APOCALIPSIS 16:7 - Zapotec Santa María Quiegolani

⁷ No won ke noo wlen te rëz lo fkuuk, re we: ―Nli we Dëdyuzhe, laa de kesentyent rap poder; wen no xnëz rlaa de gyelextis.

APOCALIPSIS 16:7 Iomraidhean Croise

APOCALIPSIS 1:8

“Noo nak zegnak leter A ne rzelo yrandxee leter, noo ke nak zegnak leter Z ne ryal yrandxee leter”, re Dëdyuzh, Dëdyuzh ne nak Dëdyuzh axtegue chekwlo no ne nak ke Dëdyuzh naaree no ne chiid no kesentyent rap Ne poder.

APOCALIPSIS 13:10

Mén ne che nunla ne tsuu chegyiib, chegyiib tsuu men; mén ne che nunla ne guet kon spad, kon spad guet men. Nee nak ne gyen gan pe nli ne rap yra xpén Dëdyuzh pasens no gan pe nli ne rlaleedx men Ne.

APOCALIPSIS 14:10

sakzi men, sboo xgyelnaa Dëdyuzh lo men; kesentyent yzakzi Ne men, baanske ylaa men lo gyirenii no le lo azufre nes lo xangel Ne no le nes lo Men ne nak zegnak mëkzhiil bëën bëënleg.

APOCALIPSIS 14:18

Lo fkuuk wruu ste angel ne rnebééy lo gyi, kesentyent fwert re ne lo angel ne nzen gwchil ne kesentyent ndux lo: ―Guxoon xegwchil de ne ndux lo, gutxuug xemzhuun ub ne ka gyëzlyu, porke che walo.

APOCALIPSIS 19:2

Porke laa Ne si nli rlaa gyelextis no xnëz rlaa No, porke wguu Ne xkastig mengyëzroo gwa ne wak zegnak wnaa ne rkano wren wren mgyeey. Laa men wxiin yrandxee mén ne nuu gyëzlyu kon ne nzaz ne wlaa men; le Ne che wboo xgyelnaa lo mengyëz gwa ne wket men yra mén ne wlaa xdxiin Ne.

APOCALIPSIS 6:9

Chene wxal Men ne nak zegnak mëkzhiil bëën bëënleg sey ne wzaa sey gaay, wii noo zhiin fkuuk ndxin yra xanem mén ne wet por ne wzëët men xdiiz Dëdyuzh no le por ne wzëët men xkwent Jesucrist.