APOCALIPSIS 14:4 - Zapotec Santa María Quiegolani

⁴ Laa yra ménree nak ne axtegue wkanodet wnaa, xnëz wbán men; laa men nak ne kanalel Men ne nak zegnak mëkzhiil bëën bëënleg ledne za ledne zutee men, laa men nak ne wláá delo lo yrandxee mén, laa men nak zegnak goon ne primerendxee por Dëdyuzh no por Men ne nak zegnak mëkzhiil bëën bëënleg.

APOCALIPSIS 14:4 Iomraidhean Croise

MATEO 19:12

Nuu mén axtegue ne wal men che zëëd men ne ytsëlnyadet men, nuuzeg men por ne rboo doctor ne ndaanen men neguin rtsëlnyadet men, nuuzeg men rtsëlnyadet por ne rlaa men xdxiin Dëdyuzh. Men ne gun gan ne ytsëlnyadet, ytsëlnyadet men.

MATEO 25:1

Lex re Jesus: ―Ledne rnebééy Dëdyuzh gak zegne wzak chii nzebmenyu ne wzen tegue bnii ne rkaa kon seyt; wa nzeb wakambë́z nzeb nobyemgyeey.

MATEO 8:19

Lex wbig te maxter ley lo Ne, re men: ―Maxter, sanal noo de ledne tsatee de.

JUAN 10:27

Yra men ne nak xpén noo rnebeey men xrëz noo no rnebeey noo men no rdxidnal men noo.

JUAN 12:26

Belne nuu mén rlaan ylaa xdxiin noo, rap men degne chidnal men noo, no ledne tsuu noo, nga ke tsuu men. Men ne rlaa xdxiin noo, Dëdyuzh Xuz noo ylep xeblaan men.

JUAN 13:37

Orguin re Simon-Bëd: ―Dechey, ¿penak gakdetgue chidnal noo de orree? Noo rboleedx noo xgyelembán noo nyaalzhe guet noo por laa de.

JUAN 8:12

Lex wnii Jesus lo yra mén ste, re Ne: ―Noo nak bnii por mengyëzlyu; men ne chidnal noo, saadet men lo nkeb, sinke lo bnii ne rguu gyelembán saa men.

HECHOS 20:28

Por neguin gugapkwent de laake de no gugapkwent yra mén ne wniiz Espíritu Sant lo de yra de, porke laa Ne wzu de ne gapkwent de yra men ne nak xpén Jesucrist ne wka Jesucrist kon xren Jesucrist.

1 CORINTIOS 16:15

Laa de yra de ne no de rlaleedx Jesucrist, nanwen de ne laa Estéfanas yra xfamilye Estéfanas nak ne primerendxee wlaleedx Jesucrist Acaya no nan de pezee run men xyudar yra men ne rlaleedx Jesucrist.

1 CORINTIOS 6:20

porke kesentyent nyezh wzii Dëdyuzh de; por neguin rap de degne saknon de Dëdyuzh kon xkwerp de no kon xespíritu de, porke che xpén Ne nak de ydebxkwerp de, ydebxespíritu de.

1 CORINTIOS 7:28

Belne ytsëlnya de, let doldeto; belne ytsëlnya te nzaap, let doldet ko. Per chene che rtsëlnyase mén, zak men sufrir lo xgyelembán men; logne rlaan noo nak ne gakdet de sufrir.

2 CORINTIOS 11:2

Porke ryaan noo de zegne ryaan ke Dëdyuzh de, porke che re noo lo Jesucrist ne noo nak ne ylaa ne ydxiin de lo Ne zegnak te nzaap ne gardet tsuno mgyeey.

EFESIOS 1:14

Laa Espíritu Sant rlaa ne raknanwen be ne skakwent be ne re Dëdyuzh ne yniiz Ne lo be chene yrase men ne nak xpén Ne yláá lo dol, chen mazre gaknon Ne por poder ne rap Ne.

EFESIOS 5:27

chen axtegue nzoon rnaa men ydxiin men lo Ne, ndaa men, neeydetre men dol, ni beedetre men, sinke kesentyent ndaa men, ni ste dol neeydetre men.

1 TIMOTEO 4:3

Ysoow men ydeedet men si ytsëlnya mén, no ydeedet men si gu mén yralondxee klas nesyaa no mase laa Dëdyuzh wsano ne gu men ne rlaleedx Jesucristo no le ne nan gan gonezhe nak ne nli, noze ne ydee men dexkyizhtee lo Ne chene gu meno.

HEBREOS 12:23

ledne nuu yra mén ne kagyiich la gyeybaa, men ne wak xpén Dëdyuzh primerdee, ledne nuu Dëdyuzh (Laa Ne ylaa gyelextis lo yrandxee mén.), ledne nuu yra xanem mén ne xnëz wbán no ne wgyitxee Dëdyuzh xdol,

SANTIAGO 1:18

Wlaa Ne be zegne rlaan Ne; wlaa Ne be zegnak men ne gyed wal por ne wlaleedx be xdiiz Ne, chen laa be gak men primer lad yra xpén Ne.

1 PEDRO 2:9

Per laa de yra de Dëdyuzh wye de, laa de nak fxuz ne ylaa dxiin lo Ne ne nak Ne rrey, laa de neeydetre de dol, laa de nak xpén Ne, chen yzëët de yra ne nzoon ne rlaa Ne. Laa Ne wboo de lo nkeb, wdee Ne de lo bnii ne nzoon ne rap Ne.

APOCALIPSIS 17:14

Tilno men Men ne nak zegnak mëkzhiil bëën bëënleg, per zun Men ne nak zegnak mëkzhiil bëën bëënleg gan lo men yra men, porke laa Men ne nak zegnak mëkzhiil bëën bëënleg nak ne rnebééy lo yrandxee men ne rnebééy, no laa men nak rrey lo yrandxee rrey; no yrandxee mén ne nak xpén men, laa Dëdyuzh wbëz men no laa Ne wye men no rsalzaandet men ne rlaleedx men Ne.

APOCALIPSIS 21:22

Ni te ydoo wiidet noo lenlgyëz guin, porke laa Dëdyuzh nak ydoo gyëz guin yrup Ne Men ne nak zegnak mëkzhiil bëën bëënleg.

APOCALIPSIS 21:23

Rkyiinden gyëz guin ngbiz ni mëëw ne yzenii, porke xgyelenzoon Dëdyuzh nak ne rzenii lenlgyëz guin, no laa Men ne nak zegnak mëkzhiil bëën bëënleg nak bnii gyëz guin.

APOCALIPSIS 3:4

Per wa Sardis wa benak nuu txup tson mén lad de, men ne gardet ylabeed xab. Laa men guin nak ne saa yra noo ydebxabngyich men, porke ryal meno.

APOCALIPSIS 5:9

Lex rolbaan mengol guin te kantkweb, zeree za we: Laa de nak ne ryal gob gyiich gwa no ne ryal yxal yra sey ne zemzëë we; porke wket mén de, kon xren de wka de yralondxee mén chen gak men xpén Dëdyuzh, nyaalzhe txu xnëztezhe zëëd men, nyaalzhe pe diiztezhe rnii men, nyaalzhe txu méntezhe nak men, nyaalzhe pe naciontezhe ngab men.