FILEMON 1:2 - Zapotec Mixtepec: Diidz ne rdeed guielmban

² Laaw ziaad lo to i gza to bzian ne Apia, bets ne Arquip tib zha ne noyuṉaque dziin rii, ni grëraa zha bets, zha bzian ne rcaalsa lidz luu i.

FILEMON 1:2 Iomraidhean Croise

ROMANOS 16:1

Bets, bzian, leṉ dze rii laa Feb, tib wnaa ne ruṉ xtsiiṉ Dios guiedz Cencré, laa me guiaad nëz lo to i.

ROMANOS 16:5

Ni scagaa, grë zha ne rcaalsa lidz zho riegooḻnie Dios, goḻdeed zhibdiuzh naa lo zho. Goḻdeed zhibdiuzh naa lo Epenet, rley naa rsoladz naa me; lëë me nac zha Asia ne glopaa bzëëb xnëz Jesús.

1 CORINTIOS 16:19

Grëse zha ne no xnëz Jesús nëz Asia nu, laa zho rxeeḻ bdiuzh lo to, goḻcaania zhibdiuzh zho. Scaque Aquil grop me Priscil, ni grëraa zha ne rcaalsa lidz zho rieseed Xtiidz Dios, grë zho laa zho rxeeḻ bdiuzh lo to.

FILIPENSES 2:25

Ni rgobey naa nonguieḻaquew cxeḻ naa bets ne Epafrodit guiaad me nëz qui, sac laa me rbanle to, ni no me zhgab bin me laa to gocnaṉ ne laa me bzhaacnë. Nli laa to pxeeḻ me lo naa nu, ni blactagaa noyuṉ me xyudar naa ne znu mban nodeed naa, blactaa noyacnie me naa lo dziin ne nodziuuṉ no.

COLOSENSES 4:15

Goḻdeed tib zhibdiuzh no lo grë zha ne no guiedz Laodicé, zha ne nacgrë ne. Goḻdeed zhibdiuzh no lo zhuz Ninf, ni lo grëraa zha ne rcaalsa lidz me i, riegooḻnie zho Dios.

COLOSENSES 4:17

Ni goḻguiab lo Arquip, tsoxco me zaacse guṉ me dziin ne bdeed Dios lo me i.