JUAN 12:13 - Zapotec Santa María Quiegolani

¹³ wtxuug men zin wzen men, wruu men watsëlnëz men Jesus, noze nesree nesrotee rlen xrëz men, re men: ―¡Nzoon Dëdyuzh! ¡Dëdyuzh gaknonen men ne zëëd por la Dëdyuzh! ¡Laa men nak xerrey men-Israel!

JUAN 12:13 Iomraidhean Croise

MATEO 23:39

Porke yna noo lo de yra de, ne kwiidetre de noo axtegue ne ydxiin dxe ne gue de: “Dëdyuzh gaknonen men ne zëëd por la Dëdyuzh.”

MATEO 27:42

―Wselaa ménree ste mén, per rundet men gan yselaa men men laake men. Belne laa men nak xerrey men-Israel, gyët men lo kruz naa chen ylaleedx be men.

JUAN 1:49

Lex re Natanael: ―Maxter, laa de nak XPee Dëdyuzh, laa de nak xerrey men-Israel.

JUAN 12:14

Kom wzël te bur bëën bëënleg, wzob Jesus led zegne zëëd lo xgyiich Dëdyuzh ledne re:

JUAN 12:15

Men gyëz-Sión, ydxedet de; gukwii, le xerrey de zëëd nee, zëdmbib men te bur bëën bëënleg.

JUAN 19:15

Per wzelo men yra men rderëz men, re men: ―¡Guket men! ¡Guket men! ¡Lo kruz gukaa men! Lex re Pilato lo men: ―¿Peguin skaa noo xerrey de lo kruz? Wke yra fxuz ne rnebééy lo yra fxuz, re men: ―Noo yra noo yëten noo ste rrey, nonchee rrey-Roma nak xerrey noo.

APOCALIPSIS 15:3

Rolbaan men ne wolbaan Moises ne wlaa xdxiin Dëdyuzh no ne rolbaan Men ne nak zegnak mëkzhiil bëën bëënleg, re men: Kesentyent non no nzoon yra ne rlaa de, laa de ne rnebééy de, laa de ne nak de Dëdyuzh ne kesentyent rap poder, xnëz no wen yra ne rlaa de, laa de nak xerrey yrandxee mengyëzlyu.

APOCALIPSIS 19:16

Lo xab men no le kuur men ka: “Rrey ne nak rrey lo yrandxee rrey, Men ne rnebééy lo yrandxee men ne rnebééy.”

APOCALIPSIS 7:9

Wluzhse wak yra neree, wii noo ndalyaa ndalduxtee mén ne nuu yrandxee nacion, yralondxee klas mén, men ne rnii wren wren diiz, men ne nuu yrandxee gyëz. Kesentyent ndalyaa ndalduxtee men axtegue ni rut rundet gan ylab men. Yrandxee men zenga ndxinzuli nes lo yagzhil ne zob Dëdyuzh no le nes lo Men ne nak zegnak mëkzhiil bëën bëënleg. Teblose lërngyich nak men no nzen men zin.