JUAN 8:20 - Zapotec Santa María Quiegolani

²⁰ Yra diizree re Jesus lo mén or ne kaneluu Ne men lenxeydoo Dëdyuzh nes ledne zu yra ne rguu mén goon. Per rut wbigdet nnëëz Ne, porke gardet ydxiin xor Ne ne yzuun Ne.

JUAN 8:20 Iomraidhean Croise

MATEO 26:55

Orguin re Jesus lo yra mén guin: ―¿Penak zëëd de zëdnëëz de noo kon spad, kon yag, zeg teleg ngbaan nak noo? No yzaandxee dxe wzu noo lenxeydoo Dëdyuzh wkaneluu noo de yra de, no wnëëzdet de noo.

MATEO 27:6

Lex wtop yra fxuz ne rnebééy lo yra fxuz yra med guin, re men: ―Nuudet ysee be medree ledne ruu goon porke medree wezh wka men ne wnizkwent men ne guet.

MARCOS 12:41

Tebtir zob Jesus lenxeydoo Dëdyuzh ngali ledne zob ne rguu mén goon, rwii Ne ra mén rguu men goon nga, no ndal ke menrik ra rguu mednyezh leen guin.

MARCOS 12:43

Lex wbëz Jesus xpén Ne, re Ne lo men: ―Nligue yna noo lo de ne nondee goon ne wguu wnabyudprobree ke lo xgoon yra mén ne wguu goon.

LUCAS 20:19

Wlaan yra maxter ley yra men fxuz ne rnebééy lo yra fxuz nguu men Jesus chegyiib orgueguin, porke wyenen men ne por laa por laandxee men wzëët Ne yra diiz guin, per wdxe men mén.

LUCAS 21:1

Chene zu Jesus lenxeydoo Dëdyuzh, wlis lo Ne wii Ne menrik ne rguu goon ledne ruu goon.

JUAN 10:39

Orguin wlaan men nnëëz men Jesus ste chen nzano men Ne, per wundet men gan.

JUAN 2:4

Wke Jesus, re Jesus: ―Wnaae, ¿penak na de zegwa lo noo? Gardet ydxiin or ne ylaa noo ne ryal ylaa noo.

JUAN 7:14

Che wrool ne kayak lni, wdee Ne lenxeydoo Dëdyuzh, wzelo Ne wneluu Ne men-Israel.

JUAN 7:30

Orguin wlaan men nnëëz men Jesus chen nzano men Ne, per ni te mén wbigdet nnëëz Ne porke gardet ydxiin xor Ne ne yzuun Ne.

JUAN 7:44

Gwrol men guin wlaan nsee men Jesus chegyiib, per ni te men wyezhdet nbig nnëëz Ne.

JUAN 7:8

Gutsa lni yra de; noo tsadetgue noo, porke gardet ydxiin xor noo.

JUAN 8:2

Ne wra gyëël rsil, wa Jesus lenxeydoo Dëdyuzh ste. Ndalyaa mén wdop lo Ne, lex wzob Ne wneluu Ne men.

JUAN 8:59

Orguin wgoob men gye ngugye men Ne; per wootsgue Ne lad men, lex wdesu Ne noze lad men yra men, wruu Ne lenxeydoo Dëdyuzh sya Ne.