1 JUAN 2:20 - Zapotec Santa María Quiegolani

²⁰ Per le laa de yra de, laa Jesucrist wseleedx Espíritu Sant lo de, no por Espíritu Sant yrandxee de che nan gan gonezhe nak ne nli.

1 JUAN 2:20 Iomraidhean Croise

MATEO 13:11

Wke Ne re Ne: ―Laa de yra de, Dëdyuzh wniiz si ne gaknan de logne ngueedx ne rkyeen Ne, per le yra ménree wdeedet Ne si ne gaknan meno.

MARCOS 1:24

re menzab: ―¿Penak rdee de lad noo Jesus men-Nazaret? ¿Pe zëëd de yluzh de noo? Rnebeey noo de no nan noo ne nakdet de mendol, XPee Dëdyuzh nak de.

LUCAS 4:18

Laa XEspíritu Dëdyuzh raknonen noo, porke laa Ne wye noo por ne yzëët noo xdiznzoon Ne lo yra menprob. Wxaal Ne noo chen yzëët noo lo yra men ne nunyoow gan pezee yláá men, no chen ylaa noo ne gyenii bzalo menngwlëë, no chen yselaa noo yra men ne baanske rzak,

LUCAS 4:34

―Zeka noo; ¿penak rdee de lad noo Jesus men-Nazaret? ¿Pe zëëd de yluzh de noo? Rnebeey noo de no nan noo ne nakdet de mendol, XPee Dëdyuzh nak de.

JUAN 14:26

per laa Espíritu Sant ne yxaal Xuz noo por la noo guu lextoo de no yneluu yrandxee kos lo de, no laa Ne ylaa ne ykanzaleedx de yrandxee ne wzëët noo lo de.

JUAN 16:13

Per chene chiid Espíritu ne rzëët teblose diznli, laa Ne yluu yrandxee ne nli lo de, porke yniidet Ne noze xkwent Ne, sinke le Ne ynii yrandxee ne ron Ne no laa Ne ylaa ne gaknan de ne gyed gak.

HECHOS 10:38

No nanwen de ne laa Dëdyuzh wdee Espíritu Sant no wdee poder lo Jesus men-Nazaret, no nanwen de ne wkalaa Jesus ne wen, wneseyaken Ne yra mén ne rak sufrir por Bzelo. Wun Ne gan wlaa No porke laa Dëdyuzh raknonen Ne.

HECHOS 3:14

Lugar ne nnab de ne nselaa Pilato Jesus ne bet dol wlaadet no ne kesentyent xnëz nak, lel wnab de ne wláá mén ne wlaa gyii.

1 CORINTIOS 2:15

Per le mén ne che nak xpén Dëdyuzh, rdee men kwent yrandxee kos, no ni te mén gundet gan gue ne ngyidet ne rlaa men.

HEBREOS 1:9

No rlaan de ne wen, le ne mal rwinyaan de; por neguin ntozdee wseleedx Dëdyuzh ne nak XDëdyuzh de gyelgwzhiil lo de ke lo yrandxee xpén de.

HEBREOS 8:11

Che ykyiindetre ne yneluu men semén men ni men ne nak xparyent men por ne ynebeey men noo, porke snebeey men noo yrandxee men, minwin mengoltee.

1 JUAN 2:27

Per laa de, Espíritu Sant ne wseleedx Jesucrist lo de raknonen de, por neguin che rkyiindenre de ne yneluu mén de, porke laake Espíritu Sant rneluu yrandxee kos lo de, no pur ne nli rneluu Ne, rneluudet Ne ne nlidet. Por neguin tebegue gugak yra de nes lo Jesucrist zegne wneluu Espíritu Sant de.

1 JUAN 4:13

Wniiz Ne XEspíritu Ne lo be; por neguin nan be ne lo Dëdyuzh ngab be no ne laa Ne raknonen be.

JUDAS 1:5

Mase che nan de neree, per yzëët noo we lo de ste ne mase wboo Dëdyuzh yra men-Israel Egipto, per zhich guin wluzh Ne yrandxee mén ne wlaleedxdet Ne.

APOCALIPSIS 3:7

’Gukagyiich yra ne yna noo lo de, lex guxaalo lo men ne rnebééy lo yra xpén noo ne nuu gyëz-Filadelfia, gugue: “Zeree na men ne bet dol neeydet no ne nli rnii, men ne nzen xgyiblew rrey-David, men ne chene yxalse yaglaa, ni te mén gundet gan ytsëë we, no chene ytsëëse men yaglaa, ni te mén gundet gan yxalo:

APOCALIPSIS 4:8

Yra ydap menmbán guin xuup xpaan men zob, no noze yde ledo zob bzalo men, nes led nes leentoo zob bzalo men; no dxe gyëëltee rbë́zdet rnii men, re men: Sant, sant, sant nak Dëdyuzh; kesentyent rap Ne poder, Dëdyuzh ne nak Dëdyuzh axtegue chekwlo no ne nak ke Dëdyuzh naaree no ne chiid.