz luu lo zha ne pxeeḻ no.

JUAN 1:25

―Teḻne led luud nac Meṉ ne zëëble diidz ga cxeeḻ Dios, niicle led luud nac Lí, niicle nacdgaa luu cho stib zha ne pxeeḻ Dios ziadteed xtiidz me, ¿zha nac dzigo ne nochoobnis luu miech?

JUAN 6:14

Zeeṉe goṉ grë miech co milagr ro ne beeṉ Jesús ga, rneechaa zho: ―¡Ne nlipagaa, lëë meṉ qui ga quiambiaaz ne! ¡Me nac Meṉ ne zëëble diidz ga cxeeḻ Dios lo guidzliu guiadteed xtiidz me!

JUAN 7:40

Blalaa zha ne ndxie ga, zeeṉe bin zho sca bnee me, rneechaa zho: ―Ne nlipagaa, lëë meṉ qui ga no guiaad antes ne glanso Meṉ ne nacle diidz cxeeḻ Dios ga.