APOCALIPSIS 15:4 - Zapotec Santa María Quiegolani

⁴ ¿Txuzh nak ne ydxedet de Dëdyuzhe, no txuzh saknondet de? Si tendxee de nak ne bet dol rlaadet, schiid yrandxee mengyëzlyu saknon men de porke che wyenen men ne xnëz yrandxee ne rlaa de.

APOCALIPSIS 15:4 Iomraidhean Croise

ROMANOS 15:9

no wdxiid ke Ne chen saknon men ne nakdet men-Israel Dëdyuzh por ne wles lextoo Dëdyuzh men, zegne zëëd lo xgyiich Ne ledne re: Por neguin saknon noo de nes lo yrandxee mén ne nakdet men-Israel no golbaan noo por la de.

1 PEDRO 1:16

Porke lo xgyiich Ne re: “Ylaadet de dol, porke noo rlaadet noo dol.”

APOCALIPSIS 11:15

Or ne wbëz angel ne wzaa angel guedx xtrompet ne, kesentyent ndíp wlen ndal rëz gyeybaa, re we: Yrandxee mén ne rnebééy gyëzlyu, ynebééydetre men; laa Dëdyuzh nak ne ynebééy yrup Ne XeCrist Ne; laa Ne ynebééy ydeblo siguelendxee.

APOCALIPSIS 14:7

Kesentyent fwert re ne: ―Gusaknon Dëdyuzh porke laa Ne wzhexkwaa gyeybaa gyëzlyutee no le nisdoo no le bzin. Gudxe Ne no gusaknzoon Ne, porke che wdxiin or ne ylaa Ne gyelextis lo mén.

APOCALIPSIS 16:5

Orguin won noo re angel ne rnebééy nis: ―Laa de xnëz rlaa de gyelextis, laa de Sant de, laa de nak Dëdyuzh naaree, laake de nak Dëdyuzh axtegue chekwlo.

APOCALIPSIS 16:7

No won ke noo wlen te rëz lo fkuuk, re we: ―Nli we Dëdyuzhe, laa de kesentyent rap poder; wen no xnëz rlaa de gyelextis.

APOCALIPSIS 19:2

Porke laa Ne si nli rlaa gyelextis no xnëz rlaa No, porke wguu Ne xkastig mengyëzroo gwa ne wak zegnak wnaa ne rkano wren wren mgyeey. Laa men wxiin yrandxee mén ne nuu gyëzlyu kon ne nzaz ne wlaa men; le Ne che wboo xgyelnaa lo mengyëz gwa ne wket men yra mén ne wlaa xdxiin Ne.

APOCALIPSIS 19:8

Laa nzaap guin neden gak lërlino ne fin, ne ndaa no ne axtegue rkabnii. Lërlino ne fin rna yra ne xnëz ne wlaa xpén Dëdyuzh.

APOCALIPSIS 3:7

’Gukagyiich yra ne yna noo lo de, lex guxaalo lo men ne rnebééy lo yra xpén noo ne nuu gyëz-Filadelfia, gugue: “Zeree na men ne bet dol neeydet no ne nli rnii, men ne nzen xgyiblew rrey-David, men ne chene yxalse yaglaa, ni te mén gundet gan ytsëë we, no chene ytsëëse men yaglaa, ni te mén gundet gan yxalo:

APOCALIPSIS 4:8

Yra ydap menmbán guin xuup xpaan men zob, no noze yde ledo zob bzalo men, nes led nes leentoo zob bzalo men; no dxe gyëëltee rbë́zdet rnii men, re men: Sant, sant, sant nak Dëdyuzh; kesentyent rap Ne poder, Dëdyuzh ne nak Dëdyuzh axtegue chekwlo no ne nak ke Dëdyuzh naaree no ne chiid.

APOCALIPSIS 6:10

Kesentyent ndíp rnii yra mén guin, re men: ―Dëdyuzh, bet dol neeydet de no nli rnii de. ¿Pa axtegue or nak ne ylaa de gyelextis ne yzakzi de yra mén ne nuu gyëzlyu ne wket men noo?