JUAN 5:10 - Zapotec Santa María Quiegolani

¹⁰ neguin re men-Israel lo mén guin ne wakngyëël: ―Dxe ne rne be nak nedxeree; ndux gweey de xloon de.

JUAN 5:10 Iomraidhean Croise

MATEO 12:10

Lenydoo guin zu te mgyeey ne miitx te nya. Kom rye men ne nak farisew gan pezee ykagyii men Jesus, lex wnabdiiz men lo Ne, re men: ―¿Pe zak yneseyaken me te mengyiz dxe ne rne me?

MARCOS 2:24

Lex re men ne nak farisew lo Ne: ―¿Penak rlaa xpén de ne ndux ylaa be dxe ne rne be?

MARCOS 3:4

Zhich guin wnabdiiz Ne lo mén ne ndxin nga, re Ne: ―¿Pagox nak ne ryal ylaa me dxe ne rne me, ne wen u ne mal?, ¿yselaa me xgyelembán te mén u yket me men? Per noze chi wbiin men yra men.

LUCAS 13:14

Per kesentyent wlayaa mén ne rnebééy lenydoo guin por ne wneseyaken Ne wnaa guin dxe ne rne men-Israel, lex re men lo yra mén: ―Xuup dxe ne rak dxiin nuu; dxe guin gutaa gak de rmed, chiidet de dxe ne rne be.

LUCAS 23:56

Chene wberee men ruyuu, wzhexkwaa men perfum no le seyt ne rrenex. Lex wne men dxe ne rne men-Israel zegne zëëd lo ley.

LUCAS 6:2

Lex re tebëd men ne nak farisew lo men: ―¿Penak rlaa de ne ndux ylaa be dxe ne rne be?

JUAN 1:19

Chene wxaal men-Israel ne nak xtis-Jerusalén txup tson fxuz no le txup tson men ne zëëd xnëz Leví por ne ynabdiiz men lo Xwa gan txu nak Xwa,

JUAN 5:11

Wke mén guin, re men: ―Laa men ne wneseyaken noo na lo noo: “Gulis xloon de, gugya.”

JUAN 5:15

Lex sya mén guin, wuu men diiz lo men-Israel ne Jesus nga nak ne wneseyaken men.

JUAN 5:16

Por neguin wkanal men-Israel Jesus chen yket men Ne, por ne rlaa Ne gyelmilaguer dxe ne rne men-Israel.

JUAN 7:23

Belne por ne gun de kumplir ne zëëd lo ley ne wdee Dëdyuzh lo Moises nak ne rguu de mëdbee beey mase dxe ne rne be, orrenaa bes, ¿penak rlaa de lo noo ne wneseyaken noo te mén dxe ne rne be?

JUAN 9:16

Orguin re gwrol men ne nak farisew: ―Mén ne wlaa negwa nakdet men xpén Dëdyuzh, porke rzaknondet men dxe ne rne be. Per le gwrol men re: ―¿Pezee gun te mendol gan ylaa men gyelmilaguer gwa? Noze wren wren rnii men.