1 JUAN 3:6 - Zapotec Mixtepec: Diidz ne rdeed guielmban

⁶ Gacxe waa, zha ne nlipaa nacnie me, zienaḻdraa zho ncuaaṉe guṉctal xtoḻ zho; laa grë zha ne tibaque noyuṉctal xtoḻ, gase rlu ne gard guieṉ zho cho nac me, gard guṉbey zho me.

1 JUAN 3:6 Iomraidhean Croise

2 CORINTIOS 3:18

Gacxe waa, grëse ne ne ngab ne xnëz Jesús, led yedraa lo ne ndze. Masaque nac ne niina zig tib quiewan, zeeṉe ran miech zha mban ne, ga raṉ zho gaṉle pa lotaa nac xquieḻndzon Dios. Tibaque nozhixcuaa zhiEspíritu me lo xquieḻmban ne, zigse zie dze noluraa me zha nactaa guieḻndzon ne rap me.

2 CORINTIOS 4:6

¡Ne nligaa tib nguṉdziin winse nac no! Goḻwi gaṉle Dioszhal, meṉ ne bnabey biaaṉ biini ne rziini guidzliu, me bdixbiini guic no bieṉ no xquieḻndzon me ga biaadlu Jesús.

1 JUAN 2:28

Xin yeeṉa, naṉle to sca sozite to lo Jesús, sinque tibaque goḻgacnie me; zeeṉa iṉe tibliladz gac to gaḻ dze ne laa me guiaad. Sac zha ne sozit lo me gban zho zigne gacladztaa zho, zeeṉe laa me guiaad mban gac zho; sac guieḻto ne guiaaṉ zho lo me.

1 JUAN 2:3

Goḻgona gaṉle: Teḻne ruṉ ne grëse miṉe rnabey Dios, gase rieṉ ne ne nli xnëz me no ne.

1 JUAN 2:4

Laa teḻ zha ne rnee: “Xnëz me no naa”, ni rlozh ga ruṉd zho grë miṉe rnabey me, rquidie zho ga.

1 JUAN 3:2

Bets, bzian, ne nligaa xpëëdle Dios nac ne. Nli ndioṉd ne niina dieṉ zha glu ne gaḻ dze ne laa Jesús guiaad, per miṉe ndioṉpaa ne, zeeṉe gaḻ dze co laa ne gac zigne nacpaa me; ni dzigosi laa ne dziaṉ me grop lo ne.

1 JUAN 3:9

Zha ne nac xpëëd Dios, rdeetraa zho diidz guṉctal zho xtoḻ zho, sacne laa guic zho zienie gban zho zigne racladz Espíritu Sant, meṉ ne nacnie zho; rieṉle zho nodne guṉctal zho xtoḻ zho, sac laa zho nacle xpëëd Dios.

1 JUAN 4:8

Laa grë zha ne rleynied samiech, ruṉbeyd zho Dios ga gane sca ruṉ zho; sac goṉ ib Dios rneedz guieḻbiini lo ne gleynie ne samiech ne.

1 JUAN 5:18

Ni ndioṉ ne gaṉle, zha ne nacle xpëëd Dios ruṉdraa zho ne lega guṉctal zho xtoḻ zho; sac Jesús meṉ ne nac Xpëëd Dios, meṉ co quianap zho, grieelodraa lega pe guṉ meṉdox zho.

3 JUAN 1:11

Bets, saṉgue luu goṉ ib tsienaḻd luu miṉe ruṉ grë zha ne sca ruṉ guieḻntseeb, sinque bioxco güeynaḻ ncuaaṉe ndzinli. Sac goṉ, zha ne ruṉ niapse ncuaaṉe ndzinli, xnëz Dios no zho; laa grë zha ne ruṉ ncuaaṉe ntseeb, gard sëëb zho xnëz Dios.