APOCALIPSIS 5:12 - Zapotec Santa María Quiegolani

¹² kesentyent ndíp rnii ne, re ne: Men ne nak zegnak mëkzhiil bëën bëënleg ne wdee si ne wket mén men, ryal ne rap men poder no le gyelenzaak no le gyelenyenii no le fwers, no le gyelnon no le gyelenzoon, no ryal men ne saknon be men.

APOCALIPSIS 5:12 Iomraidhean Croise

MATEO 28:18

Lex wbig Jesus lo men yra men, re Ne: ―Dëdyuzh wniiz poder lo noo ne ynebééy noo gyeybaa no le gyëzlyu.

JUAN 1:29

Ne wra gyëël wii Xwa ne zabig Jesus lo Xwa, lex re Xwa: ―Gukwii, laa ménree nga wxaal Dëdyuzh chen guet men zegnak te mëkzhiil bëën bëënleg chen guezh xdol mengyëzlyu.

JUAN 17:2

Porke laa de wdee poder lo XPee de chen ynebééy XPee de yrandxee mén no chen ydee XPee de gyelembán ne nunk luzhdet lo yra mén ne wdee de lo XPee de.

2 CORINTIOS 8:9

Porke che nan de pezee wen Jesucrist ne por ne ryaan Ne de, mase yrandxoo rap Ne, per wak Ne zegnak menprob, chen por xgyeleprob Ne gap de yrandxoo nes lo Dëdyuzh.

1 TIMOTEO 1:17

Por neguin ydeblo siguelendxee saknon be Ne no saknzoon be Ne; laa Ne nak rrey, nunk guetet Ne, rutlel rwiidet Ne, no tendxee Ne nak Dëdyuzh. Zengaw.

APOCALIPSIS 1:6

wlaa Ne be men ne rnebééy, wlaa Ne be fxuz chen ylaa be xdxiin Dëdyuzh Xuz Ne. Ryal Ne ne saknzoon be Ne, laa Ne ryal ynebééy ydeblo siguelendxee. Zengaw.

APOCALIPSIS 13:8

Yrandxee mén ne nuu gyëzlyu saknon mazab guin, yra mén guin axtegue ne waa gyëzlyu kagyiichdet la men lo liber ne ka la yrandxee mén ne rap gyelembán ne nunk luzhdet; liberree xliber Men ne nak zegnak mëkzhiil bëën bëënleg ne wdee si wet nako.

APOCALIPSIS 15:3

Rolbaan men ne wolbaan Moises ne wlaa xdxiin Dëdyuzh no ne rolbaan Men ne nak zegnak mëkzhiil bëën bëënleg, re men: Kesentyent non no nzoon yra ne rlaa de, laa de ne rnebééy de, laa de ne nak de Dëdyuzh ne kesentyent rap poder, xnëz no wen yra ne rlaa de, laa de nak xerrey yrandxee mengyëzlyu.

APOCALIPSIS 19:1

Wluzh wak yra neree, won noo wlen zegnak xrëz ndalyaa ndalduxtee mén gyeybaa, re we: ¡Kesentyent nzoon XDëdyuzh be! Laa Ne wselaa be lo dol. Por laa Ne nak gyelnon no laa Ne rap poder.

APOCALIPSIS 4:11

Dëdyuzhe, laa de rnebééy, ryal ne saknzoon mén de, ryal ne saknon mén de, ryal ne rap de poder, porke laa de nak ne wzhexkwaa yrandxee kos, porke laa de wlaan ne nuu we no ne waktsoowo.

APOCALIPSIS 5:13

No won noo xrëz yrandxee ne wzhexkwaa Dëdyuzh, nigle ne nuu gyeybaa, nigle ne nuu gyëzlyu, nigle ne nuu lenlyu, nigle ne nuu lo nisdoo, re we: ¡Por Dëdyuzh no le por Men ne nak zegnak mëkzhiil bëën bëënleg nak gyelnon, gyelenzoon, poder, ryal Ne saknon be Ne ydeblo siguelendxee!

APOCALIPSIS 5:6

Lex ledne zu yagzhil guin ne zob Dëdyuzh no le lad ydap menmbán guin no le gwrooltee yra mengol guin, wii noo zuli te Mén ne nak zegnak mëkzhiil bëën bëënleg, noze rnaad led men nuu beey ne wket mén men. Guedx xdxit men zob no guedx bzalo men zob; yra guedx bzalo men nak guedx xespíritu Dëdyuzh ne wxaal Ne ydendxee gyëzlyu.

APOCALIPSIS 5:8

Or ne wnëëz men gyiich guin, wzuzhib ydap menmbán guin no le yra galebtap mengol guin lo men. Tegue arpa nzen te te mengol guin no nzen men fsingyi-or ne rsu guux ne nzoon rree; guux guin nak xdiiz xpén Dëdyuzh chene rnab men lo Ne.

APOCALIPSIS 5:9

Lex rolbaan mengol guin te kantkweb, zeree za we: Laa de nak ne ryal gob gyiich gwa no ne ryal yxal yra sey ne zemzëë we; porke wket mén de, kon xren de wka de yralondxee mén chen gak men xpén Dëdyuzh, nyaalzhe txu xnëztezhe zëëd men, nyaalzhe pe diiztezhe rnii men, nyaalzhe txu méntezhe nak men, nyaalzhe pe naciontezhe ngab men.

APOCALIPSIS 6:1

Wluzh nga wii noo wxal Men ne nak zegnak mëkzhiil bëën bëënleg primer sey ne zemzëë gyiich guin delo yra we guedxo, lex won noo re te delo ydap menmbán guin: ―¡Gutaa! Nak xrëz men zegnak chene ratsyaa ngwzii.

APOCALIPSIS 7:12

re ne: ¡Zengaw! Lo Dëdyuzh nak ne ryal ydee mén dexkyizhtee no ynii mén dizwen, Dëdyuzh nak ne ryal gyelenzoon, gyelenyenii, gyelnon, no le poder, no le fwers ydeblo siguelendxee. ¡Zengaw!