LUCAS 23:7 - Zapotec Santa María Quiegolani

⁷ Chene re men ne men-Galilea nak Ne, wxaal Pilato Ne lo Herodes ne nak rrey Galilea porke no Herodes ka Jerusalén cheguin.

LUCAS 23:7 Iomraidhean Croise

MATEO 14:1

Cheguin ke won Herodes ne rnebééy lo lyu ne la Galilea yra ne kalaa Jesus,

MATEO 14:3

Re Herodes zenga porke laa Herodes wkyeen mén wanëëz men Xwa, wliib men Xwa kon kaden; lex wguu men Xwa chegyiib. Wlaa Herodes yra neree por xdol Herodías xewnaa Blib bech Herodes.

MATEO 14:6

Per chene wzaa Herodes iz, wa xsaap Herodías wya nzeb nes lo yra xemyooz Herodes; kesentyent wtseleedx Herodes zegne wya nzeb.

MARCOS 6:14

Won rrey-Herodes yra ne kalaa Jesus, porke noze nesree nesrotee ryen diiz ne kalaa Ne. Nuu mén re: ―Xwa ne rtxobnis wa wban. Por neguin rap men poder rlaa men gyelmilaguer.

LUCAS 13:31

Dxe ke guin wdxiin tebëd men ne nak farisew, re men lo Jesus: ―Guruu nee, gugya, porke le Herodes rlaan yket de.

LUCAS 23:6

Ne won Pilato zenga, wnabdiiz Pilato lo men gan pe men-Galilea nak Jesus.

LUCAS 3:1

Ne wak chíín iz ne rnebééy rrey-Tiberio, laa Poncio Pilato nak gobernador Judea, le Herodes rnebééy lo lyu ne la Galilea, le bech Herodes Blib rnebééy lo lyu ne la Iturea no le lo lyu ne la Traconite, le Lisanias rnebééy lo lyu ne la Abilinia.

LUCAS 9:7

Ne won rrey-Herodes ne kalaa Jesus, axtegue nandet men pe wuu lextoo men porke nuu mén re, Xwa ne rtxobnis wban.

HECHOS 4:27

’No nli zenga wak, tese wak Herodes yrup men Poncio Pilato nee gyëzree yra men men-Israel no le yra men mén ne nakdet men-Israel, winyaan men Jesus XPee de ne rlaadet dol no ne wye de ne gak Crist.