JUAN 10:6 - Zapotec Santa María Quiegolani

⁶ Wzëët Jesus neree zegnak te kwent lo men ne nak farisew, per wdeedet men kwent gan pe rna we.

JUAN 10:6 Iomraidhean Croise

MATEO 13:34

Yra neree ne wzëët Jesus lo mén, teblose zegnak kwent wzëët No; bet nzëëdet Ne lo men belne nzëëdet No zegnak kwent.

MATEO 13:51

Lex wnabdiiz Jesus lo men yra men, re Ne: ―¿Pe rdee de kwent yra neree? Wke men re men: ―Rdee noo kwento, Dechey.

MARCOS 4:34

Bet nzëëdet Ne lo mén belne nzëëdet No zegnak kwent; per le lo yra xpén Ne, waandxee wzëët Ne gan pe rna we.

JUAN 16:25

’Yra ne wzëët noo lo de yra de, wzëët noo we zegnak te kwent; per sdxiin dxe ne yzëëdetre noo we zegnak kwent, sinke axtegue nya yzëët noo xkwent Xuz noo lo de.

JUAN 16:29

Lex re yra xpén Jesus: ―Orree si axtegue nya rzëët do, rzëëdetre do zegnak kwent.

JUAN 6:52

Orguin wzelo men-Israel rulsaa men diiz, re men: ―¿Pezee gak yniiz ménree led men gu be?

JUAN 6:60

Chene wluzh won yra xpén Jesus neree, ndalyaa men re: ―Axtegue ne gakdetlel rnii men; ¿txu ykagyedyag ne rnii men?

JUAN 7:36

¿Pagox rna neree ne na men: “Skaye de noo, per tsëldet noo lo de, porke gakdet tsa de ledne gya noo”?

JUAN 8:27

Per wdeedet men kwent ne Dëdyuzh nga wzëët Jesus ne re Jesus zenga.

JUAN 8:43

Rdeedet de kwent xdiiz noo porke rlaandet de ykagyedyag de ne rzëët noo.

1 CORINTIOS 2:14

Per le mén ne nak noze mengyëzlyu, rlaandet men ne rseleedx XEspíritu Dëdyuzh lo men, porke noze nzëlo rzak men; rundet men gan ydee men kwento, porke rkyiin ne gaknonen XEspíritu Dëdyuzh men chen ydee men kwento.

2 PEDRO 2:22

Laa men guin rlaa zegne re diiz ne re: “Mëëk rberee ma ru ke ma ne reeb maa, le kuch nonchee rluzh raz maa, rberee ma rdebxtaa ke maa lo bën.”

1 JUAN 5:20

No nan ke be ne wdxiid Jesucrist XPee Dëdyuzh gyëzlyu, laa Ne wseleedx gyelenyenii lo be chen ynebeey be mer Dëdyuzh. No tese nak be lo Dëdyuzh por Jesucrist XPee Ne. Laa Ne nak mer Dëdyuzh no por laa Ne nuu gyelembán ne nunk luzhdet.