JUAN 11:8 - Zapotec Santa María Quiegolani

⁸ Lex re yra xpén Ne lo Ne: ―Maxter, naandxegueree nga wlaan yra men-Israel ngugye men de nesro; ¿no le de rlaangue tsa ste?

JUAN 11:8 Iomraidhean Croise

MATEO 23:7

No rtseleedx men ne kon gyelenzebnëz gabtyuzh mén men nes lgyeey no rtseleedx men ne ynii mén men maxter.

MATEO 23:8

’Per le laa de yra de, ydeedet de si ne ynii mén de maxter, porke tese bech de yra de, no tendxee Maxter rap de, laa men nga nak Crist.

JUAN 10:31

Lex wgoob men-Israel gye ste ngugye men Jesus.

JUAN 10:39

Orguin wlaan men nnëëz men Jesus ste chen nzano men Ne, per wundet men gan.

JUAN 11:19

No ndal men-Israel wa wanino Mart yrup Mart Mli por ne wet Laser bzaan men.

JUAN 4:31

Myentras ne nuu yra mén guin nëz, wzelo yra xpén Jesus re men lo Jesus: ―Maxter, gugu.

JUAN 8:59

Orguin wgoob men gye ngugye men Ne; per wootsgue Ne lad men, lex wdesu Ne noze lad men yra men, wruu Ne lenxeydoo Dëdyuzh sya Ne.

HECHOS 20:24

Per ni zadeto lextoo noo, ni xgyelembán noo rkaadet lextoo noo, nonchee ne rlaan noo nak ne yseyal noo dxiinree ne wseleedx Jesucrist lo noo ne yzëët noo diznzoon ne wseleedx Dëdyuzh.