JUAN 6:9 - Zapotec Santa María Quiegolani

⁹ ―Nee zu te mee ne neey gaay gyëtxtil cebada no le txup mël, per ¿pe ylaandxee neree lo lal ne mén?

JUAN 6:9 Iomraidhean Croise

MATEO 14:17

Wke men re men lo Ne: ―Per nonchee gaay gyëtxtil no le txup mël neey noo nee.

MATEO 16:9

¿Pe gardet ydee de kwent no pe zaleedxdet de chene wgyiiz noo gaay gyëtxtil lo gaaymil mén no gan blazh tsegwed gyëtxtilbla ne wrukaa wtop de?

MARCOS 6:38

Lex re Jesus lo men: ―¿Blazh gyëtxtil neey de? Gutsa wii gan. Chene wberee men, re men lo Ne: ―Gaay gyëtxtil no le txup mël.

MARCOS 8:19

Chene wgyiiz noo gaay gyëtxtil lo gaaymil mén, ¿blazh tsegwed gyëtxtilbla ne wrukaa wtop de? Wke men re men: ―Chibtxupo.

LUCAS 9:13

Per wke Ne re Ne lo men: ―Laa de gudee ne gu men. Lex re men lo Ne: ―Per nonchee gaay gyëtxtil no le txup mël neey noo nee, nunegue belne tsa noo tsaka noo ne gu men yra men zeree.

JUAN 11:21

Lex re Mart lo Jesus: ―Dechey, belne nako ne ka de nee, nyetet bzaan noo.

JUAN 11:32

Chene wdxiin Mli ledne zu Jesus, wzuzhib Mli lo Ne, re men: ―Dechey, belne nako ne ka de nee, nyetet bzaan noo.

JUAN 21:10

Lex re Ne lo men: ―Gutano tebëd mël ne gyed wzuun lo de.

JUAN 21:13

Orguin wbig Ne, wgoob Ne gyëtxtil wdee No lo men; zenga ke wlaa Ne mël.

JUAN 21:9

Chene wruu men lenbark, wii men le gyi che rul, te mël che zhoob lo gyi no le gyëtxtil.

JUAN 6:11

Orguin wgoob Jesus gyëtxtil guin, wdee Ne dexkyizhtee lo Dëdyuzh. Wluzh nga wdee No lo yra xpén Ne, lex laa men wgyiizo lo yra mén ne zob nga; zenga ke wlaa Ne mël, wu men laltee ne wlaan men yrandxee men.

JUAN 6:7

Wke Blib, re Blib: ―Per ni lal ne run te mos gan txupgwyuu gbiz gaglodet por ne yka be gyëtxtil chen yganen men mase teblago teblago te te men.

2 CORINTIOS 8:9

Porke che nan de pezee wen Jesucrist ne por ne ryaan Ne de, mase yrandxoo rap Ne, per wak Ne zegnak menprob, chen por xgyeleprob Ne gap de yrandxoo nes lo Dëdyuzh.

APOCALIPSIS 6:6

Lex won noo wlen te rëz gwrooltee lad yra ydap menmbán guin, re we: ―Teb kilegue zhobxtil non ne run te mos gan te dxe no tson kilegue cebada non ne run te mos gan te dxe; per yxiindet de seyt ni bin.