LUCAS 4:41 - Zapotec Santa María Quiegolani

⁴¹ No ndal ke mengyiz guin rruu menzab lextoo, noze rderëz menzab, re menzab: ―Laa de nak XPee Dëdyuzh. Per wakndux Jesus lo menzab, wdeedet Ne si nnii menzab porke nan Ne ne che nan menzab ne laa Ne nak Crist.

LUCAS 4:41 Iomraidhean Croise

MATEO 26:63

Per wkedet Jesus. Lex re fxuz ne mazre nondee: ―Por la Dëdyuzhmbán ykyeen noo de ne yzëët de belne laa de nak Crist XPee Dëdyuzh.

MATEO 4:3

Lex wa Bzelo lo Ne, re Bzelo: ―Belne nli XPee Dëdyuzh nak de, gukyeen yra gye gwa gako gyëtxtil.

MATEO 8:16

Chene wnit lyu, wano mén ndal mén ne nuu menzab lextoo lo Jesus, tendxee diiz wnii Ne wboo Ne menzab lextoo men, no wneseyaken Ne yrandxee mén ne rzhuun,

MATEO 8:29

Zegne wii men Jesus, wzelo menzab rderëz menzab, re menzab: ―¿Penak rgal de noo, Jesus XPee Dëdyuzh? ¿Pe zëëd de nee ne yzakzi de noo antes ne ydxiin dxe?

MATEO 8:4

Lex re Ne lo men: ―Che nan de rut lo guedet do, nonchee lo fxuz gutsa gutsaluu led de no gutsaron xgoon de zegne zëëd lo ley ne wdee Dëdyuzh lo Moises chen gaknan mén ne che wyaken led de.

MARCOS 1:25

Orguin wakndux Jesus lo menzab guin, re Ne: ―¡Gusoow ruu de! ¡Guruu lextoo ménree!

MARCOS 1:32

Chene che waaz ngbiz or ne che zëdnit lyu, wano mén yrandxee mengyiz lo Jesus no le mén ne nuu menzab lextoo.

MARCOS 1:34

Lex wneseyaken Jesus ndal mén ne rzak noze wren wren gyelgyiz, no wboo Ne menzab lextoo yra mén ne nuu menzab lextoo; per wdeedet Ne si nnii menzab guin porke nan Ne ne che nan menzab guin gan txu nak Ne.

MARCOS 3:11

No te te chene rwii menzab Ne, rzuzhib menzab lo Ne, noze rderëz menzab, re menzab: ―¡XPee Dëdyuzh nak de!

LUCAS 4:39

Orguin wlitlo Ne ledne nex men, wakndux Ne lo xlaa, wruugue xlaa led men. Orgueguin waxee men wdee men ne wu Ne yra Ne xpén Ne.

JUAN 20:31

Per wkaa yra neree chen ylaleedx de yra de ne Jesus nak Crist XPee Dëdyuzh no chen chene ylaleedx de Ne, gap de gyelembán ne nunk luzhdet.

SANTIAGO 2:19

Laa de rlaleedx de ne tendxee Dëdyuzh nuu. Wen rlaa de, per laake no menzab rlaleedx ne tendxee Dëdyuzh nuu, no axtegue rzhiz menzab tant rdxe menzab.