JUAN 4:11 - Zapotec Santa María Quiegolani

¹¹ Lex re wnaa guin: ―Dechey, ni bet neeydet de ne koo de nis no kesentyent gyët pos. ¿Pazh koo de nis ne rguu gyelembán?

JUAN 4:11 Iomraidhean Croise

JUAN 3:4

Lex re Nicodemo: ―¿Pezee gak yberee te mengol ne gal men ste? ¿Peguin sak tee men txu xnaa men por ne gal men ste?

JUAN 4:14

per le mén ne goo nis ne ydee noo, ybereedetre ylaan men nis. Porke nis ne ydee noo, ydaa we lextoo men zegne rdaa we rubzin, laa we ydee gyelembán ne nunk luzhdet lo men.

JUAN 7:37

Ne lultim dxe lni nak dxe ne mazre nondee. Dxe guin wzuli Jesus, ndípse re Ne: ―Belne nuu mén rlaan goo nis, chiid men lo noo, noo ydee nis goo men.

HECHOS 10:14

Wke Bëd, re Bëd: ―Yketet noo ma Dechey, porke nunk gardet gu noo maa ne mbixleedx no ne nzaz.

1 CORINTIOS 2:14

Per le mén ne nak noze mengyëzlyu, rlaandet men ne rseleedx XEspíritu Dëdyuzh lo men, porke noze nzëlo rzak men; rundet men gan ydee men kwento, porke rkyiin ne gaknonen XEspíritu Dëdyuzh men chen ydee men kwento.

APOCALIPSIS 21:6

Zhich guin na Ne: ―Le we yra we che wak. Noo nak zegnak leter A ne rzelo yrandxee leter, noo ke nak zegnak leter Z ne ryal yrandxee leter; noo nak ne wzhexkwaa yrandxee ne nuu, noo ke nak ne yluzho. Mén ne rlaan nis, noo ydee nisbzin ne rguu gyelembán goo men noze xla, bet gobdet noo.

APOCALIPSIS 22:1

Wluzh nga wluu angel te gyoow ne nuu nis ne kesentyent nya lo noo, nis guin nak ne rguu gyelembán; axtegue rnabider ne ndebnii we; ledne zu xyagzhil Dëdyuzh ne zob Ne rnebééy Ne yrup Ne Men ne nak zegnak mëkzhiil bëën bëënleg, nga rlen nis guin.

APOCALIPSIS 22:17

Re Espíritu Sant no le nzaap ne gak xewnaa Men ne nak zegnak mëkzhiil bëën bëënleg: ―Gutaa. Yra mén ne gon neree, gue men: ―Gutaa. No yrandxee mén ne rlaan nis no ne rlaan goo we, chiid men goo men nis ne rguu gyelembán noze xla, bet gaknondeto.

APOCALIPSIS 7:17

porke laa Men ne nak zegnak mëkzhiil bëën bëënleg ne zu nes lo yagzhil ne zob Dëdyuzh gapkwent men yra men zegnak men ne rapkwent mëkzhiil no tsano men men rubzin ne rlen nis ne rguu gyelembán, no laa Dëdyuzh nak ne ykwiidx nis lo men chen nunk goondetre men.