1 JUAN 2:8 - Zapotec Santa María Quiegolani

⁸ Per rkaa noo we zegnak te ne kweb; laa Jesucrist wbonyoo ne nli we no laa le de rbonyoo ne nli we, porke che zasalzaan de ne rlaa de dol, zanal de xnëz Dëdyuzh.

1 JUAN 2:8 Iomraidhean Croise

MATEO 4:16

Mén ne wak zegnak men ne mbán lo nkeb, le men che wii te bninzhoo; mén ne zadet xnëz Dëdyuzh, bnii guin che rzenii xgyeryen men yra men.

LUCAS 1:79

chen yzenii Ne lo mén ne nuu lo nkeb, men ne che nuu por guet no chen yneluu Ne be gakndxi be.

JUAN 1:9

Porke le merpee bnii guin ne nak Jesus che wdxiid gyëzlyu, laa Ne rlaa ne ryenii xgyeryen yrandxee mén.

JUAN 12:35

Orguin re Ne: ―Xchedetre ykaa noo lad de yra de, noo nak bnii por laa de. Gutanal noo naaster ne benak ka noo lad de chen saadet de lo nkeb. Porke men ne za lo nkeb nandet men pa za men.

JUAN 12:46

Noo nak bnii, zëëd noo gyëzlyuree chen por ne men ne ylaleedx noo tsuudetre men lo nkeb.

JUAN 13:34

Ykyeen noo de ylaa de te ne kweb: Gugyanelsaa; zeree zegne ryaan noo de yra de, zeree ke gugyanelsaa.

JUAN 8:12

Lex wnii Jesus lo yra mén ste, re Ne: ―Noo nak bnii por mengyëzlyu; men ne chidnal noo, saadet men lo nkeb, sinke lo bnii ne rguu gyelembán saa men.

HECHOS 17:30

Chekwlo noze wnetesu Dëdyuzh yra ne wlaa mén porke nandet men pe wlaa men, per orree ydendxee gyëzlyu rkyeen Ne yrandxee mén ne ysaan men xgyelmal men.

HECHOS 26:18

Yxaal noo de lo men chen ylaa de ne tee bnii xgyeryen men, chen ysalzaan men ne mal, tsanal men ne wen, no chen ydeedetre men si ynebééy Bzelo lo men, sinke tsanal men xnëz Dëdyuzh, no chen ylaleedx men noo chen gak perdon xdol men no chen yganen men ne yganen yra mén ne che nak xpén Dëdyuzh.”

ROMANOS 13:12

Che mer gyenii lyu, che mer tsuu be yedxe; por neguin ysaan be ne rlaa be ne mal, ylaa be teblose ne wen.

2 CORINTIOS 8:9

Porke che nan de pezee wen Jesucrist ne por ne ryaan Ne de, mase yrandxoo rap Ne, per wak Ne zegnak menprob, chen por xgyeleprob Ne gap de yrandxoo nes lo Dëdyuzh.

EFESIOS 5:8

Chekwlo wlaa de ne mal, per le naaree ne che nak de xpén Jesucrist, xnëz gubán zegne ryal ybán de ne nak de xpén Ne,

2 TIMOTEO 1:10

Per le xgyelwen Ne che wrunyoo naaree ne wdxiid Jesucrist ne wselaa be lo dol no ne wun gan lo gyelgut, no por xdiznzoon Jesucrist waknan be ne nuu gyelembán ne nunk luzhdet.

1 PEDRO 1:21

Por laa Ne rlaleedx de Dëdyuzh. Laa Dëdyuzh wneban Ne no wdee gyelenzoon lo Ne, chen ylaleedx de Dëdyuzh ydebgyiky ydeblextootee de no chen ykalo de Dëdyuzh.

1 JUAN 3:23

Neree nak ne wkyeen Ne ne ylaa be: ylaleedx be Jesucrist XPee Ne no gyanelsaa be te te be zegne wkyeen Ne be.

1 JUAN 4:11

Belne zeree ryaan Dëdyuzh be, zeree ke rap be degne gyanelsaa be.

1 JUAN 4:21

No laake Dëdyuzh nak ne re: men ne ryaan Dëdyuzh, rap men degne gyaan ke men semén men.