APOCALIPSIS 7:13 - Zapotec Santa María Quiegolani

¹³ Orguin wnabdiiz te mengol guin lo noo, na men: ―¿Txu nak yra men gwa ne nak lërngyich no pazh wruu men ne ndxin men nee?

APOCALIPSIS 7:13 Iomraidhean Croise

JUAN 7:28

Por neguin or ne kaneluu Jesus lenxeydoo Dëdyuzh, ndípse re Ne: ―¡Re de ne rnebeey de noo no nan de gan txu ménzhe nak noo! Per noo zëëdet noo noze xkwent zhal noo, sinke laa Dëdyuzh ne axtegue rkadedet wxaal noo zëëd noo, no rnebeeydet de Ne.

HECHOS 3:12

Ne wii Bëd wdop yra mén guin, re Bëd lo men: ―Men-Israel, ¿penak rzee rzak de por neree? ¿Penak rwii de lo noo yrup noo zeg noo leg wlaa ne wyaken ménree? ¿Pe nuu lextoo de por xpoder noo u por ne mbán noo zegne rlaan Dëdyuzh wlaa ne rzaa men?

APOCALIPSIS 3:4

Per wa Sardis wa benak nuu txup tson mén lad de, men ne gardet ylabeed xab. Laa men guin nak ne saa yra noo ydebxabngyich men, porke ryal meno.

APOCALIPSIS 4:10

rzuzhib yra galebtap mengol guin lo Ne, rzaknon men Ne ne mbán Ne ydeblo siguelendxee no rxob xkoron men nes lo yagzhil guin ne zob Ne, re men:

APOCALIPSIS 4:4

No wii noo zu sgalebtap yagzhil kbii yagzhil guin ne zob Ne; te te lo yagzhil guin zob tegue mengol; teblose lërngyich nak men no tegue koron-or zob xtoo men.

APOCALIPSIS 5:11

Orguin wii noo, lex won noo xrëz ndalyaa ndalduxtee angel kbiindxee yagzhil ne zob Dëdyuzh rnebééy Ne no le kbii ydap menmbán guin no le kbii yra mengol guin; por millón rga yra angel guin;

APOCALIPSIS 5:5

Orguin na te mengol ne ndxin nga lo noo: ―Goondetre de, porke le Men ne nak meedx ne zëëd xnëz Judá no ne zëëd xnëz rrey-David che wun gan lo gyelgut chen yxal meno no laa men nak ne yxal yra guedx sey ne zemzëë we.

APOCALIPSIS 7:9

Wluzhse wak yra neree, wii noo ndalyaa ndalduxtee mén ne nuu yrandxee nacion, yralondxee klas mén, men ne rnii wren wren diiz, men ne nuu yrandxee gyëz. Kesentyent ndalyaa ndalduxtee men axtegue ni rut rundet gan ylab men. Yrandxee men zenga ndxinzuli nes lo yagzhil ne zob Dëdyuzh no le nes lo Men ne nak zegnak mëkzhiil bëën bëënleg. Teblose lërngyich nak men no nzen men zin.