LUCAS 2:47 - Zapotec Santa María Quiegolani

⁴⁷ Yrandxee mén ne ron ne rnii Ne, rzee rzak men por yra ne rke Ne no ne kesentyent nal xgyeryen Ne.

LUCAS 2:47 Iomraidhean Croise

MATEO 13:54

Ne wdxiin Ne laz Ne, wzelo Ne wneluu Ne mén lenydoo ne zob nga. Kesentyent wzee wzak yra mén, re men: ―¿Pazh wseed mén gwa yra negwa ne nan men? ¿Pezee run men gan rlaa men gyelmilaguer?

MATEO 22:33

Ne won yra men guin neree, kesentyent wzee wzak men por yra ne rneluu Jesus.

MATEO 7:28

Chene wluzh wnii Jesus, wzee wzak yra mén por yra ne wneluu Ne.

MARCOS 1:22

Axtegue wzee wzak mén por yra ne rneluu Ne, porke rneluu Ne zegnak te men ne rnebééy, rneluudet Ne zegne rneluu maxter ley.

MARCOS 11:18

Ne won yra fxuz ne rnebééy lo yra fxuz zenga yra men maxter ley, wzelo men wye men gan pezee ylaa men chen yket men Ne, porke rdxe men ne yrandxee mén rzee rzak zeg rneluu Ne.

MARCOS 6:2

Chene wdxiin dxe ne rne men-Israel, wzelo Ne wneluu Ne mén lenydoo; no ndal mén wzee wzak ne won men ne rzëët Ne, rnabdizlsaa men, re men: ―¿Pazh wseed mén gwa yra negwa? ¿Pazh waxii men yra negwa ne nan men no le yra gyelmilaguer gwa ne rlaa men?

LUCAS 2:18

Yra mén ne won ne re mén guin, kesentyent wzee wzak men.

LUCAS 2:46

Ne wyon gbiz, le Ne wzël lenxeydoo Dëdyuzh; zob Ne lad maxter ley rkagyedyag Ne yra ne rnii men, lex rnabdiiz Ne lo men.

LUCAS 4:22

Yrandxee mén re ne wen yra ne rnii Ne, no kesentyent rzee rzak men por yra diznzoon ne rnii Ne. Lex rnabdizlsaa men, re men: ―¿Pe let laadet xpee Xeb nee?

LUCAS 4:32

Wzee wzak men por yra ne rneluu Ne, porke rnii Ne zegnak te men ne rnebééy.

JUAN 7:15

Ne won men yra ne kaneluu Ne men, kesentyent wzee wzak men, re men: ―¿Pezee wlaaleg ménree ne kesentyent ndal ne nan men, no ni wseedet men?

JUAN 7:46

Wke men re men: ―¡Rutlel gardet gon noo ynii zegne rnii men!