JUAN 18:38 - Zapotec Santa María Quiegolani

³⁸ Orguin re Pilato: ―¿Kox nak ne nli? Wluzhse re Pilato zenga, wruu Pilato ste wnii men lo men-Israel, re men: ―Ryenen noo ne bet ne mal wlaadet ménree, por neguin rzëldeto lo noo.

JUAN 18:38 Iomraidhean Croise

MATEO 27:24

Chene wyenense Pilato ne rukasdet mén xdiiz Pilato, sinke lel mazre rderëz men, wgoob Pilato nis, waa nya Pilato nes lo men yra men, lex re Pilato: ―Let noodet rap dol ne guet ménree ne bet xdoldet; laatee de nan.

MARCOS 15:14

Lex re Pilato lo men: ―¿Penako? ¿Pe ne malzhe wlaa men? Per lel mazre rderëz men, re men: ―¡Lo kruz gukaa men!

LUCAS 23:4

Orguin re Pilato lo fxuz ne rnebééy lo yra fxuz no le lo yra mén ne ndxin nga: ―Ryenen noo ne bet ne mal wlaadet ménree, por neguin rzëldeto lo noo.

JUAN 18:33

Wberee Pilato wdee ke Pilato lenyuloow, lex wbëz Pilato Ne wnabdiiz men lo Ne, re men: ―¿Pe laa de nak xerrey men-Israel?

JUAN 19:4

Lex wruu Pilato ste, re Pilato lo yra mén guin: ―Gukwii, koo noo men fwer chen gyenen de ne bet ne mal wlaadet men, por neguin rzëldeto lo noo.

JUAN 19:6

Zegne wii fxuz ne rnebééy lo yra fxuz yra men men ne rapkwent xeydoo Dëdyuzh ne wruu Ne, wzelo men rderëz men, re men: ―¡Lo kruz gukaa men! ¡Lo kruz gukaa men! Lex re Pilato lo men yra men: ―Gusano men laa de gukaa men lo kruz, porke noo ryenen noo ne bet ne mal wlaadet men, por neguin rzëldeto lo noo.

HECHOS 17:32

Chene won men ne wban mengut, tebëd men wzhidxno, le stebëd men re: ―Gan pa dxe yzëët de negwa lo noo ste.

1 PEDRO 1:19

sinke le we wezh kon xren nzoon Jesucrist ne wzhe chene wet Ne zegne ret te mëkzhiil bëën bëënleg ne ngyëël ngyëëlendxee no ne bet nakdet.