LUCAS 17:16 - Zapotec Santa María Quiegolani

¹⁶ Wzuzhib men lo Jesus, wlitlo men axtegue wtee lo men lyu, wdee men dexkyizhtee lo Ne. Men-Samaria nak men.

LUCAS 17:16 Iomraidhean Croise

MATEO 10:5

Antes ne yxaal Jesus yra chibtxup xpén Ne, re Ne lo men: ―Tsadet de nes ledne nuu mén ne nakdet men-Israel, ni tsateedet de gyëz ne nak Samaria;

MATEO 2:11

Chene wdee men ledne nuu mëëd guin, wii men ne yrup ne Mli xnaa ne; orguin wzuzhib men lo ne wzaknzoon men ne. Lex wxal men xkaj men wboo men or no wboo men ne nak zegnak yaal no le mirra wgueed meno lo ne.

MARCOS 5:33

Orguin noze rzhiz wnaa guin tant rdxe men kom nan men ne laa men wtee nya led xab Ne. Wa men wzuzhib men lo Ne, lex wzëët meno zegne nak nakendxoo.

LUCAS 17:17

Orguin re Ne lo men: ―¿Pe let chiidet nak de yra de ne wyaken? ¿Gozh men sgaa men?

LUCAS 5:8

Ne wii Simon neguin, wzuzhib men lo Jesus, re men: ―Gubetxee lo noo Dechey, porke mendol nak noo.

JUAN 4:9

Orguin re wnaa guin lo Jesus: ―¿Penak rnab de nis lo noo si men-Israel nak de, le noo nak men-Samaria? (Re wnaa guin zenga, porke rtsëlsaadet men-Israel men-Samaria.)

JUAN 5:23

chen yrandxee mén saknon XPee Ne zegne rzaknon ke men Ne. Mén ne rzaknondet XPee Ne, rzaknondet ke men Ne porke laa Ne wxaal XPee Ne.

JUAN 8:48

Lex re yra men-Israel lo Jesus: ―Nli ke rnii noo gon ne men-Samaria nak de no ne menzab nuu lextoo de.

HECHOS 1:8

Per chene che waknonen Espíritu Sant de, ykakwent de poder; laa de nak ne yzëët lo mén gyëz-Jerusalén gan txuzh nak noo no le lo yra mén ne nuu yrandxee gyëz ne nak Judea no le ne nak Samaria no le yrandxee gyëz ne nak ledne mazre natdee lo gyëzlyu.

1 CORINTIOS 14:25

nga yrunyoo yra ne ngulaan men lenlextoo men; lex suzhib men lo Dëdyuzh saknon men Ne no syenen men ne nli laa Ne nak ne raknonen de yra de.

APOCALIPSIS 19:10

Orguin wzuzhib noo lo angel guin chen saknon noo ne, per na ne lo noo: ―Ylaadet de zegwa, porke nozke xdxiin Dëdyuzh rlaa noo zegne rlaa ke do yra de xkompanyer de ne zanal diznli ne wzëët Jesucrist. Dëdyuzh gusaknon. Porke diiz guin ne wzëët Jesucrist nak ne rguu lextoo yra profet ne rzëët xdiiz Dëdyuzh.

APOCALIPSIS 4:10

rzuzhib yra galebtap mengol guin lo Ne, rzaknon men Ne ne mbán Ne ydeblo siguelendxee no rxob xkoron men nes lo yagzhil guin ne zob Ne, re men:

APOCALIPSIS 5:14

Rke ydap menmbán guin, re men: ―¡Zengaw! Le yra galebtap mengol guin wzuzhib wzaknon men Dëdyuzh; laa Ne mbán ydeblo siguelendxee.