JUAN 1:1 - Zapotec Mixtepec: Diidz ne rdeed guielmban

^1-2 Jesús, meṉ ne nac Diidz Ndzon, nole me zeeṉe biaa grëtaa ncuaaṉe no; lo Dios no me ni Diosaque nac me. Notaque me, tibaque nac me: me ni Dios.

JUAN 1:1 Iomraidhean Croise

MATEO 1:23

Bii zaṉ to gaṉle zeeṉe laa tib mëëdbgui yquiaalo zdoo tib wnaayeeṉ ne gard gnee mgui lo. Zeeṉe laa win gal, Emanuel grieelë win. (Emanuel nac zig nacne rnee ne: Dioszhal ziaad lo ne.)

LUCAS 24:53

Psilo zho gzataa dze rie zho yadoo rooḻnie zho Dios, rdeed zho xquizh lo me.

JUAN 1:14

Zeeṉe bdziṉ dze ne laa meṉ ne nac Diidz Ndzon ga goc miech biaad me lo guidzliu, grop lo no bdzioṉ no me, ni bzianie no me. Blu me pa lotaa nquialadz me miech, ni niapse diidzli bnee me. Bdzioṉ no xquieḻndzon me ne nac me tibpaa mëëd lo Dios, meṉ ne nac Pxoz ne.

JUAN 1:18

Wlaltaa ib choot gard gaṉ Dios; saṉgue niina ne laa Xpëëd me Jesús biaad, meṉ co biaadlu gaṉle zha nac Dios; sac zaatne no Dios gaque no me.

JUAN 16:28

Ni nligaa, lo me brie naa biaḻ naa lo guidzliu; ni niina ne laa naa gbi, loque me gdziiṉ naa.

JUAN 17:5

Scagaa luu ne nac luu Pxoz naa, niina ne laa naa glanso lo luu, blu gaṉle meṉ nroob nac naa; sac desde mazd glo zeeṉe gard tsaa grëtaa ncuaaṉe no, tibaque nac lo guieḻndzon ne bdzio ne haxta dze ne blanso naa lo guidzliu rii.

JUAN 20:28

Dzigoraa bliladz Mazh ne nli mban me. ―Nasi rliladz naa mban luu ―rëb Mazh―. Luu nac meṉ ne rnabey naa, luu nac xDios naa.

JUAN 8:58

―Gneli naa lo to gaṉle ―rëb me―, notaque naa; nole naa zeeṉe gol Abraham.

ROMANOS 9:5

Lëë pxozgoldoo zho ga goc Abraham, goc Isaac, goc Jacob, ni lo dii co ga brieequia zha ne bded zig meṉlidz Jesús. Me nac Dios, me rnabey grëtaa ncuaaṉe no, ni me rieguiaḻ gacnon gzataa dze. Ible sca rieguiaḻa.

EFESIOS 3:9

Gne naa lo zho gacnaṉ zho gaṉle zha nactaa grë miṉe no guic Dios guṉ me, miṉe wlaltaa choot gard gacnaṉ; Dios, meṉ ne bzaa grëse ncuaaṉe no.

FILIPENSES 2:6

Sac teḻ me: Niicle ne Dios nac me, per led miṉcod niab me nrieed me lo guieḻndzon ne no me,

COLOSENSES 1:15

Niicle ne gard dziaṉ ne Dios, per laa Xpëëd me biaad biaadlu lo ne gaṉle zha nac me, sac zigne nacse me scaque nac Xpëëd me; ni ladznia Xpëëd me no grëtaa ncuaaṉe no.

COLOSENSES 1:17

Nole Jesús zeeṉe biaa grë ncuaaṉ co, me naaza, gane tib tiba nosew zaatne rieguiaḻa.

1 TIMOTEO 3:16

Ne nligaa nroobdoo nac wseed ne ziaad lo Xtiidz Dios, miṉe rliladz ne, ngaṉ guieṉ miech zha naca. Nu raquiet miṉe beeṉ me: Goc Jesús miech biaad me lo guidzliu, ni blu Espíritu Sant gaṉle ne nli Xpëëdpaa Dios nac me; ni goṉ grë anjl me. Brieets bliaaḻ Xtiidz me grë guiedz, ndaldoo miech ne bliladz gaṉle cho nac me, blozh ga biire zey me lo guieḻndzon ne no me gbaa.

TITO 2:13

Sca none gban ne, haxta dziaṉlo ne gdziṉ dze ne laa Jesús guiaad stib, zigne psaṉle Dios diidz; gaḻ dze co, laa me guiaad con grë xquieḻndzon me. Me nac Dios ro ne rliladz ne, me psilaa ne lo doḻ.

HEBREOS 13:8

Goḻguieṉ gaṉle, gdziṉd dze ne gdzëë Jesús, zigne goc me padzeela, scaque nac me niina, ni scaquegaa gac me grëtaa leṉ iz ne guiaadraa.

HEBREOS 7:3

Ib raquiete dieṉ cho goc pxoz me, dieṉ cho goc xniaa me, dieṉ cho gocgaa xmeṉgol me; niicle raquietegaa dieṉ zha blanso me lo guidzliu, dieṉ pe gutgaa me. Ziaad gac me zig Xpëëd Dios, meṉ ne nac zhipxoz nroob ne, meṉ ne gdziṉd dze gdzëë.

2 PEDRO 1:1

Naa nac Simón Pedr, tib nguṉdziin win ne pxeeḻ Jesús nonee Xtiidz Ndzon me lo miech. Laa naa rquia guits rii rxeḻ naa lo to, ne nac to zha ne squitaa ndzonse dib zdoo rnalo meṉ nroob ne zob gbaa, zigne rnaloque no me. Xquizh Jesús meṉ ne rsilaa miech, meṉ ne nac Dios ne rliladz ne, sac goṉ me gocnieṉ to squi rnalo to me niina; sac mesi miṉe nonguieḻ gac, miṉ co ruṉ me.

1 JUAN 5:20

saṉgue ne, laa Xpëëd Dios biaad bdixbiini me xquieḻrien ne bdziuuṉbey ne meṉ ne nacpaa Dios. Niinasi laa ne ngable lo meṉ ne nacpaa Dios ga, ni lëë me ga nac Jesús. Me nac Dios nguiamban, ni me nac meṉ ne rdeed guieḻmban ndzon ne gdziṉd dze lozh.

1 JUAN 5:7

Gotsaa gwi sca gaṉle, tsoṉ mod rlu cho nac Jesús: Tiba por miṉe nolu Espíritu Sant, stiba por miṉe blu zeeṉe norobnis me, ni stiba por miṉe blu zeeṉe nolozh me. Zigtaa miṉe nolu Espíritu Santa, zigtaa zeeṉe brobnis mew, zigtagaa zeeṉe nolozh mew, blu gaṉle Xpëëd Dios nac me.

APOCALIPSIS 1:11

në me lo naa: ―Grëtaa ncuaaṉe raṉ luu nu niina, pquiaaw tib lo guits pxeeḻa lo grëse zha ne ngab lo naa, grë zha ne no gza gadz guiedz rii nëz Asia: Efés, Smirn, Pérgamo, Tiatir, Sardis, Filadelf, ni Laodicé.

APOCALIPSIS 1:17

Zeeṉe goṉ naa me, mbe biaab naa zhan ni me zig tib zha ne gutle. Dzigo blis me nia derech me pxobnia me guic naa, në me lo naa: ―¡Gdzieebd luu! Naa psilo ni naa csiaaḻ, naa psaṉ grëtaa ncuaaṉe no, ni naa gnitlow;

APOCALIPSIS 1:2

Grëse miṉe goṉ naa, grëse miṉe bin naa ga, laaw gne naa zigne goṉse naaw, zigne binse naaw. ¡Diidzliw!

APOCALIPSIS 1:8

Znu rnee Dios, meṉ nroob ne rap grëse guieḻrnabey: “Grëse ncuaaṉe notaa, naa psilow ni naa csiaaḻa; naa nac zigne nac letr “a” ni letr “z” lo grëse letr, “a” rsilow, “z” riaḻa, zigne nac naa niina sca goc naa padzeela, ni scaque gac naa zeeṉe laa naa guiaḻ stib.”

APOCALIPSIS 19:13

Rnadraa xab me di ren, lëë me ga rnee zho: Xtiidz Dios.

APOCALIPSIS 2:8

Blozh ga në me lo naa: ―Pquiaa miṉe gni naa lo luu nu, pxeeḻa Smirn, lo zha ne quianap grë zha ne ngab xnëz naa ga, gudz lo zho: “Znu nac xtiidz meṉ ne psilo grëtaa ncuaaṉe no, meṉ ne csiaaḻa, meṉ ne gut ga ni brieeban me, rnee me:

APOCALIPSIS 21:6

¡Lëëw nagoṉ, grëse miṉe no gac, laaw blozh beṉ naa! ¡Naa psilow, ni naa psiaaḻa, naa nac zigne nac letr “a” ni letr “z” lo grëse letr, “a” rsilow “z” riaḻa! ’¡Zha ne në rnab zhis, naa gded nis ne rdeed guieḻmban guie zho, ygad naa nis co lo zho, peet gacnonda!

APOCALIPSIS 22:13

Notaque naa, zig nac grë ncuaaṉ rii naa psilow ni naa csiaaḻa; nac naa zig nac letr “a” ni letr “z” lo grë letr, “a” rsilow, “z” riaḻa.

APOCALIPSIS 3:14

Ni në me: ―Miṉe gni naa niina, pquiaaw pxeeḻa guiedz Laodicé, lo zha ne quianap grë zha ne ngab xnëz naa ga, gudz lo zho: “Meṉ ne rnee niapse diidzli, meṉ ne ruṉ grëse miṉe rnabey Dios, meṉ ne bzo Dios psaṉ grëse ncuaaṉe no, znu nac xtiidz me, rnee me lo to: