TITO 3:2 - Zapotec Guevea de Humboldt New Testament

² Di gynii yâme didz-nahcsy contr ndruhty, no di teḻyno yâme meññ, mazyg ctzoo yâme ni rxilyno meññ, no gap yâme guîlrieñ-ndoo no gyre meññ.

TITO 3:2 Iomraidhean Croise

MATEO 11:29

Lâ gzobdiidz naa, scâsy mod-yuhz ni riyno to yug rtzoo maꞌ gyre ni ne xbixwaan maꞌ, no zegahc lâ gyzeedy ni rlun; porni rtzon mdad no guîlndoo no nehx rniguian; no tzu leññ xguîlmbahñ laꞌd mos.

HECHOS 23:5

Ra Pabl leeyâme: ―Betzy, nehx nannaꞌ bâḻ xjefy gyre bahl‑e leeme. Naa nannaꞌ lo guehtzy ni queꞌ xtiidz Dioz neu: “Di gyniiy didz-nahcsy to lo meññ-guxtisy ni rtzoo mdad xguiedzyiꞌ.”

1 CORINTIOS 6:10

o meññ-gübaan, meññ-rzîbyladzy medy, meññ-ngüee, meññ-rniwaty, o meññ ni risquiee par ycaꞌ xmedy meññ zehzy; gyre zâ meññ-wé yahc nehx beeiy tzu ru rtzoo Dioz mdad.

1 CORINTIOS 9:19

Nîcze ndruhty nehx rtzoo mdad naa, per naa gahc ren zidguiahcu beeiy ni nyug rtzoo mdad naa, lehdy beeiy gacnon xtahl meññ gylíladzy yâme Crist.

2 CORINTIOS 10:1

Naa rnabaꞌ laꞌd por xguîlndoo Crist, no por guîlmeññ-tziaawy ni nac me. Ne lahd xmeññ laꞌd hor-nun no laꞌd rnin didz-ndoo no laꞌd, no hor-ba nun ziht rshaalaꞌ guehtzy lo laꞌd were rnin didz-ndush.

2 CORINTIOS 12:20

Porni rdziehbyaꞌ dze-gydzihñaꞌ ru nu laꞌd, duhn ndzialaꞌ laꞌd ba bydzee mod-nac laꞌd ni nehx riuꞌdadzyaꞌ, no zegahcu naa duhn ba bydzee mod-nacaꞌ ni nehx riuꞌladzy laꞌd. Rdziehbyaꞌ ndzihñaꞌ no ndzialaꞌ rdeḻydiidz laꞌd, rtzumvidy laꞌd, rdziadzyno saꞌ laꞌd, rruu laꞌd chohp tzonn cuib, rnii laꞌd ni nahcsy contr saꞌ laꞌd, rlesyno saꞌ laꞌd, rniguia laꞌd, no to to laꞌd rtzoo ni ne ihqy.

GÁLATAS 5:22

Per ni rdee xiSpirt Dioz naꞌ, leeu we nirieꞌ: guîlndzi, guîlrxihly, guîlriuꞌ dzie tziaawy, guîl-nehx rshacladzy nitisy rahc, guîlndoo xguîlriehñ, guîlmeññ-tziaawy, no de ni rlíladzy mu Dioz,

GÁLATAS 6:1

Rman, bâḻ güieꞌ laꞌd dxuhch de lahd laꞌd gatzoo guîlquie, laꞌd ni rtzoo ni ne xiSpirt Dioz, lâ gacno leeme gyo me Dioz gyzac. Per lâ ctzoo leeu no guîlndoo, no to to laꞌd gax lâ gann, di gdee laꞌd ñahz tzu ni yquihly laꞌd zegahc.

GÁLATAS 6:10

No leewe, hor-beeiyu, gacno nó meññ, no mahbu meññ ni ba bylíladzy xtiidz Dioz.

EFESIOS 4:2

Di cuguia laꞌd laꞌd gahc, no lâ gac meññ-ndoo xguîlriehñ; lâ ctibladzy saꞌ laꞌd sinn di cshacladzy laꞌd, mazyg lâ guîntzi saꞌ laꞌd.

EFESIOS 4:31

Lâ gboo leññ xguîlmbahñ laꞌd gyre guîlrzîbyxyahn, no lâ gboo guîlrdziaꞌdzy, no guîlndiꞌdy. Di teḻydiidz laꞌd no zrieñ, no di gynii laꞌd ni nahcsy chehsh meññ, no di ctzoo laꞌd mbehty ni nehx mos.

FILIPENSES 4:5

Lâ gac meññ-tziaawy no gyre meññ. Ba zidgahsh ni guiaad Crist ni rtzoo mdad.

1 TESALONICENSES 2:7

Per noꞌ güyuꞌ noꞌ lahd laꞌd no guîlnda, beeiy ngüzan-ngünaa ni risniꞌzy xiiñ no guîlndzi.

1 TIMOTEO 3:11

No zegahc ngünaa yahc ni rtzoo dziiñ lahd meññ-idoo, racladzyu gap xpeeiy yâme, di gynii yâme ni nehx uli contr zrieñ, no güieꞌ yâme leegahc yâme no ctzoo yâmeu zaꞌgndzi.

1 TIMOTEO 3:3

no di gac me ngüee, ni di teḻyno me meññ, ni di gyzaꞌladzy me ctzoo me gan medy no to mod-nahcsy, mazyg ctzoo me ni rxilyno meññ, no gyo me mód tzu meññ dzie tziaawy, no di gyzîbyladzy me medy.

SANTIAGO 3:17

Per meññ ni rahp guîlriehñ ni ziaad de Dioz, nier gahc xguîlmbahñ yâme we nyar, no ryo yâme tzu meññ dzie tziaawy, rtzoo yâme ni beeiy gyxilyno meññ lee, no ndoo xguîlriehñ yâme. Rioob yâme meññ, rtzoo yâme ni mos, rsahc yâme gyre meññ tohzy mdid, no nehx ne yâme meññ-tziaawy leeyâme nîcze nehx uliu.

SANTIAGO 4:11

Rman, di gynii laꞌd contr saꞌ laꞌd. Dxu rnii contr xirman, o rlaꞌdzy ni nac me, chehsh xleiy Dioz‑e rruu me, no ba ganii me nehx xñahzu. No bâḻ neꞌy nehx xñahzu ni ne xleiy Dioz la, ba nehx gatzooy ni neu, mazyg gatzooy lii gahc juez.

1 PEDRO 2:1

No leewe, lâ csaan gyre ni nehx mos, gyre guîlrisquiee, di gac laꞌd meññ-ne meññ-tziaawy lee nîcze nehx uliu, no lâ csaan guîlmvidy, no di gynii laꞌd ni nahcsy contr meññ.

1 PEDRO 3:10

Porni lo Guehtzy ru queꞌ xtiidz Dioz neu: Dxu riuꞌladzy tzu mos no gap guîlrxihly lóni mbahñ la, di gynii me ni nadz no di guisquiee me.

1 PEDRO 3:8

No leewe naꞌ, lâ tzu tohzy guîlriehñ, di guiaaḻladzy saꞌ laꞌd, no lâ guîntzi saꞌ laꞌd. Lâ guioob saꞌ laꞌd no lâ gac meññ-ndoo xguîlriehñ.

1 PEDRO 4:4

No naꞌ, gumm ba nehx riuꞌ laꞌd lahd meññ ni rtzoo ni nahcsy lé rdedy lo mdid, leewe rtzunadz yâme no rnii yâme didz-nahcsy contr laꞌd.

2 PEDRO 2:10

no mahbu meññ-rtzoo ni nehzy ihqy no riuꞌladzy ni nahcsy ni ristuꞌ, no ne yâme nehx rsahc de ni rtzoo Dioz mdad. Meññ-dirquihñ leeyâme, no nehx rdzie yâme gynii yâme didz-nahcsy chehsh ni rsahc gybaa.

JUDAS 1:10

Per meññ-wé yahc naꞌ, rnii yâme didz-nahcsy chehsh ni nehx nann yâme bia lee. Mod-nac xguîlriehñ yâme zidguiahc yâme beeiy maꞌ wéhdyx‑e ni nehx nann bia rtzoo, no leeu gnidylo leeyâme.

JUDAS 1:8

No zegahc meññ-wé yahc ni ne rahc mod-rnii xcaaḻ, rtzoo yâme gyrehzy ni nahcsy no xcuerp gahc yâme, rruu yâme chehsh ni ne Dioz, no rnii yâme didz-nahcsy chehsh ni nu gybaa.